အာရက္ခတိုင်းမ်စ် (၁၅ ဇန်နဝါရီ ၂၀၂၆)
တအာင်းအမျိုးသားတော်လှန်ရေးနေ့မှာ ဂုဏ်ပြုသဝဏ်လွှာတွေ ပေးပို့ကြတဲ့ မဟာမိတ်အဖွဲ့အစည်းတွေ၊ တော်လှန်ရေးအဖွဲ့အစည်းတွေနဲ့ နွေဦးတော်လှန်ရေး အဖွဲ့အစည်း အသီးသီးကို မှတ်တမ်းတင် ကျေးဇူးတင်တယ်လို့ တအာင်းတပ်မတော် (TNLA) က ဆိုပါတယ်။
ဇန်နဝါရီလ ၁၂ရက်မှာ ကျရောက်ခဲ့တဲ့ (၆၃) နှစ်ပြည့် တအာင်းအမျိုးသားတော်လှန်ရေးနေ့ အခမ်းအနားကို အာရက္ခတပ်တော် အပါအဝင် အဖွဲ့အစည်းတွေနဲ့ တပ်ပေါင်းစုအဖွဲ့ တွေက ဂုဏ်ပြု သဝဏ်လွှာ ပေးပို့ခဲ့တာလည်း ဖြစ်ပါတယ်။
“အာဏာရှင်စနစ်ကျဆုံးရေး၊ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး၊ အမျိုးသားတန်းတူရေးနဲ့ ကိုယ်ပိုင်ပြဌာန်းခွင့် ရရှိရေးတို့ အပါအဝင် တအာင်းတစ်မျိုးသားလုံး အဖိနှိပ်ခံဘဝလွတ်မြောက်ရေးနဲ့ တအာင်းပြည်နယ် တည်ဆောက်ရေးအတွက် တော်လှန်တိုက်ပွဲဝင်နေတဲ့ မိမိတို့ PSLF/TNLA အဖွဲ့အစည်းထံ မဟာမိတ်အဖွဲ့အစည်းများ၊ တော်လှန်ရေးအဖွဲ့အစည်းများနဲ့ နွေဦးတော်လှန်ရေး အဖွဲ့အစည်းအသီးသီးက ပေးပို့ကြတဲ့ ဂုဏ်ပြုသဝဏ်လွှာများကို မှတ်တမ်းတင်ထားပြီး အဆိုပါ အဖွဲ့အစည်းအသီးသီးကို အထူးကျေးဇူးတင်ရှိပါတယ်” လို့ TNLA က ဆိုပါတယ်။
(၆၃) နှစ်ပြည့် တအာင်းအမျိုးသားတော်လှန်ရေးနေ့ အခမ်းအနားကို သဝဏ်လွှာ ပေးပို့ခဲ့ကြတဲ့ အဖွဲ့တွေကတော့ မြန်မာနိုင်ငံအမှန်တရားနဲ့တရားမျှတသောအမျိုးသားပါတီ (MNTJP/MNDAA)၊ ရက္ခိုင်အမျိုးသားအဖွဲ့ချုပ် (ULA/AA)၊ ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာ စတာတွေ ဖြစ်ကြပါတယ်။
အလားတူ မွန်ပြည်လွတ်မြောက်ရေးတပ်တော် (MLA)၊ ဗမာပြည်သူ့လွတ်မြောက်ရေးတပ်မတော် (BPLA)၊ ပြည်သူ့လွတ်မြောက်ရေးတပ်မတော် (PLA)၊ စစ်ကိုင်းပြည်သူ့ကာကွယ်ရေးတပ်မတော်၊ ဓနုပြည်သူ့လွတ်မြောက်ရေးတပ်ဦး (DPLF//DPLA)၊ အမျိုးသားညီညွတ်ရေးအစိုးရကာကွယ်ရေးဝန်ကြီးဌာန ပြည်သူ့ကာကွယ်ရေးအဖွဲ့ ကျောက်မဲခရိုင်၊ နွေဦးတော်လှန်ရေးမဟာမိတ်တပ်ပေါင်းစု (SRA)၊ ရှမ်းပြည်နယ်မြောက်ပိုင်းမဟာမိတ်တပ်တော် (N.S.S.A.A)၊ နိုင်ငံတကာရောက် တအာင်းအဖွဲ့အစည်း (ITC)၊ ပအိုဝ်းအမျိုးသားဖက်ဒရယ်ကောင်စီ (PNFC)၊ မွန်ပြည်သစ်ပါတီ (စစ်အာဏာရှင်တိုက်ဖျက်ရေး)/ရာမညမွန်တပ်တော် (NMSP-AD/RMA)၊ တအာင်းပြည်ကောင်စီ (TLC)၊ ပြည်သူ့ကာကွယ်ရေးတပ်မတော် မိုးကုတ်ဗျူဟာ၊ ဗမာ့တပ်တော် (BAMAR ARMY)၊ ဗမာလွတ်မြောက်ရေး ဒီမိုကရက်တစ်တပ်ဦး (BLDF) ၊ International Ta’ang Community (ITC)၊ ပြည်သူ့တော်လှန်ရေးတပ်ဦဲး (PRF) တို့ကလည်း ဂုဏ်ပြုသဝဏ်လွှာ ပေးပို့ခဲ့ပါတယ်။
(၆၃) နှစ်မြောက် တအာင်းအမျိုးသားတော်လှန်ရေးနေ့ အခမ်းအနားကို TNLA သိမ်းပိုက်ထိန်းချုပ်ထားတဲ့ မန်တုံမြို့မှာ ပြုလုပ်ခဲ့ပြီး အင်အား ၁၅၀၀ ကျော်နဲ့ စစ်ရေးပြခဲ့ပြီး အခမ်းအနားကို ပြည်သူ သောင်းချီ ပါဝင်ခဲ့တယ်လို့လည်း သိရပါတယ်။
3 Comment
Yo, x7777game is where it’s at! Been spinning those slots there for a while now and it’s always a good time. Solid platform, easy to use, and payouts are legit. Check it out! x7777game
Been playing on linkow88 for a bit now, and it’s not bad. The interface is clean, and I haven’t had any issues with payouts. Worth a look if you’re hunting for something new. linkow88
I recently gave 88isedguro a whirl. It’s a solid option with a decent selection of games. Good experience overall, and I’d recommend checking it out. 88isedguro