အာရက္ခတိုင်းမ်စ် (၂၁ သြဂုတ် ၂၀၂၆)
ရက္ခိုင်ပြည် သံတွဲခရိုင် ငပလီမြို့ ငပလီကမ်းခြေတကြောကို ဒီကနေ့ မနက် ၁ နာရီခွဲခန့်က စတင်ပြီး ၂ နာရီကြာ ဗုံး အလုံးရေ ၁၀၀ နီးပါး ကြဲချ တိုက်ခိုက်ခဲ့တယ်လို့ သိရပါတယ်။
ရွေးတုအစိုးရတပ်ဟာ ငပလီကမ်းခြေကို ဂျက်ဖိုက်တာ ၈ စီး၊ Y-12 ၂ စီးတို့နဲ့ လာရောက်တိုက်ခိုက်ခဲ့တာလို့ ဒေသခံတွေက သိရပါတယ်။
အဆိုပါ ဗုံးကြဲ တိုက်ခိုက်မှုကြောင့် ထိခိုက် ပျက်စီးမှု အခြေအနေကိုတော့ အာရက္ခတိုင်းမ်စ်က ဆက်လက် တင်ဆက်ပေးပါမယ်။
အလားတူ ရွေးတုအစိုးရတပ်ဟာ ဂွမြို့နယ် ညောင်ချောင်းရွာကိုလည်း ဂျက်ဖိုက်တာ ၁ စီးနဲ့ ဗုံး ၂ လုံး ကြဲချတိုက်ခိုက်ခဲ့လို့ စစ်ဘေးရှောင်ပြည်သူ ၃ ဦးနဲ့ ဒေသခံပြည်သူ ၁ ဦး ထိခိုက် ဒဏ်ရာ ရရှိခဲ့ပါတယ်။
ဒါ့အပြင် ဒေသခံပြည်သူ နေအိမ် ၂ လုံးနဲ့ စစ်ရှောင်စခန်း ၁ ခုလည်း ထိခိုက် ပျက်စီးခဲ့တယ်လို့ သိရပါတယ်။