အာရက္ခတိုင်းမ်စ် (၁၃ သြဂုတ် ၂၀၂၅)
ရက္ခိုင်ပြည် တောင်ကုတ်မြို့ကို အာရက္ခတပ်တော်က သိမ်ပိုက်ခဲ့စဥ်အတွင်း ဖမ်းဆီးရမိခဲ့တဲ့ စစ်သုံ့ပန်းမိသားစုဝင် ၁၅၀ နီးပါး ပြန်လည်လွှတ်ပေးခဲ့တယ်လို့ သိရပါတယ်။
“ မိသားစုဝင် ၁၄၄ ဦးကို သြဂုတ်လ ၉ ရက်က ပြန်လွှတ်ပေးခဲ့တယ်” လို့ တောင်ကုတ်မြို့ဒေသခံတဦးက အာရက္ခတိုင်းမ်စ်ကို ပြောပါတယ်။
၂၀၂၄ခုနှစ် နိုဝင်ဘာလ ၂၄ ရက်က ရက္ခိုင်ပြည် တောင်ကုတ်မြို့ကို အာရက္ခတပ်တော်က အလုံးစုံး သိမ်းပိုက်နိုင်ခဲ့တာလည်း ဖြစ်ပါတယ်။
“ ပြန်လည်လွှတ်ပေးလိုက်တဲ့ မိသားစုဝင်တွေထဲက တချို့က တပ်တော်မှာ တာဝန်ထမ်းဆောင်ချင်တယ် ပြေတဲ့သူတွေလည်း ရှိတယ်။ တပ်တော်အနေနဲ့လည်း သင့်တော်တဲ့နေရာတွေမှာ တာဝန်ထမ်းဆောင်ခွင့်ပေးမယ်လို့ ပြောတယ်” လို့ တောင်ကုတ်ဒေသခံတဦးက အာရက္ခတိုင်းမ်စ်ကို ပြောပါတယ်။
အလားတူ အာရက္ခတပ်တော်အနေနဲ့ မောင်တော၊ ရသေ့တောင်၊ မင်းပြား စတဲ့ မြို့သိမ်းတိုက်ပွဲတွေက ဖမ်းဆီးရမိခဲ့တဲ့ စစ်သုံ့ပန်း မိသားစုဝင် ၁၀၀၀ ကျော်ကို ပြန်လည် လွှတ်ပေးထားပြီးလည်း ဖြစ်ပါတယ်။