KIO ဥက္ကဌကို တရုတ်က ထိန်းသိမ်းထားတယ်လို့ သတင်းထွက်ပေါ်

အာရက္ခတိုင်းမ်စ် (၉ ဇူလိုင် ၂၀၂၅)

KIO အစိုးရ ဥက္ကဌ ဆလန်ကဘာ အင်ဘန်လကို တရုတ်အစိုးရက အကျယ်ချုပ် ဖမ်းဆီးထိန်းသိမ်းထားတယ်လို့ ဇူလိုင် ၇ ရက် ညနေက စတင်ကာ သတင်းထွက်ပေါ်လာပါတယ်။

“ တရုတ်အစိုးရကနေ KIO ဥက္ကဌ ဆလန်ကဘာ အင်ဘန်လကို အစည်းအဝေးခေါ်တွေ့ပြီး မပြန်ခိုင်းတဲ့အနေအထားလို့ ပြောသံကြားတယ် ၊ ပြောရမယ်ဆိုရင် အကျယ်ချုပ်ဖမ်းဆီးထားတယ် ထင်တယ် ၊ သေချာတော့မသိသေးဘူး ၊ ဗန်းမော်ကို ထိုးစစ်ရပ်ဖို့ တရုတ်အစိုးရက ဖိအားပေးပြောနေတယ်လို့ ကြားတယ်၊ စစ်​ကောင်စီနဲ့ တရုတ်အစိုးရက ဘာ​တွေ အ​ပေးအယူလုပ်ထားကြလဲ​တော့ စုံစမ်းဖို့လိုတယ် ” ဟု ဦးဇေဒေါင် ( အမည်လွှဲ ) က ပြီးခဲ့တဲ့ ဇူလိုင်လ ၇ ရက်က KSSM (The Kachin Sub-State Media’s post) သတင်းဌာကို ပြောကြားခဲ့ပါတယ်။

KIO အစိုးရ ဥက္ကဌ ဆလန်ကဘာ အင်ဘန်လကို တရုတ်အစိုးရက အကျယ်ချုပ် ဖမ်းဆီးထိန်းသိမ်းထားခြင်း ရှိမရှိကို KIO ဘက် တစ်စုံတရာ ထုတ်ပြန်လာခြင်း​တော့မရှိ​သေးပါဘူး။

ရှမ်းပြည် လားရှိုးမြို့ ဆင်နှစ်​ကောင်ဟိုတ​ယ်တွင် တရုတ်အစိုးရက သိန်းနီမြို့ကို စစ်ကောင်စီကိုပြန်​ပေးရန် ကိုးကန့် MNDAA ကို ဖိအား​ပေး​ပြောဆိုခဲ့တဲ့သတင်း ထွက်ပေါ်လာပြီး​နောက် လားရှိုးမြို့ပြင်တွင် နှစ်ဖက်တပ်များ အပြန်အလှန် အင်အားဖြည့် စစ်​ရေးလှုပ်ရှားမှုများရှိလာနေပါတယ်​။

မှတ်ချက် – The Kachin Sub-State Media’s post သည် KIO သတင်းများကို ဖော်ပြနေတဲ့ ပြန်ကြားရေးဖြစ်ပါတယ်။