အာရက္ခတိုင်းမ်စ် (၁၆ ဖေဖော်ဝါရီ ၂၀၂၆)
ရက္ခိုင်ပြည် ကျောက်ဖြူမြို့နယ်တွင် စစ်ကော်မရှင်မရှင်ရဲ့ နေဗီကနေ လက်နက်ကြီးနဲ့ ပစ်ခတ်တိုက်ခိုက်မှုကြောင့် ဖေဖော်ဝါရီလ ၁၄ ရက်နဲ့ ၁၅ ရက် ၂ ရက်အတွင်း အမျိုးသမီး ၃ ဦး သေဆုံးခဲ့ပြီး ၁၁ ဦး ထိခိုက်ဒဏ်ရာ ရရှိခဲ့တယ်လို့ သိရပါတယ်။
“ မနေ့က ာနေ ၄ နာရီကျော်မှာ စကမရဲ့ နေဗီကနေ ဝမြောင်နဲ့ ငါးအုပ်ရွာကို လက်နက်ကြီးနဲ့ ဆယ်ကြိမ်ထပ်မနည်း ပစ်ခတ်တာ။ အမျိုသမီး ၂ ဦး သေဆုံးသွားတယ်။ အိမ်တွေလည်း ပျက်စီးသွားတယ်” လို့ ကျောက်ဖြူမြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကော်မရှင်ရဲ့ နေဗီကနေ ကျောက်ဖြူမြို့နယ်က ကျေးရွာတွေကို လက်နက်ကြီးနဲ့ ပစ်ခတ်တဲ့အပြင် အသေခံဒရုန်းတွေနဲ့ပါ လာရောက်ပစ်ခတ်တယ်လို့ သိရပါတယ်။
“ ဖေဖော်ဝါရီ ၁၄ ကလည်း အဲဒီနေဗီကပဲ လက်နက်ကြီးနဲ့ပစ်တာ။ ကျောက်ပြောက်ရွာက အသက် ၈၀ ကျော် အဖွားတယောက် ဆုံးသွားတယ်” လို့ သူက အာရက္ခတိုင်းမ်စ်ကို ဆက်ပြောပါတယ်။
ဇန်နဝါရီလ ၃၀ ရက် ညနေကလည်း စစ်ကော်မရှင်ရဲ့ နေဗီကနေ လက်နက်ကြီးနဲ့ ပစ်ခတ်မှုကြောင့် ကျောက်ဖြူမြို့နယ်၊ ဇင်ချောင်းကုန်းဘွေရွာက အမျိုးသားတဦး သေဆုံးခဲ့ပါတယ်။