Health

အာရက္ခတိုင်းမ်စ် (၈ မတ်လ ၂၀၂၆) ရေရှားပါးမှုနဲ့ ကြုံတွေ့နေတာကြောင့် ရက္ခိုင်ပြည်၊ ပုဏ္ဏားကျွန်းမြို့နယ်ရှိ စစ်ရှောင် အမျိုးသမီးနဲ့ ကလေးငယ်များမှာ ယားနာကူးစက်မှု ဖြစ်ပွားနေတယ်လို့ ရခိုင်မျိုးချစ်လူငယ်ဖောင်ဒေးရှင်း ဥက္ကဌ ကိုမျိုးချစ်က ဆိုပါတယ်။ ပုဏ္ဏားကျွန်းမြို့နယ်မှာ စစ်ဘေးရှောင်ဦးရေဟာ ခန့်မှန်းခြေအရ ထောင်နဲ့ချီရှိတာကြောင့် သောက်ရေ၊ သုံးရေ မလုံလောက်တဲ့အတွက် ကျန်းမာရေးပြဿနာတွေနဲ့

အာရက္ခတိုင်းမ်စ် (၆ မတ် ၂၀၂၆) အာရက္ခတပ်တော် ထိန်းချုပ်ထားတဲ့ ရက္ခိုင်ပြည် အာရက္ခဒေသမှာ ဘိန်းစာရွက်ပင်တွေကို လက်ဝယ်တွေ့ရှိရင် ထောင်ဒဏ် ၅ နှစ် ချမှတ်မယ်လို့ အာရက္ခတပ်တော်က ထုတ်ပြန်ထားတယ်လို့ သိရပါတယ်။ အာဆီယံပင်လို့ခေါ်တဲ့ ဘိန်းစာရွက်ပင်တွေကို ရက္ခိုင်ပြည်မှာ လူငယ်တော်တော်များ သုံးပြုမှု မြင့်တက်လာနေပြီး အာရက္ခတပ်တော်ဘက်ကလည်း ပြီးခဲ့တဲ့

အာရက္ခတိုင်းမ်စ် (၄ မတ် ၂၀၂၆) ရက္ခိုင်ပြည် ၊ မောင်တောမြို့နယ်တွင် ကာကွယ်ဆေးထိုးရန် ကျန်ရှိနေတဲ့ အသက် ၅ နှစ်အောက် ကလေးငယ်တွေကို အာရက္ခပြည်သူ့ကျန်းမာရေးဌာနက မတ်လ ၃ ရက်ကစတင်ကာ တတိယအကြိမ်အ‌ြေဖစ် ကာကွယ်ဆေး ထိုးနှံပေးနေတယ်လို့ သိရပါတယ်။ အာရက္ခပြည်သူ့ကျန်းမာရေးဌာနက ၂ လ နဲ့

အာရက္ခတိုင်းမ်စ် (၃ မတ်လ ၂၀၂၆) ရက္ခိုင်ပြည်၊ ပုဏ္ဏားကျွန်းမြို့နယ်၊ ယိုးငူရွာဖြစ်စဉ်မှာ သေဆုံးသူ ၁၉ ဦးထိ ရှိလာနေပြီး အရေးပေါ်လူနာတချို့ စိုးရိမ်ရတယ်လို့ ကူညီဆောင်ရွက်ပေးနေတဲ့ စာရေးဆရာဝေဟင်အောင်က ပြောပါတယ်။ ပြီးခဲ့တဲ့ ဖေဖော်ဝါရီလ ၂၈ ရက်မှာ အသက် ၇ နှစ် အရွယ်ရှိ မအေးငြိမ်းသွယ်

အာရက္ခတိုင်းမ်စ် (၃ မတ် ၂၀၂၆) လွတ်ငြိမ်းခွင့်ရမိသားစု ဆေးကုသနိုင်ရန်အတွက် ရက္ခိုင်အမျိုးသားအဖွဲ့ချုပ်က ငွေကျပ် ၁၀ သိန်း ထောက်ပံ့ကူညီပေးခဲ့တယ်လို့ သိရပါတယ်။ အဆိုပါ မိသားစုဟာ ၂၀၂၄ ခုနှစ် ဘူးသီးတောင်တိုက်ပွဲတွင် အာရက္ခတပ်တော်ထံ လက်နက်ချ အလင်းဝင်ရောက်လာတဲ့ စစ်ကော်မရှင်တပ်သား ဦးစိုးထက်ရဲ့ မိသားစုဝင်ပဲ ဖြစ်ပါတယ်။ ဦးစိုးထက်ရဲ့

အာရက္ခတိုင်းမ်စ် (၂၈ ဖေဖော်ဝါရီ ၂၀၂၆)  ရက္ခိုင်ပြည်၊ စစ်တွေခရိုင်အတွင်းက စစ်ရှောင်များ အပါအဝင် ဒေသခံပြည်သူ ၅၀၀ ခန့်ကို အာရက္ခပြည်သူ့ကျန်းမာရေးဌာနက နယ်လှည့်ပြီး အခမဲ့ ဆေးကုသပေးနေတယ်လို့ သိရပါတယ်။ အာရက္ခပြည်သူ့ကျန်းမာရေးဌာနအနေနဲ့ စစ်တွေခရိုင်အတွင်းက ရွာပေါင်း (၁၄) ရွာမှ ဒေသခံနဲ့ စစ်ရှောင်ပြည်သူ စုစုပေါင်း ၄၆၅ ဦးကို လိုအပ်နေတဲ့ ဆေးဝါးကုသမှုများ ဆောင်ရွက်ပေးခဲ့တယ်လို့လည်း သိရပါတယ်။ အာရက္ခပြည်သူ့ကျန်းမာရေးဌာနက ကျန်းမာရေးစောင့်ရှောက်မှု ပေးခဲ့တဲ့ နေရာတွေကတော့ စစ်တွေမြို့နယ် ပါဒလိတ်၊ ကျောက်တန်းကြီး၊ အမြင့်ကျွန်းစတဲ့ နေရာတွေက စစ်ရှောင်တွေနဲ့ ပုဏ္ဏားကျွန်းမြို့နယ်က ရပ်ကွက်နဲ့ ကျေးရွာတချို့ ပါဝင်တယ်လို့ သိရပါတယ်။ တွေ့ရှိရတဲ့ ရောဂါများမှာ အရေပြားရောဂါ၊ သွေးတိုးရောဂါ၊ အသက်ရှူလမ်းကြောင်းဆိုင်ရာရောဂါ၊ ဆီးချိုရောဂါ၊ အစာအိမ်ရောဂါ၊ ဝမ်းပျက်ဝမ်းလျောရောဂါနဲ့ အထွေထွေရောဂါ စတာတွေ အဖြစ်များတယ်လို့ အာရက္ခပြည်သူ့ကျန်းမာရေးဌာနက သိရပါတယ်။ အလားတူ ရက္ခိုင်ပြည် တောင်ကုတ်ခရိုင်အတွင်ရှိ ဒေသခံပြည်သူတွေကို အာရက္ခပြည်သူ့ကျန်းမာရေးဌာန၊ လူသားချင်းစာနာထောက်ထားရေးနဲ့ ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး (HDCO) တို့ ပူးပေါင်းပြီး ဖေဖော်ဝါရီလ ၈ ရက်က စတင်ကာ နယ်လှည့်ကွင်းဆင်းပြီး အခမဲ့ဆေးကုသပေးပြီး ခြင်ထောင်များ ထောက်ပံ့ကူညီပေးခဲ့တယ်လို့လည်း သိရပါတယ်။ Photo – Arakan Princess Media

အာရက္ခတိုင်းမ်စ် (၂၂ ဖေဖော်ဝါရီ ၂၀၂၆) ရက္ခိုင်ပြည် ကျောက်ဖြူမြို့နယ်ရှိ စစ်ဘေးရှောင်စခန်းနေ မွေးကင်းစကလေးငယ်တွေအတွက် နို့မှုန့်အာဟာရကို တတိယအကြိမ်အဖြစ် အရွယ်စုံ Arakanese Ladies က လှူဒါန်းခဲ့တယ်လို့ သိရပါတယ်။ “ အရွယ်စုံ Arakanese Ladies က နို့မှုန့်လှူဒါန်းမှုကို တတိယအကြိမ်မြောက်အတွက် သိန်း (၂၀၀) ကျပ်ဖိုးကို ကျောက်ဖြူမြို့နယ်မှာ လှူဒါန်းခဲ့ပါတယ်”  လို့ အရွယ်စုံ Arakanese Ladies က ဆိုပါတယ်။ အရွယ်စုံ Arakanese Ladies အနေနဲ့ နို့မှုန်အာဟာရများကို မွေးကင်းစကနေ ၆ လသားအရွယ်အထိ အဓိကထားပြီး ထောက်ပံ့ကူညီပေးနေတာလည်း ဖြစ်ပါတယ်။ “ ၂၀၂၆ မှာလည်း အသင်းဝင် အဟောင်းနဲ့အသစ်တို့ ပါဝင် လှူဒါန်းပေးဖို့ ဖိတ်ခေါ်ပါတယ်”  လို့ အရွယ်စုံ Arakanese Ladies က ဆိုပါတယ်။ အလားတူ အရွယ်စုံ Arakanese Ladies အနေနဲ့ ရက္ခိုင်ပြည်၊ မြောက်ဦးဆေးရုံ ဗုံးကြဲခံရမှုဖြစ်စဉ်အတွက် သိန်း ၁၅၀ မတည်ခဲ့ပြီး စုစုပေါင်း အလှူငွေ သိန်း တထောင်ကျော်လည်း လှူဒါန်းခဲ့ပါသေးတယ်။ ဒါ့အပြင် စစ်ဘေးရှောင်တွေအတွက် လိုအပ်နေတဲ့ စောင်၊ မျက်နှာသုတ်ပုဝါ၊ အင်္ကျီ၊ ပုဆိုး နဲ့ ထမိန်တို့ကိုလည်း အလျင်းသင့်သလို့ လှူဒါန်းပေးနေတယ်လို့လည်း သိရပါတယ်။

အာရက္ခတိုင်းမ်စ် (၂၁ ဖေဖော်ဝါရီ ၂၀၂၆) ရက္ခိုင်ပြည် မြောက်ဦးဆေးရုံ ပြန်လည်ထူထောင်ရေးအတွက် ဂျပန်ယန်း သောင်း-၁၅၀ နဲ့ ညီမျှတဲ့အလှူငွေကို Arakan Union (Japan) အသင်းက လှူဒါန်းခဲ့တယ်လို့ သိရပါတယ်။ ဂျပန်ယန်း သောင်း-၁၅၀ နဲ့ ညီမျှတဲ့ (မြန်မာငွေ- ၃၈၄၆၀၀၀၀ ကျပ်) တိတိကို အာရက္ခပြည်သူ့ကျမ်းမာရေးဌာနကို လှူဒါန်းခဲ့တာ ဖြစ်တယ်လို့ အသင်းရဲ့ တာဝန်ရှိသူတဦးက ဆိုပါတယ်။ “ မြောက်ဦးကိစ္စနဲ့ပတ်သက်ပြီး လှူဒါန်းထားတာကျတော့ ညိီမတို့က ဒီဂျပန်မှာရှိတဲ့ ရက္ခိုင်အစည်းအရုံး ဂျပန်ပေါ့နော်။ Arakan Union (Japan) အသင်းရဲ့ လုပ်ထုံးလုပ်နည်းပါပဲ။ အရေးပေါ်လိုအပ််လို့  လှူဖို့လိုအပ်ပြီဆို ဘယ်နေရာမဆို လှူပေးရတော့မှာပေါ့နော်။ လှူပေးဖို့ အမြဲတမ်းရှိတယ်။ နောက်ပြီးတော့ ရက္ခိုင်တပြည်လုံး အတိုင်းအတာနဲ့ ယှဥ်မယ်ဆိုရင် အဓိက ပိုပြီး အရေးတကြီး လိုအပ်တဲ့နေရာကို အရင်ဆုံးသွားပြီး လှူပေးတဲ့ သဘောမှာရှိတယ်ပေါ့နော်။ ရက္ခိုင်ပြည်ရဲ့ ဘယ်ဒေသမှာမဆို စစ်ဘေးဒဏ် သဘာဝဘေးဒဏ် အဲ့လိုမျိုး ခံရတဲ့ နေရာဒေသတွေက လူတွေအကုန်လုံးကိုအဆင်ပြေ ချောင်ချိတဲ့အတွက် တတ်နိုင်သမျှကို ပံ့ပိုးပေးနေတာပါ။ နောက်ပိုင်း လိုအပ်လာရင် လိုအပ်သလို ကူညီဖို့ အဆင်သင့်ရှိပါတယ်”  လို့ သူက အာရက္ခတိုင်းမ်စ်ကို ပြောပါတယ်။ ရက္ခိုင်အစည်းအရုံး (ဂျပန်) ဟာ ရက္ခိုင်ပြည်တွင်းမှာရှိတဲ့ ရက္ခိုင်ပြည်သူလူထုအပြင် အမျိုးမျိုးသော အကြောင်းများနဲ့ ခိုလှုနေကြတဲ့ တခြားတိုင်းရင်းသားတွေ အပါအဝင် ဒုက္ခရောက်နေသူတွေကို ကူညီထောက်ပံ့ဖို့ ဖွဲစည်းထားတဲ့ အသင်းဖြစ်တာကြောင့် ရက္ခိုင်ပြည်တွင်းမှာ ကြုံသမျှ ဘေးဒုက္ခ မှန်သမျှကို တတ်နိုင်သလောက် ကူညီထောက်ပံ့ပေးမှာ ဖြစ်တယ်လို့ အဆိုပါ တာဝန်ရှိသူက ဆက်ပြောပါတယ်။ မြောက်ဦးအပြင် ပြီးခဲ့တဲ့လအတွင်းမှာလည်း  ကျောက်ဖြူမြို့ရှိ စစ်ဘေးရှောင်တွေအတွက် သိန်း ၃၀၀ နီးပါး ကူညီလှူဒါန်းခဲ့တယ်လို့လည်း သိရပါတယ်။