အာရက္ခတိုင်းမ်စ် (၉ ဇန်နဝါရီ ၂၀၂၆)
ပဲခူးတိုင်း၊ ပန်းတောင်းမြို့နယ် ရိုးတောင်ကျော်လမ်းရှိ စစ်ကော်မရှင်ရဲ့ ကပစ ၁၆ ကာကင်း ပွိုင့် ၆၆၆ စခန်းကို ရိက္ခာလာပို့တဲ့ ဒရုန်းအကြီးစား တစင်းကို AA က ဇန်နဝါရီ ၆ ရက် ညနေမှာ သိမ်းဆည်းရမိတယ်လို့ သိရပါတယ်။
“ အာရက္ခတပ်တော်နဲ့ မဟာမိတ်တပ်တွေ ပိတ်ဆို့ထားတဲ့ စခန်းကို ဒရုန်းနဲ့ ရိက္ခာတွေလာချတာမှာ ပစ်ချလို့ ရလိုက်တာ” လို့ စစ်ရေးသတင်းရင်းမြစ်တဦးက အာရက္ခတိုင်းမ်စ်ကို ပြောပါတယ်။
အာရက္ခတပ်တော် က ပစ်ချလိုက်တဲ့ စစ်ကော်မရှင်ရဲ့ ဒရုန်းအကြီးစားကို ပါလာတဲ့ ပစွည်းများနဲ့အတူ သိမ်းဆည်းရမိတယ်လို့လည်း သိရပါတယ်။
စစ်ကော်မရှင်ဟာ အမ်း-ပဒန်းလမ်းရှိ လနဲ့ချီ ပိတ်မိနေတဲ့ နတ်ရေကန်တောင် လေကြောင်းရန်ဗျုဟာစခန်းကိုလည်း လေကြောင်းမှ Y12 လေယဉ် အမျိုးစားနဲ့ စားနပ်ရိက္ခာ လာချပေးနေရတယ်လို့ သိရပါတယ်။
အာရက္ခတပ်တော်နဲ့ မဟာမိတ်တပ်တို့ ပိတ်ဆို့တိုက်စစ်ဆင်နေတဲ့ နတ်ရေကန်တောင်၊ ပွိုင့် ၆၆၆၊ လေလာတောင်၊ ဆင်လန် စတဲ့ စခန်းတွေက ထွက်ပြေးလာတဲ့ တပ်သားတွေလည်း နေ့စဉ်ရက်ဆက်သလို ရှိနေပြီး ပိတ်မိနေတဲ့ စစ်ကော်မရှင်တပ်သားတွေအနေနဲ့ စားနပ်ရိက္ခာပြတ်လတ်နေတယ်လို့ သိရပါတယ်။