အာရက္ခတိုင်းမ်စ် (၈ သြဂုတ် ၂၀၂၅)
ရက္ခိင်ပြည်တွင် သြဂုတ်လ ၁၂ ရက် နောက်ပိုင်းတွင် နေရာကွက်ပြီး မိုးများနိုင်ပြီး ရက္ခိုင်ကမ်းရိုးတန်းတလျောက်တွင် လှိုင်း ၇ ပေ အထိ မြင့်တက်နိုင်တယ်လို့ သိရပါတယ်။
“ ဩဂုတ်လ ၁၂ ရက်နေ့က ၁ ပတ်အတွင်းမှာ – ရက္ခိုင်၊ ချင်း၊ စစ်ကိုင်းအထက်ပိုင်း၊ ကချင်၊ မွန်၊ ကရင်၊ တနင်္သာရီ၊ ဧရာဝတီ၊ ရန်ကုန်၊ ပဲခူး၊ ကယား၊ ရှမ်း၊ နေပြည်တော်၊ မန္တလေး စတဲ့ ဒေသတွေမှာ မိုးအသင့်အတင့် ရွာနိုင်ပြီး၊ နေရာကွက်ကြား မိုးများနိုင်ပြီး (၂၄ နာရီအတွင်း မိုးရေချိန် ၁.၂ လက်မ က ၂ လက် အထက်အထိ ရွာသွန်းရရှိနိုင်ပါတယ်” လို့ မိုးလေဝသပညာရှင် ဦးဝင်းနိုင်က ပြောပါတယ်။
အလားတူ ရက္ခိုင်ကမ်းရိုးတန်းတလျှောက်မှာ လှိုင်းအမြင့် ၆ ပေ ကနေ ၇ ပေခန့် အထိ ရှိနိုင်တယ်လို့လည်း ဆိုပါတယ်။
လာမယ့် ဩဂုတ်လ ၁၂ ရက် ဝန်းကျင်တွင် ပစိဖိတ်အနောက်မြောက်သမုဒ္ဒရာ၊ ဂူအမ်ကျွန်းမြောက်ဘက် ပင်လယ်ပြင်မှာဖြစ်ပေါ်နေတဲ့ လေဖိအားနည်းရပ်ဝန်း (16W – SIXTEEN) က အနောက်ဘက်ကို ဆက်လက်ရွေ့လျားရင်း အားပိုကောင်းလာကာ တိုင်ဖွန်းမုန်တိုင်းဖြစ်လာနိုင်တယ်လို့လည်း သိရပါတယ်။
တိုင်ဖွန်းမုန်တိုင်းအဖြစ် ရောက်ရှိပြီးတဲ့နောက် အနောက်ဘက်ကို ဆက်လက်ရွေ့လျားပြီး တောင်တရုတ်ပင်လယ်ကို ဝင်ရောက်လာနိုင်တာကြောင့် SIXTEEN ကို သတိထားစောင့်ကြည့်ပြီး တောင်တရုတ်ပင်လယ်ကို ဝင်ရောက်လာမယ့်ရက်၊ ကုန်းတွင်းကို ဘယ်နေရာမှာ ဖြတ်ကျော်ဝင်ရောက်နိုင်မယ်ဆိုတာနဲ့ မုန်တိုင်းအကြွင်းအကျန်တွေ ဘယ်လို ဆက်လက်ရွေ့လျားနိုင်မယ်ဆိုတာကိုပါ သတိကြီးကြီးထား စောင့်ကြည့်ရပါမယ်လို့ မိုးလေဝသပညာရှင် ဦးဝင်းနိုင်က သတိပေးထားပါတယ်။