အာရက္ခတိုင်းမ်စ် (၃ ဒီဇင်ဘာ ၂၀၂၅)
၂၀၂၅ ခုနှစ် ဇန်နဝါရီလ ကနေ နိုဝင်ဘာလ အတွင်း စစ််ကော်မရှင် ရဲ့ စခန်း ၅ ခု နဲ့ ရွာ ၃ ရွာကို အာရက္ခတပ်တော် က သိမ်းယူနိုင်ခဲ့တယ်လို့ ISP Myanmar ရဲ့ အစီရင်ခံစာမှာ ဖော်ပြထားပါတယ်။
အဆိုပါ အစီရင်ခံစာကိုတော့ (ဒီဇင်ဘာ ၁ ရက်) နေ့မှာ ထုတ်ပြန်ခဲ့တာပါ။ အစီရင်ခံစာရဲ့ ဖော်ပြချက်အရ ၂၀၂၅ ခုနှစ် နှစ်ဆန်းပိုင်းကစပြီး အာရက္ခတပ်တော် နဲ့ ပူးပေါင်းတပ်တွေဟာ ဧရာဝတီ၊ မကွေး နဲ့ ပဲခူးတိုင်းတို့ကို ထိုးစစ်ဆင်လာခဲ့တယ်လို့ သိရပါတယ်။
ထိုးစစ်ဆင် တိုက်ခိုက်မှုအတွင်း အောက်တိုဘာလ တတိယပတ်တွင် ပဲခူးတိုင်း (အနောက်ပိုင်း) ဥသျှစ်ပင်မြို့ကနေ ၁၆ မိုင် ဝန်းကျင်ဝေးတဲ့ ပွိုင့် ၆၆၆ ကုန်းကို သိမ်းယူနိုင်ခဲ့သလို ပွိုင့် ၆၆၆ ကုန်းအပါအဝင် စစ်ကော်မရှင်ရဲ့ စစ်စခန်း ၅ ခု နဲ့ ရွာ ၃ ရွာကို AA နဲ့ ပူးပေါင်းတပ်တွေက သိမ်းယူနိုင်ခဲ့ပါတယ်။
ရက္ခိုင်ပြည်နဲ့ ထိစပ်နေတဲ့ မကွေး၊ ပဲခူး၊ ဧရာဝတီတိုင်း စတဲ့ တိုင်းဒေသကြီးတွေမှာ အာရက္ခတပ်တော် နဲ့ ပူးပေါင်းတပ်များက စစ်မျက်နှာ ချဲ့ထွင်နေပြီး ပဲခူးတိုင်း ဥသျှစ်ပင်မြို့ရှိ ကာကွယ်ရေးပစ္စည်းစက်ရုံ (ကပစ) အမှတ်-၆ နဲ့ မကွေးတိုင်း ပဒါန်းမြို့ရှိ ကပစ-၁၄ တို့ကိုလည်း ထပ်မံ ဦးတည်နေတယ်လို့ အစီရင်ခံစာမှာ ဖော်ပြထားပါတယ်။
အစီရင်ခံစာအရ မကွေးတိုင်း ပဒါန်းမြို့ရဲ့ ၁၇ မိုင် ဝန်းကျင်ကို AA နဲ့ ပူးပေါင်းတပ်များရဲ့ထိုးစစ် ရောက်ရှိနေတယ်လို့ သိရပါတယ်။
မကွေးတိုင်း နဲ့ ပဲခူးတိုင်း အတွင်းမှာ ကပစ ၂၂ ခု ရှိပြီး ၁၆ ခု ကတော့ ဧရာဝတီမြစ် (အနောက်ဘက်ခြမ်း) မှာရှိတယ်လို့ အစီရင်ခံစာမှာ ဖော်ပြထားပါတယ်။
AA ထိန်းချုပ်ရာဒေသတွေကို စစ်ကော်မရှင် က စစ်အင်အား ဖြည့်တင်းခြင်းနဲ့အတူ လေကြောင်းတိုက်ခိုက်မှုကိုပါ တိုးမြှင့်လာခဲ့ပြီး AA အနေနဲ့လည်း ရက္ခိုင်ကမ်းရိုးတန်းဘက်တွင် စစ်ဆိုင်ထားရမှု၊ သိမ်းပိုက်ပြီးပါက ထိန်းချုပ်ထားရန် ခက်ခဲမှုတွေကြောင့် ကပစ စက်ရုံတွေကို သိမ်းနိုင်ဖို့ လွယ်ကူမှာ မဟုတ်ဘူးလို့လည်း ISP Myanmar ရဲ့ အစီရင်ခံစာမှာ သုံးသပ်ထားပါတယ်။
1 Comment
Медикаментозная терапия направлена на снятие симптомов абстиненции, нормализацию функций органов и систем, а также коррекцию психоэмоционального состояния пациента. Используются препараты, способствующие детоксикации, стабилизации работы нервной системы и улучшению общего самочувствия.
Подробнее можно узнать тут – платная наркологическая скорая помощь пермь