အာရက္ခတိုင်းမ်စ် (၂၀ မတ် ၂၀၂၆)
ရက္ခိုင်ပြည် ကျောက်ဖြူမြို့နယ် သိုင်းချောင်းနဲ့ မင်းပြင်အနီးကတိုက်ပွဲတွင် အကျအဆုံးများနေတဲ့အတွက် စစ်ကော်မရှင်က အင်အား ၄၀၀ ကျော် ထပ်မံဖြည့်တင်းခဲ့တယ်လို့ သိရပါတယ်။
“ ၁၆၊ ၁၇ မှာ စစ်တပ်က စစ်ကြောင်းထိုးတယ်။ တပ်တော်ဖက်က တန်ပြန်တိုက်စစ်ဆင်တော့ ပြန်ဆုတ်တယ်။ ပြန်ဆုတ်တာမှာ မိုင်းနင်းမိလို့ ၃၀ နီးပါးဆေသတယ်။ မနေ့ကတော့ အဲဒီဖက်ကို အင်အား ၄၀၀ ကျော် ထပ်ဖြည့်နေတယ်” လို့ ကျောက်ဖြူက စစ်ရေးသတင်းရင်းမြစ်တဦးက အာရက္ခတိုင်းမ်စ်ကို ပြောပါတယ်။
မတ်လ ၁၆ ရက်က အာရက္ခတပ်တော်နဲ့ အင်အား ၇၀ ကျော်ပါရှိတဲ့ စစ်ကော်မရှင်ရဲ့ စစ်ကြောင်းနဲ့ တိုက်ပွဲဖြစ်ပွားခဲ့သလို့ မတ်လ ၁၇ ရက်မှာတော့ စစ်ကြောင်းထိုးလာတဲ့ စစ်ကော်မရှင်တပ်ကို အာရက္ခတပ်တော်က မိုင်းဆွဲတိုက်ခိုက်ခဲ့တာလို့လည်း သိရပါတယ်။
စစ်ရေးအရ အထိနာသွားတဲ့ စစ်ကော်မရှင်ဟာ င/အုပ်ရွာနဲ့ ဝမျှောင်ရွာအနီးရှိ တိုက်ခိုက်ရေးနေဗီ (၁) စီးကနေ ကျောက်ဖြူမြို့နယ်အတွင်းရှိ ကျေးရွာတွေကို လက်နက်ကြီးနဲ့ ရည်ရွယ်ချက်ရှိရှိ ပစ်ခတ် တိုက်ခိုက်နေတယ်လို့လည်း သိရပါတယ်။
အလားတူ ရက္ခိုင်ပြည် ကျောက်ဖြူမြို့နယ် ဒိုးတောင်ရွာကို စစ်ကော်မရှင်က မတ်လ ၁၈ ရက်မှာ ဒရုန်း၊ လေကြောင်းနဲ့ နေဗီကနေ ၃ ကြိမ်တိုင်တိုင် တိုက်ခိုက်ခဲ့လို့ အရပ်သားပြည်သူ ၁ ဦး သေဆုံးခဲ့ပြီး နေအိမ်အချို့ ပျက်စီးခဲ့တယ်လို့ သိရပါတယ်။
4 Comment
Пинко Казино предлагает широкий выбор онлайн-игр и азартных развлечений.
Casino Pinco
Пользователи могут выбирать удобные способы пополнения и вывода средств.
https://maps.google.co.ao/url?q=https://nationaldppcsc.cdc.gov/s/profile/005SJ00000kigDx
https://zookompleks.ru
Pour etre franc jai teste le poker dans gain https://sparktv.net/post/944347_le-jeu-des-tours-aussi-appele-tower-rush-attire-de-plus-en-plus-d-attention-dans.html cest fluide je reviendrai ce