အာရက္ခတိုင်းမ်စ် (၁၉ ဇန်နဝါရီ ၂၀၂၆)
ရက္ခိုင်ပြည်၊ ကျောက်ဖြူမြို့ရှိ ကျောက်ကလေရွာကို စစ်ကော်မရှင်က လေကြောင်းက ဗုံးကြဲတိုက်ခိုက်ခဲ့တာကြောင့် သေဆုံးသူ ၃ ဦး အထိ ရှိလာနေတယ်လို့ သိရပါတယ်။
အဆိုပါ တိုက်ခိုက်မှုဟာ ဇန်နဝါရီ ၁၇ ရက်၊ ည ၁၂ နာရီ ၅မိနစ်ခန့်မှာ ဖြစ်ပွားခဲ့တာဖြစ်ပြီး စစ်ရှောင်တွေ နေထိုင်တဲ့နေရာကို စကော်မရှင်က ဂျက်ဖိုင်ဒါနဲ့ နှစ်ကြိမ်၊ အသေခံဒရုန်းနဲ့ နှစ်ကြိမ် အပြင် စကော်မရှင် ရေတပ်ကပါ ဆယ်ကြိမ်ကျော် တိုက်ခိုက်ခဲ့တာ ဖြစ်တယ်လို့ သိရပါတယ်။
ဗုံးကြဲတိုက်ခိုက်မှုကြောင့် အသက် ၃၀ အရွယ်ရှိ ပျားတဲရွာဒေသခံ ဒေါ်မစံရွှေ နဲ့ အသက် ၄၀ အရွယ်ရှိ မင်းတက်တောင်ရွာဒေသခံ ဒေါ်ခင်စန်းဦးတို့ သေဆုံးခဲ့ရပြီး ဒဏ်ရာအပြင်အထန် ရရှိခဲ့သူ အသက် ၉၄ နှစ်အရွယ် အဖွား အောင်မြတ်နုလည်း ထပ်မံသေဆုံးခဲ့ပါတယ်။
အဆိုပါ သေဆုံးခဲ့သူ ၃ ဦး အတွက် ဇင်ချောင်းလူငယ်ပရဟိတအသင်းကနေ သေဆုံးသူ တဦးအတွက် ၁၀ သိန်းကျပ် ထောက်ပံ့ကူညီပေးခဲ့တယ်လို့လည်း သိရပါတယ်။
စကော်မရှင်ကြောင့် လူထိခိုက်သေဆုံးခဲ့တဲ့အပြင် စစ်ရှောင်နေအိမ် ၁၀ အိမ်ကျော်လည်း ပျက်စီးခဲ့ပြီး နွား ၉ ကောင်လည်း သေဆုံးခဲ့ရပါတယ်။