Business

အာရက္ခတိုင်းမ်စ် (၁၇ ဖေဖော်ဝါရီ ၂၀၂၆) မြန်မာနိုင်ငံတွင် အိန္ဒိယနိုင်ငံသား ယာဥ်မောင်းတဦး သေဆုံးလို့ ရက္ခိုင်ပြည်၊ ချင်းပြည်နယ်တို့နဲ့ နယ်နမိတ်ချင်းထိစပ်နေတဲ့ အိန္ဒိယဘက်ခြမ်းက နယ်စပ်ကုန်သွယ်ရေးလမ်းများကို ပိတ်ဆို့သွားမယ်လို့ ဒေသခံ လိုင်လူငယ်အဖွဲ့အစည်းက (CYLA) ဆိုပါတယ်။ သေဆုံးသွားသူမှာ မီဇိုရမ်ပြည်နယ်၊ လောင်တလိုင်မြို့နယ်၊ အေအိုစီရပ်ကွက်နေ အသက် ၃၇နှစ် အရွယ်ရှိ ပူးလားရမ်စန်းငါ ဖြစ်တယ်လို့ သိရပါတယ်။ သေဆုံးသူရဲ့ ရုပ်အလောင်းကို နေရပ်သို့ ပြန်လည်သယ်ဆောင်လာပြီး ဆေးရုံတွင် စစ်ဆေးနေပြီး ဒဏ်ရာတချို့ ရရှိထားပြီး မတော်တဆသေဆုံးမှု သို့မဟုတ် လူသတ်မှုဖြစ်တယ်ဆိုတာကိုတော့ အတိအကျ မသိရှိရသေးဘူးလို့ သိရပါတယ်။ အဆိုပါ ဖြစ်ရပ်ကြောင့် လောင်တလိုင်ခရိုင် လိုင်လူငယ်အဖွဲ့အစည်း CYLA နဲ့ ရှဟာခရိုင် မရာလူငယ်အဖွဲ့အစည်း (MTP) တို့ ဖေဖော်ဝါရီလ ၁၄ ရက်က တွေ့ဆုံခဲ့ပြီးနောက် ကုန်သွယ်မှုအားလုံးကို ပိတ်ဆို့ရန် ဆုံးဖြတ်ခဲ့တာလည်း ဖြစ်ပါတယ်။ သေဆုံးသူဟာ သူ့ညီနဲ့အတူ ပလက်ဝမြို့နယ်၊ ရှင်းလက်ဝကျေးရွာကို ကုန်ပစ္စည်းများပို့ရန် ပစ်ကပ်ကားနဲ့ ဖေဖော်ဝါရီလ ၁၂ ရက်တွင် သွားရောက်ခဲ့ပြီး ပျောက်ဆုံးသွားတာလည်း ဖြစ်ပါတယ်။ သေဆုံးမှု ဖြစ်ပွားခဲ့တဲ့နေရာကို ထိန်းချုပ်ထားတဲ့ အာရက္ခတပ်တော်ထံကိုလည်း အမှုဖော်ထုတ်ပေးရန် CYLA က တောင်းဆိုထားတယ်လို့ သိရပါတယ်။

အာရက္ခတိုင်းမ်စ် (၁၇ ဖေဖော်ဝါရီ ၂၀၂၆) ရက္ခိုင်ပြည် ရေပိုင်နက်အတွင်း တရားမဝင် ဝင်ရောက် ငါးခိုးဖမ်းလို့ အရေးယူထားတဲ့ ဘင်္ဂလားဒေ့ချ်ရေလုပ်သားတွေထဲက (၇၃) ယောက် ဖေဖော်ဝါရီလ ၁၆ ရက်တွင် ဘင်္ဂလားဒေ့ချ်နယ်ခြားစောင့်တပ်ထံသို့ အာရက္ခတပ်တော် က ပြန်လည်လွှဲပြောင်းပေးလိုက်တယ်လို့ သိရပါတယ်။ အဆိုပါ ရေလုပ်သား (၇၃) ယောက်ကို အာရက္ခတပ်တော်က ဘင်္ဂလားဒေ့ချ်နယ်ခြားစောင့်တပ်နဲ့ အဆက်အသွယ်ပြုလုပ်ကာ အထောက်အထား စုံစမ်းစစ်ဆီးမှုများ ပြုလုပ်ခဲ့ပြီးနောက် ဖေဖော်ဝါရီလ ၁၆ ရက် ညနေ ၄ နာရီခွဲခန့်တွင် ဘင်္ဂလားဒေ့ချ်နယ်ခြားစောင့်တပ် တာဝန်ရှိသူတွေထံ ပြန်လည် လွှဲပြောင်းပေးခဲ့တာလည်း ဖြစ်ပါတယ်။  ပြန်လည် လွှဲပေးလိုက်တဲ့ ငါးခိုးဖမ်းသမား (၇၃) ယောက်အနေနဲ့လည်း နောက်နောင်တွင် ရက္ခိုင်ရေပိုင်နက်အတွင်းသို့ ဝင်ရောက်ပြီး ငါးခိုးမဖမ်းတော့ပါဘူးလို့ ခံဝန်ကတိ လက်မှတ်ရေးထိုးခဲ့တယ်လို့လည်း သိရပါတယ်။ ရက္ခိုင်ပြည် ရေပိုင်နက်အတွင်းကို ကျူးကျော်ဝင်ရောက်လာပြီး ငါးဖမ်းနေသူတွေကို အာရက္ခတပ်တော်က ဖမ်းဆီးကာ စတင်အရေးယူဆောင်ရွက်မှုတွေ လုပ်နေပြီဖြစ်တယ်လို့ အာရက္ခတပ်တော်က ၂၀၂၄ ခုနှစ် အောက်တိုဘာလမှာ သတင်းထုတ်ပြန်ထားပါတယ်။ အာရက္ခစစ်သည်တော်တွေ၊ ပြည်သူ့လုံခြုံရေးတပ်ဖွဲ့ဝင်တွေနဲ့ ကမ်းခြေစောင့်တပ်ဖွဲ့ဝင်တွေဟာ ရက္ခိုင်ပြည်နေ အပြစ်မဲ့ အရပ်သားပြည်သူတွေကို လူမျိုးမရွေး၊ ဘာသာမရွေး ခွဲခြားဘက်လိုက်မှုမရှိဘဲ အသက်၊ အိုးအိမ်၊ စည်းစိမ် နဲ့ လုံခြုံရေးတို့ကို အထူးအလေးထားသလို နယ်စပ်ဒေသတည်ငြိမ်အေးချမ်းရေး၊ တရားဥပဒေစိုးမိုးရေးနဲ့ နတ်မြစ်ကြောင်းတလျှောက်က အကြမ်းဖက်သမားတွေ ခိုအောင်းကျက်စားနိုင်မှုမရှိစေရေးအတွက်ကိုလည်း ဒေသခံပြည်သူလူ ထုတွေ နဲ့ ပူးပေါင်းပြီး အကောင်းဆုံး ကြိုးပမ်းဆောင်ရွက်လျက်ရှိနေတယ်လို့ သိရပါတယ်။ Ref & Photo – APM

အာရက္ခတိုင်းမ်စ် (၁၅ ဖေဖော်ဝါရီ ၂၀၂၆) ရက္ခိုင်ပြည်၊ သံတွဲမြို့ရှိ စစ်ရှောင်တွေအတွက် ဆန်အလှူရှင်များ လိုအပ်နေတယ်လို့ လေးဝတီ-သံတွဲ စစ်ဘေးရှောင်များ ကူညီရေးအဖွဲ့က ဆိုပါတယ်။ လက်ရှိ သံတွဲမြို့မှာ စစ်ရှောင်ဦးရေ ၃ ထောင်ခန့်ရှိပြီး စားဝတ်နေရေးအတွက် ငါးဖမ်းပြီး အသက်မွေးဝမ်းကြောင်း ပြုလုပ်နေကြပေမယ့် စစ်ကော်မရှင်က မကြာခဏ ပစ်ခတ်ဖမ်းဆီးတာတွေ ပြုလုပ်နေတာကြောင့် စားဝတ်နေရေး ကြပ်တည်းမှုနဲ့ ကြုံတွေ့နေရတာ ဖြစ်တယ်လို့ သိရပါတယ်။ “ စစ်ရှောင်က မနှစ်ကထက်စာရင်တော့ နည်းပါတယ်။ ဒါပေမယ့် ပြန်ဝင်လည်ဝင်ရောက် နေထိုင်ခွင့် ပေးထားပေမယ့် စကမ ရဲ့ ရေကြောင်းကနေ အမြဲပစ်ခတ်နေတာ ငါးဖမ်းလှေတွေကို ဖမ်းဆီးနေတာတွေကြောင့် စားဝတ်နေရေး ကျပ်တည်းကြပါတယ်။ အသင်းအဖွဲ့အနေနဲ့ အခက်အခဲကတော့ သူတို့လာပြီး အကူအညီ တောင်းခံတဲ့အခါမျိုးမှာ အလှူငွေမရှိတော့ မပေးလိုက်နိုင်ဘူးပေါ့”  လို့ လေးဝတီ-သံတွဲ စစ်ဘေးရှောင်များ ကူညီရေးအဖွဲ့ရဲ့ တာဝန်ရှိသူတဦးက အာရက္ခတိုင်းမ်စ်ကို ပြောပါတယ်။ စစ်ရှောင်တွေအနေနဲ့ စားဝတ်နေရေး ကျပ်တည်းနေသလို ကူညီထောက်ပံ့နေတဲ့ အဖွဲ့အနေနဲ့လည်း အလှူရှင် နည်းပါးလာပြီး လိုအပ်တဲ့ အကူညီတိုင်းကို ထောက်ပံ့ပေးနိုင်ခြင်း မရှိတာကြောင့် စစ်ရှောင်တွေကို ကူညီရန်အတွက် ဆန်အိတ်အလှူခံတာ ဖြစ်တယ်လို့ ဆိုပါတယ်။ “ လိုတာကတော့ အများကြီးပါ။ စားနပ်ရိက္ခာကတော့ အဓိကပေါ့။ ကျနော် အရင်ကဆိုရင် အမြဲတမ်း လှူဖူးတဲ့သူတွေက ကျနော်တို့အဖွဲ့ကို သိကြတော့ အမြဲလာပြီး အကူအညီ တောင်းခံလာနေကြတော့ ကျနော်လည်း စားနပ်ရိက္ခာ အဓိကဆိုတော့ ဆန် အလှူခံကြည့်တာပါ။ ကျနော်တိ့် တောင်ပိုင်းအဖွဲ့တွေက အလှူရှင်လည်း နည်းပါတယ်”  လို့ အဆိုပါ တာဝန်ရှိသူက ဆက်ပြောပါတယ်။ စစ်ရှောင်တွေ စားဝတ်‌နေရေး ပြေလည်စေဖို့ လတ်တလောမှာ  ဆန်အိတ် ၁၀၀ ခန့် စုဆောင်းလှူဒါန်းရန် ရည်ရွယ်ထားပြီး ပါဝင်လှူဒါန်းလိုတဲ့ အလှူရှင်တွေအနေနဲ့ လေးဝတီ-သံတွဲ စစ်ဘေးရှောင်များ ကူညီရေးအဖွဲ့ရဲ့ Facebook page ကတဆင့် ဆန် တအိတ်ကို  ၆၀၀၀၀ ကျပ်နှုန်းနဲ့ ပါဝင် လှူဒါန်းနိုင်တယ်လို့ သိရပါတယ်။

အာရက္ခတိုင်းမ်စ် (၃၁ ဇန်နဝါရီ ၂၀၂၆) မြန်မာနိုင်ငံကနေ ထိုင်းနိုင်ငံကို အခွန်ကင်းလွတ်ခွင့်နဲ့ တင်ပို့နေတဲ့ကာလကို ထိုင်းနိုင်ငံက လျှော့ချလိုက်တယ်လို့ ပြောင်းလုပ်ငန်းရှင်တွေထံကနေ သိရပါတယ်။ အရင်က မြန်မာနိုင်ငံကပြောင်းကို ဖေဖော်ဝါရီလ ၁ ရက်ကနေ ဩဂုတ်လ ၃၁ ရက်အထိ အခွန်ကင်းလွတ်ခွင့်နဲ့ ထိုင်းနိုင်ငံက တင်ပို့ခွင့်ပြုထားသော်လည်း လက်ရှိမှာတော့ ဖေဖော်ဝါရီလကနေ

အာရက္ခတိုင်းမ်စ် (၂၉ ဇန်နဝါရီ ၂၀၂၆) ရက္ခိုင်ပြည် ပေါက်တောမြို့နယ်က မွတ်ဆလင်ရေလုပ်သား ၆ ဦးကို စစ်ကော်မရှင်က ဇန်နဝါရီလ ၂၇ ရက် က ထပ်မံဖမ်းဆီးသွားတယ်လို့ သိရပါတယ်။ “ စားဝတ်နေရေးအရ စစ်တပ်ရန်ကြောက်နေရပေမယ့် ငါးဖမ်းထွက်ပြီး စားဝတ်နေရေး ဖြေရှင်းနေရတာလေ။ သူတို့တွေက ဆံတော်ရှင်ကျွန်းနားမှာ ငါးဖမ်းနေစဉ်

အာရက္ခတိုင်းမ်စ် (၂၇ ဇန်နဝါရီ ၂၀၂၆) ရက္ခိုင်ပြည် လွတ်မြောက်နယ်မြေက ပြည်သူတွေ ဈေးရောင်း ဈေးဝယ်ရာတွင် အဆင်ပြေစေရန်အတွက် အာရက္ခပြည်သူ့တော်လှန်ရေးအစိုးရက ကုန်ဈေးနှုန်းများကို သတ်မှတ်ပြီး ထိန်းညှိဆောင်ရွက်ပေးနေတယ်လို့ ဒေသခံတွေက ဆိုပါတယ်။ အာရက္ခပြည်သူ့တော်လှန်ရေးအစိုးရက အသား၊ ငါးအပါအဝင် စားကုန်များနဲ့ တခြားကုန်ပစ္စည်းများကို ပြည်သူများ ဝယ်ယူသုံးစွဲရာတွင် အဆင်ပြေစေရန် ဈေးနှုန်းများကို

အာရက္ခတိုင်းမ်စ် (၂၅ ဇန်နဝါရီ ၂၀၂၆) ပင်လယ်ပြင်မှာမိတဲ့ မူးယစ်နဲ့ပတ်သက်တဲ့ လုပ်ငန်းမှန်သမျှ AA ပါဝင်ပတ်သက်နေတယ်လို့ စကော်မရှင်ရဲ့ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ထပ်မံ စွပ်စွဲပြောဆိုထားပါတယ်။ ဒီပြောဆိုမှုကိုတော့ ဇန်နဝါရီလ ၂၄ ရက်၊ မနက်ပိုင်းမှာ မန္တလေးတိုင်း၊ ပြင်ဦးလွင်မြို့ အနီးစခန်းလေဆိပ်မှာပြုလုပ်တဲ့ မူးယစ်ဆေးဝါးများနဲ့ မူးယစ်ဆေးဝါးချက်လုပ်ရာတွင် အသုံးပြုတဲ့ပစ္စည်းများ