အာရက္ခတိုင်းမ်စ် (၁၈ အောက်တိုဘာ ၂၀၂၆)
မြန်မာနိုင်ငံတွင် စစ်ကောင်စီရဲ့ တိုက်ခိုက်မှုများကြောင့် ပြီးခဲ့တဲ့ ၃ လခွဲကျော်ကာလအတွင်း သက်ငယ်ကလေးငယ် ၄၂ ဦးထက်မနည်း အသက်ဆုံးရှုံးခဲ့ရကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ စာရင်းအချက်အလက်များအရ သိရပါတယ်။
AAPP က အတည်ပြု ထုတ်ပြန်ထားတဲ့ ကိန်းဂဏန်းများအရ ၂၀၂၆ ခုနှစ်၊ ဇူလိုင်လ ၁ ရက်ကနေ အောက်တိုဘာလ ၁၆ ရက်အထိ ကာလအတွင်း အသက် ၁၈ နှစ်အောက် မိန်းကလေး ၁၄ ဦးနဲ့ ယောကျ်ားလေး ၂၈ ဦး သေဆုံးခဲ့ရပြီး သေဆုံးသူများထဲတွင် အငယ်ဆုံးအဖြစ် ၆ လသားအရွယ် ရင်သွေးငယ်တစ်ဦး ပါဝင်ပါတယ်။
ဒေသအလိုက် သေဆုံးမှုများတွင် ရက္ခိုင်ပြည်က ကလေးငယ် ၁၃ ဦးအထိ စာရင်းရှိခဲ့လို့ အများဆုံး စာရင်းဝင်ခဲ့ပြီး ပဲခူးနဲ့ မကွေးတို့တွင်လည်း ကလေးငယ် ၇ ဦးစီ အသက်ဆုံးရှုံးခဲ့ရပါတယ်။
ကလေးငယ်များ သေဆုံးရတဲ့ အဓိက အကြောင်းအရင်းမှာ စစ်ကောင်စီက လေကြောင်းကနေ ဗုံးကြဲတိုက်ခိုက်မှုများကြောင့်ဖြစ်ပြီး၊ သေဆုံးသူ ၄၂ ဦးအနက် ၃၆ ဦးသည် လေကြောင်းတိုက်ခိုက်မှုများကြောင့် သေဆုံးခဲ့ရခြင်းဖြစ်ပါတယ်။
စစ်ကောင်စီဟာ စစ်ရေးနဲ့ မသက်ဆိုင်တဲ့ အရပ်သားပြည်သူများနဲ့ ကလေးသူငယ်များကိုပါ ပစ်မှတ်ထား တိုက်ခိုက်နေတာလည်း ဖြစ်ပါတယ်။