အာရက္ခတိုင်းမ်စ် (၁၀ ဇူလိုင် ၂၀၂၅)
မန္တလေးတိုင်း မိုးကုတ်မြို့ကို စစ်ကောင်စီက ဗုံးကြဲတိုက်ခိုက်ခဲ့လို့ ကလေးငယ် (၂) ဦး သေဆုံးခဲ့ပြီး ကလေးငယ် (၂) ဦး အပါအဝင် ပြည်သူ (၈) ဦး ထိခိုက်ဒဏ်ရာရခဲ့တယ်လို့ သိရပါတယ်။
တအာင်းပြည်၊ တပ်မဟာ (၄) နယ်မြေ၊ မိုးကုတ်မြို့၊ ပန်မထိပ်ကျေးရွာကို စစ်ကောင်စီ ဂျက်ဖိုက်တာနဲ့ ပေါင် (၂၅၀) ဗုံး (၂) လုံး လာရောက်ကြဲချခဲ့တာလည်း ဖြစ်ပါတယ်။
အဆိုပါ လေကြောင်းနဲ့ ဗုံးကြဲမှုကြောင့် နေအိမ် (၇) အိမ်လည်း ပျက်စီးသွားခဲ့တယ်လို့ သိရပါတယ်။
အလားတူ ဇူလိုင် (၈) ရက်နေ့လည်း မိုးကုတ်မြို့အနောက်ပိုင်း၊ ဂေါင်းဦးဘာရပ်ကွက်ကို စစ်ကောင်စီက ဗုံးလာကြဲခဲ့လို့ အမျိုးသမီး (၂) ဦး နဲ့ အမျိုး သား (၁) ဦး ပွဲချင်းပြီးသေဆုံးခဲ့ပြီး ပြည်သူ (၈) ဦးလည်း ဒဏ်ရာပြင်းထန်စွာ ရရှိခဲ့ပါတယ်။