အာရက္ခတိုင်းမ်စ် (၂၇ သြဂုတ် ၂၀၂၅)
ရက္ခိုင်ပြည် မြောက်ဦးမြို့ကို စစ်ကော်မရှင်က သြဂုတ်လ ၂၅ ရက် ည ၁၁ နာရီခွဲခန့်က ပေါင် ၅၀၀ ဗုံး ၂ လုံး ကြဲချခဲ့လို့ ဒေသခံပြည်သူ ၁၄ ဦး အထိ သေဆုံးခဲ့ပါတယ်။
“ ကြဲတဲ့နေ့မှာ ၁၂ ဦး သေဆုံးခဲ့ပြီးတော့ နောက်နေ့မှာ ကလေး ၁ ယောက် နဲ့ အမျိုးသမီး ၁ ယောက် ထပ်မံ ဆုံးပါတယ်။ စုစုပေါင်း ၁၄ ဦး ဆုံးပါးခဲ့တယ်” လို့ မြောက်ဦးမြို့ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကော်မရှင်က ရက္ခိုင်ပြည် မြောက်ဦးမြို့ အောင်တပ်အုပ်စု ဒိုင်းကျီရပ်ကွက်က စိုက်ပျိုးရေးဂိုထောင်အနီးကို ပေါင် ၅၀၀ ဗုံးနဲ့ ကြဲချခဲ့တာပဲ ဖြစ်ပါတယ်။
“ စိုးရိမ်ရတဲ့ လူနာတွေလည်း ရှိနေသေးတယ်။ လောလောဆယ် အတတ်နိုင်ဆုံး ဆေးဝါးကုသမှုတွေတော့ လုပ်ပေးနေပါ” လို့လည်း သူက အာရက္ခတိုင်းမ်စ်ကို ထပ်မံပြောပါတယ်။
အာရက္ခတပ်တော်က သေဆုံးသူအရေအတွက် ၁၂ ယောက်ကို အတည်ပြုထားပေမယ့် လက်ရှိမှာတော့ သေဆုံးသူ ၂ ဦး ထပ်မံ တိုးလာတာလည်း ဖြစ်ပါတယ်။
စစ်ကော်မရှင်ရဲ့ ပေါင် ၅၀၀ နဲ့ ဗုံးကြဲမှုကြောင့် ဒေသခံပြည်သူတွေရဲ့ နေအိမ် အလုံး ၂၀ ကျေ်လည်း ပျက်စီးသွားတယ်လို့ သိရပါတယ်။