အာရက္ခတိုင်းမ်စ် (၁၉ သြဂုတ် ၂၀၂၅)
အာရက္ခတပ်တော်က ကင်းလှည့်နေစဥ် ARSA တပ်ဖွဲ့ဝင် ၂ ဦးနဲ့ တွေရှိခဲ့ရာ ARSA တပ်ဖွဲ့ဝင် ၂ ဦး ထွက်ပြေးသွားပြီး UNICEF တံဆိပ်ပါ ကျောပိုးအိတ် နဲ့ လက်နက်ခဲယမ်း အချို့ထားခဲ့တယ်လို့ သိရပါတယ်။
“တပ်တော်က သြဂုတ်လ ၁၇ ရက် ည ၈ နာရီလောက်မှာ မောင်တောမြောက်ပိုင်းမှာ ကင်းလှည့်နေတာ။ အဲဒီအချိန်မှာ ARSA တပ်ဖွဲ့ဝင် ၂ ဦး နဲ့ ထိပ်တိုက်တွေတာ။ တွေ့တော့ ARSA တပ်ဖွဲ့ဝင် ၂ ဦး ထွက်ပြေးတာမှာ သူတို့နဲ့ အတူပါလာတဲ့ UNICEF တံဆိပ်ပါ ကျောပိုးအိတ် နဲ့ လက်နက်ခဲယမ်းတွေ ထားခဲ့တာ” လို့ မောင်တောမြို့ဒေသခံတဦးက အာရက္ခတိုင်းမ်စ်ကို ပြောပါတယ်။
မောင်တောမြို့နယ်တွင် ARSA တပ်ဖွဲ့ဝင်များဟာ ဒေသခံများကို ခြုံခိုတိုက်ခိုက်ခြင်း၊ ဖမ်းဆီးသတ်ဖြတ်ခြင်းများ ရှိနေလို့ လုံခြုံရေးအရ စိုးရိမ်မှုများ ရှိနေတယ်လို့ ဒေသခံများက ဆိုပါတယ်။
လက်ရှိတွင် မောင်တောမြို့နယ်ကို အာရက္ခတပ်တော် က သိမ်းပိုက် ထိန်းချုပ်ထားသော်လည်း ARSA တပ်ဖွဲ့ဝင်များဟာ ဒေသခံများကို တိုက်ခိုက်တာအပြင် AA နဲ့လည်း တိုက်ပွဲဖြစ်ပွားမှု မကြာခဏ ရှိနေပါ။