အာရက္ခတိုင်းမ်စ် (၁၁ ဧပြီ ၂၀၂၅)
ရက္ခိတအိမ်မက်၊ ရက္ခိတလမ်းစဉ်ကို လက်တွေ့ အကောင်အထည်ဖော် ဆောင်ရွက်လာနိုင်တဲ့ အာရက္ခတပ်တော် (AA) လို့ ခေါ်ဝေါ်နိုင်တဲ့အထိ စွမ်းဆောင်လာနိုင်ခဲ့တယ်လို့ ကူကီးပြည်သွေးစည်းညီညွတ်ရေးကောင်စီ (UKSC) က အာရက္ခတပ်တော်နေ့ ၁၆ နှစ်မြောက် ပေးပို့တဲ့ သဝဏ်လွှာတွင် ဖော်ပြပါရှိပါတယ်။
“ အာရက္ခပြည်ကြီး အမှန်တကယ်ပင် ပြန်လည်နိုးထ အသက်ဝင်လာခဲ့ပြီလို့ ကြက်သီးမွေးညှင်းထလောက်အောင် “ ရက္ခိတအိမ်မက်၊ ရက္ခိတလမ်းစဉ်” ကို လက်တွေ့ အကောင်အထည်ဖော် ဆောင်ရွက်လာနိုင်တဲ့ အာရက္ခတပ်တော် (AA) လို့ ခေါ်ဝေါ်နိုင်တဲ့အထိ စွမ်းဆောင်နိုင်ခဲ့ပြီ” လို့ ကူကီးပြည်သွေးစည်းညီညွတ်ရေးကောင်စီက ဆိုပါတယ်။
ရက္ခိုင်အမျိုးသားအဖွဲ့ချုပ် ခေါင်းဆောင်ကြီးများ၊ အာရက္ခတပ်တော်က ရဲဘော်၊ ရဲမေများ နဲ့ ရဟန်းရှင်လူ အာရက္ခ ပြည်သူ ပြည်သားအားလုံးကို “ သာလီစွပါ” လို့ ကူကီးပြည်သွေးစည်းညီညွတ်ရေးကောင်စီ (UKSC) က သဝဏ်လွှာတွင် နှုတ်ခွန်းဆက်သထားပါတယ်။
အာရက္ခတပ်တော်ဟာ ခိုင်မာတောင့်တင်းလာတဲ့ အင်အားနဲ့အတူ စည်းကမ်းသေဝပ်မှု အမိန့်နာခံမှု စည်းစနစ်ကျတဲ့ တိုက်ရည်ခိုက်ရည်များနဲ့ အောင်ပွဲများစွာကို အံ့မခန်းဖွယ်ကောင်းလောက်အောင် ရယူနိုင်ခဲ့တာ အလွန် ချီးကျူးအားကျဖွယ်အတိ ဖြစ်တယ်လို့ ကူကီးပြည်သွေးစည်းညီညွတ်ရေးကောင်စီ (UKSC) က ဆိုပါတယ်။
ဆက်လက်ပြီး ကူကီးပြည်သွေးစည်းညီညွတ်ရေးကောင်စီ (UKSC) က အာရက္ခတပ်တော်အနေနဲ့ တိုင်းရင်းသားလက်နက်ကိုင်တော်လှန်ရေး အင်အားစုအားလုံးနဲ့အတူ ချစ်ကြည်ရင်းနှီးစွာ လက်တွဲပြီး ညီညီညွတ်ညွတ် တိုက်ပွဲဝင်ပေးသွားပါရန် လေးလေးနက်နက် ပန်ကြားလိုပါတယ်လို့လည်း ဆိုပါတယ်။
ထို့အတူ အာရက္ခပြည်ကြီးဟာ ရက္ခိုင်အမျိုးသားအဖွဲ့ချုပ်ရဲ့ ခေါင်းဆောင်မှု၊ အာရက္ခတပ်တော် (AA) စွမ်းဆောင်မှု၊ အာရက္ခပြည်သူပြည်သားများရဲ့ စစ်မှန်တဲ့ စီးလုံးညီညွတ်မှုများကြောင့် “ ကိုယ့်ကံကြမ္မာ ကိုယ်ဖန်တီးနိုင်သော လွတ်လပ်သည့် လူမျိုးအနေဖြင့် ကမ္ဘာ့အလယ်တွင် ဂုဏ်သိက္ခာရှိစွာ အခိုင်အမာ ပြန်လည်ရပ်တည်နိုင်တော့မည်” ဖြစ်ပြီး ကူကီးပြည်သွေးစည်းညီညွတ်ရေးကောင်စီ (UKSC) အနေနဲ့ အာရက္ခတပ်တော် (AA) နေ့ကို ဂုဏ်ပြုပါတယ်လို့လည်း ဆိုပါတယ်။
3 Comment
need a video? milan production house offering full-cycle services: concept, scripting, filming, editing and post-production. Commercials, corporate videos, social media content and branded storytelling. Professional crew, modern equipment and a creative approach tailored to your goals.
вытяжные заклепки 2 4 заклепка вытяжная нержавеющая купить
Надёжная система kraken магазин гарантирует безопасность каждой сделки через escrow