အာရက္ခတိုင်းမ်စ် (၁၂ ဒီဇင်ဘာ ၂၀၂၄)
လက်ရှိ ဆင်နွှဲနေတဲ့ လူထုတော်လှန်ရေးမှာ အသွင်ပြောင်း ပအိုဝ်းပြည်သူ့စစ် (PNO/PNA) အနေနဲ့ ပါဝင်လာဖို့ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO/PNLA) နဲ့ ပအိုဝ်းအမျိုးသား ဖက်ဒရယ်ကောင်စီ (PNFC) တို့က တိုက်တွန်းလိုက်ပါတယ်။
ဒီဇင်ဘာ ၁၁ ရက်က ကျရောက်တဲ့ (၇၅) နှစ်မြောက် ပအိုဝ်းတော်လှန်ရေးနေ့ ပူးတွဲထုတ်ပြန်ကြေညာချက်မှာ တိုက်တွန်းလိုက်တာ ဖြစ်ပြီး PNO/PNA ဖွဲ့စည်းကတည်းက လုံးဒါးညီလာခံမှာ ချမှတ်ခဲ့တဲ့ စစ်အာဏာရှင်စနစ်နဲ့ မဟာလူမျိုးကြီးဝါဒ ဆန့်ကျင်တိုက်ဖျက်ရေး၊ ဖက်ဒရယ်ဒီမိုကရေစီ ပြည်ထောင်စု ထူထောင်ရေးမှုနှင့်အညီ လူထုတော်လှန်ရေးမှာ ပြန်လည်ပူးပေါင်းဖို့ ဖော်ပြထားပါတယ်။
ပအိုဝ်းလူမျိုးစုတွေနဲ့ တော်လှန်ရေးအင်အားစုတို့အကြား ရန်သူမဖြစ်ဖို့နဲ့ ပအိုဝ်းလူမျိုး အချင်းချင်း ပဋိပက္ခမဖြစ်ဖို့ တောင်းဆိုတာ ဖြစ်တယ်လို့ ပအိုဝ်းအမျိုးသားလွတ်မြောက်ရေးအဖွဲ့ (PNLO) မှ အထွေထွေအတွင်းရေးမှူး ဗိုလ်မှူးကြီး ခွန်အောင်မန်းက ပြောပါတယ်။
“လောလောဆယ်အနေအထားကတော့ ကျနော်တို့ အပြန်အလှန် ချိတ်ဆက်ညှိနှိုင်းတာမျိုး မရှိဘူး။ ထုတ်ပြန်ကြေညာချက်မှာ တိုက်တွန်းတဲ့ အနေအထားပဲ ရှိတာပေါ့လေ၊ လက်ရှိအနေအထားကတော့ စစ်ကောင်စီကလည်း အသွင်ပြောင်းပြည်သူ့စစ်ကို သူက အသုံးချချင်တယ်၊ သူ့မှာလည်း အင်အားလိုအပ်တဲ့အတွက် အသွင်ပြောင်းပြည်သူ့စစ်ကို လုပ်ပိုင်ခွင့်တွေ ပေးပြီးတော့မှ လက်နက်ခဲယမ်းတွေလည်း ထောက်ပံ့ပေးထားတဲ့ အနေအထားပေါ့လေ၊ ဒီအသွင်ပြောင်း ပြည်သူ့စစ်ကလည်း သူထိန်းချုပ်ထားတဲ့ ဒေသမှာရှိတဲ့ ပအိုဝ်းလူထုတွေကို အသက် ၁၈ နှစ်နဲ့ ၄၅ နှစ်ကြား တစ်အိမ်တစ်ယောက်တောင်းဆိုတာထက်ကို ယောကျာ်းလေးတိုင်းပေါ့။ စစ်သင်တန်း မတက်မနေရ အတင်းအကျပ် လုပ်ဆောင်နေတာတွေ ရှိတယ်။ အဲဒီလိုမျိုး လုပ်ဆောင်တာကတော့ ဒေသကာကွယ်ရေးဆိုတဲ့ ခေါင်းစဉ်ကို အသုံးချပြီးတော့မှ ပအိုဝ်းတွေရဲ့ မျိုးချစ်စိတ်ဓါတ်ကို အသုံးချပြီးတော့မှ ဝါဒဖြန့် အတင်းအကျပ် လုပ်ဆောင်နေတဲ့ အနေအထားမျိုးတွေ ရှိပါတယ်။ အဲဒါကြောင့် ပအိုဝ်းလူမျိုးနဲ့ တော်လှန်ရေးအင်အားစုတွေနဲ့ ပဋိပက္ခမဖြစ်အောင် ပအိုဝ်းလူမျိုးက တော်လှန်ရေး အင်အားစုရဲ့ ရန်သူမဖြစ်အောင် ပအိုဝ်းလူမျိုး အချင်းချင်းလည်း ပဋိပက္ခမဖြစ်ရအောင်လို့ ကျနော်တို့က တိုက်တွန်း တောင်းဆိုရတာ ဖြစ်ပါတယ်” လို့ ပြောပါတယ်။
ပအိုဝ်းအမျိုးသားညီညွတ်ရေးအလံကို အမြင့်ဆုံးလွင့်ထူပြီး ရရှိခဲ့တဲ့ သွေးစည်းညီညွတ်ရေးကို အခြေခံပြီး ပအိုဝ်းအချင်းချင်း ပဋိပက္ခမဖြစ်ဖို့ ထုတ်ပြန်ချက်မှာ တောင်းဆိုထားပါတယ်။
PNO/PNA၊ စစ်ကောင်စီ ပူးပေါင်းတပ်ဖွဲ့တွေ နဲ့ PNLO၊ PNFC တော်လှန်ရေးအင်အားစု ပူးပေါင်းတပ်တို့အကြား ပအိုဝ်းဒေသမှာ နှစ်ဖက်တိုက်ပွဲဖြစ်ပွားမှုတွေလည်း ရှိခဲ့ကြပါတယ်။
တော်လှန်ရေးအတွင်း ပါဝင်နေတဲ့ မိမိတို့ ပအိုဝ်းအဖွဲ့အစည်းတွေမှာ နာမည်မတူပေမယ့် စည်းစည်းလုံးလုံးနဲ့ ပူးတွဲလုပ်ဆောင်မှုတွေ ရှိနေတယ်လို့ ဗိုလ်မှူးကြီး ခွန်အောင်မန်းက ပြောပါတယ်။
“PNO အသွင်ပြောင်း ပြည်သူ့စစ်တို့ကတော့ စစ်ကောင်စီဖက်မှာ ပါနေတဲ့ အင်အားစုတွေ ဖြစ်တယ်။ ဗိုလ်မှူးကြီး ခွန်ဥက္ကာတို့ကတော့ ကျနော်တို့အဖွဲ့ကနေ ကျနော်တို့က ထုတ်ပယ်ထားတာပေါ့လေ၊ ထုတ်ပယ်ထားတော့ သူတို့ကတော့ အုပ်စုတစ်စုပုံစံမျိုးနဲ့တော့ သူတို့ နေနေပေမယ့် တရားဝင်အဖွဲ့တစ်ခု ဖွဲ့တာမျိုးကတော့ မရှိပါဘူး။ အဲဒီလိုတော့ မရှိပါဘူး။ ဘာပဲပြောပြော ဒီလိုအဖွဲ့တွေများနေတာကတော့ စည်းလုံးညီညွတ်မှုကို တစ်စုံတစ်ရာ ထိခိုက်တာ ရှိတယ်။ ဒါပေမဲ့ သေချာပြန်ကြည့်ကြည့်ရင်တော့ ဘက်နှစ်ဖက်မှာ ဖြစ်နေတဲ့ အနေအထားမှာ ဖြစ်တယ်။ ဒီတော်လှန်ရေးအင်အားစုဖက်မှာ ပါနေတဲ့ ကျနော်တို့ ပအိုဝ်းအဖွဲ့တွေကတော့ အဖွဲ့သာ နာမည်မတူပေမဲ့ ကျနော်တို့ရဲ့ လုပ်ငန်းဆောင်ရွက်တာတွေ အားလုံးပေါ့လေ၊ စည်းစည်းလုံးလုံးနဲ့ ပူးတွဲပြီးတော့ လုပ်ဆောင်နေတာတွေ ရှိပါတယ်” လို့ ပြောပါတယ်။
လက်ရှိမှာ ပအိုဝ်းလက်နက်ကိုင်တပ်ဖွဲ့တွေဖြစ်တဲ့ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO/PNLA) နဲ့ ပအိုဝ်းအမျိုးသား ဖက်ဒရယ်ကောင်စီ (PNFC) တို့ဟာ တော်လှန်ရေးအင်အားစုတွေနဲ့ ပူးပေါင်းပြီး စစ်ကောင်စီကို တိုက်ခိုက်လျက်ရှိပါတယ်။
3 Comment
Skimmed first and then went back to read carefully, and the careful read paid off in places I had missed, and a stop at clarvesta got the same treatment, the rare site whose content rewards a second pass is content I want more of in my regular rotation rather than disposable single read articles.
Reading this as part of my evening winding down routine fit perfectly, and a stop at gpugearhouse extended the wind down nicely, content that calms rather than agitates is what I want at the end of the day and this site provides that calming reading experience reliably which is increasingly rare across the modern web.
Reading this gave me confidence to make a decision I had been putting off, and a stop at wifiwizard reinforced that confidence, content that translates into action in my own life rather than just informing it is content with the highest practical value and this site is generating that action level utility for me lately.