အာရက္ခတိုင်းမ်စ် (၁၄ အောက်တိုဘာ ၂၀၂၆)
ရက္ခိုင်ပြည်အတွင်းရှိ အကြီးဆုံး စစ်ဘေးရှောင်စခန်း ၄ ခုတွင် ခိုလှုံနေကြတဲ့ လူဦးရေ ၇,၅၀၀ ခန့်ရှိတဲ့ အိမ်ထောင်စု ၁,၆၀၇ စုအတွက် တစ်စုလျှင် ငွေကျပ် ၁ သိန်းနှုန်းနဲ့ စုစုပေါင်း ငွေကျပ် ၁,၆၀၇ သိန်းကို ထောက်ပံ့ပေးအပ်ခဲ့တယ်လို့ စာရေးဆရာဝေဟင်အောင် ဆိုပါတယ်။
ဒါ့အပြင် ကျောက်တော်မြို့၊ အိန္ဒိယဈေး ဗုံးကြဲတိုက်ခိုက်ခံရမှုကြောင့် ထိခိုက်ဒဏ်ရာရရှိသူများနဲ့ သေဆုံးခဲ့ရသူတွေအတွက် ဆက်သွယ်လို့ရသမျှ တစ်ဦးလျှင် ပထမအကြိမ် ၁၀ သိန်းနဲ့ ဒုတိယအကြိမ် ၈ သိန်း၊ စုစုပေါင်း ၁၈ သိန်းနှုန်းနဲ့ ငွေကျပ် ၄၅၀ သိန်းခန့်ကိုလည်း ဖြန့်ဝေလှူဒါန်းထားပြီး ဖြစ်တယ်လို့ သိရပါတယ်။
ဒါ့အပြင် တစ်ဦးလျှင် ငွေကျပ် ၁၀ သိန်းစီ ထပ်မံကူညီသွားရန် အစီအစဉ်များ ရှိနေသေးတယ်လို့လည်း သိရပါတယ်။
အဆိုပါ ကူညီထောက်ပံ့ငွေများကို ပြည်တွင်းပြည်ပက စေတနာရှင်ပြည်သူများ လှူဒါန်းထားတဲ့ အလှူငွေအပေါ် အခြေခံပြီး အုပ်ချုပ်ရေးအဖွဲ့များနဲ့ ပူးပေါင်းကာ ဖြန့်ဝေပေးခဲ့တာလို့လည်း သိရပါတယ်။