အာရက္ခတိုင်းမ်စ် (၂၀ နိုဝင်ဘာ ၂၀၂၅)
ချင်းအမျိုးသားကာကွယ်ရေးတပ်ဖွဲ့မှ တိုက်ပွဲအတွင်း ဒဏ်ရာရ ရဲဘော်များကို ဒေါက်တာညိုထွန်းအောင်က သူရေးသားထားတဲ့ သူပုန်ဖြူစာအုပ်နဲ့ ငွေသား ၄၂ သိန်း ကူညီပေးခဲ့တယ်လို့ သိရပါတယ်။
“အာရက္ခတပ်တော် “သူပုန်ဖြူအဖွဲ့” မှ ကိုယ်လက်အင်္ဂါဆုံးရှုံးသွားတဲ့ CNDF ဒဏ်ရာရရဲဘော်များအတွက် မေတ္တာဖြင့်ပေးအပ်တဲ့ သူပုန်ဖြူ ကဗျာစာအုပ် ၄၂ အုပ်၊ လွယ်အိတ် ၄၂ လုံး၊ ငွေးသား ၄၂ သိန်းပါ စာအိတ် ၄၂ အိတ် ကို ထောက်ပံ့လှူဒါန်းပေးလို့ အထူးကျေးဇူးတင်ပါတယ်” လို့ ချင်းအမျိုးသားအဖွဲ့ချုပ်/ချင်းအမျိုးသားကာကွယ်ရေးတပ်ဖွဲ့ (CNO/CNDF) က ထုတ်ပြန်ပါတယ်။
ဒေါက်တာညိုထွန်းအောင်က သူပုန်ဖြူကဗျာစာအုပ်ရောင်းရငွေရဲ့ ၃၅ ရာခိုင်နှုန်းကို စစ်အာဏာသိမ်းပြီးနောက် တိုက်ပွဲများအတွင်း ကိုယ်လက်အင်္ဂါ ပေးဆပ်စွန့်လွှတ်ခဲ့ရတဲ့ တော်လှန်ရေး ရဲဘ်ေတွေကို အချိုးကျ မျှဝေကူညီသွားမယ်လို့လည်း ဆိုထားပါတယ်။
သူပုန်ဖြူကဗျာစာအုပ်ကို ဘာသာစကား ဗမာ၊ ရက္ခိုင်၊ အင်္ဂလိပ် နဲ့ တရုတ် ၄ ဘာသာ နဲ့ ထုတ်ဝေဖြန့်ချီနေပြီး ကဗျာစာအုပ်တွင် ကဗျာအပုဒ်ရေ ၃၀ ကျော် ပါဝင်တယ်လို့ သိရပါတယ်။