အာရက္ခတိုင်းမ်စ် (၄ သြဂုတ် ၂၀၂၅)
ရက္ခိုင်ပြည် စစ်တွေမြို့ မြို့မပရိယတ္တိစာသင်တိုက် နဲ့ ရန်ကုန်မြို့ အရှေ့ဒဂုံမြို့နယ် မြို့မပရိယတ္တိစာသင်တိုက် ဆရာတော် ဘဒန္တစရဏ သက်တော် ၇၉ နှစ် သိက္ခာတော် ၅၉ ဝါ ဟာ ရန်ကုန်မြို့ အရှေ့ဒဂုံမြို့နယ် မြို့မပရိယတ္တိစာသင်တိုက်တွင် ၉၆ ပါး ရောဂါနဲ့ သြဂုတ်လ ၂ ရက် နံနက် ၄ နာရီ ၁၀ မိနစ်တွင် ဘဝနတ်ထံ ပျံလွန်တော်မူတယ်လို့ သိရပါတယ်။
ဆရာတော် ဘဒန္တစရဏဟာ ရန်ကုန်မြို့ အရှေ့ဒဂုံမြို့နယ် ၁၂၀ ရပ်ကွက် မြို့မပရိယတ္တိစာသင်တိုက်ရဲ့ ဦးဆောင်ပဓာနနာယက ဆရာတော်လည်းဖြစ်ပြီး နိုင်ငံတော်ဗဟိုသံဃဝန်ဆောင် ဆရာတော်လည်း ဖြစ်ပါတယ်။
“ ဆရာတော်ကြီး ရုပ်ကလာပ်ကို သြဂုတ်လ ၆ ရက် ဗုဒ္ဓဟူးနေ့မှာ တောင်ဒဂုံက ကျီစုသုဿာန်မှာ မီးသင်္ဂြိုလ်ပြီးတော့ ရရှိလာတဲ့ အရိုးတွေကို ဆရာတော်ကြီးရဲ့ မွေးရပ်ရွာဖြစ်တဲ့ နတ်ချောင်းကျေးရွာကို ပင့်ဆောင်ယူဆောင်ပြီး အရိုးဂူသွင်း ပူဇော်ဖို့ စီစဉ်ထားပါတယ်” လို့ ဆရာတော်စျာပန ဦးဆောင်လုပ်ကိုင်နေသူတဦးက အာရက္ခတိုင်းမ်စ်ကို ပြောပါတယ်။
ဆရာတော် ဘဒန္တစရဏရဲ့ အန္တိမအဂ္ဂိစျာပနပူဇာကို ရန်ကုန်မြို့ အရှေ့ဒဂုံမြို့နယ် ၁၂၀ ရပ်ကွက် ဆည်မြောင်းလမ်းကနေ နေ့လည် ၁ နာရီ ခွဲ အချိန်တွင် စတင်ထွက်ခွာပြီး ညနေ ၃ နာရီ အချိန်တွင် ကျီစုသုဿာန်မှာ မီးသင်္ဂြိုလ်သွားမယ်လို့ သိရပါတယ်။