အာရက္ခတိုင်းမ်စ် (၂၇ အောက်တိုဘာ ၂၀၂၅)
ရက္ခိုင်ပြည် အမ်းမြို့ကို စစ်ကော်မရှင်က အောက်တိုဘာလ ၂၆ ရက် ညနေ ၃ နာရီခန့်က ဂျက်ဖိုက်တာနဲ့ နှစ်ကြိမ်တိုင်တိုင် ဗုံး နှစ်လုံးကြဲချခဲ့လို့ ကလေးငယ်တဦး ဒဏ်ရာရရှိခဲ့တယ်လို့ သိရပါတယ်။
“ ဒဏ်ရာရတဲ့ ကလေးက အသက် ၉ နှစ်ပဲ ရှိသေးတယ်။ ၃ တန်း ကျောင်းတက်နေတာ။ ချင်းတိုင်းရင်းသား” လို့ အမ်းမြို့ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကော်မရှင်ကြဲချခဲ့လို့ ဒဏ်ရာရရှိသွားသူကတော့ ဦးသန်းမောင်ရဲ့သားဖြစ်သူ အသက် ၉ နှစ်အရွယ် ဆလိုင်းသိန်းဇော်သန်း ဖြစ်တယ်လို့ သိရပါတယ်။
စစ်ကော်မရှင်ရဲ့ ဗုံး နှစ်လုံးအနက် တလုံးက မြို့ဟောင်းရပ်ကွက်က ဦးသန်းမောင်နေအိမ်ကို ကျရောက်ပေါက်ကွဲပြီး နောက်တလုံး ကျရောက်တဲ့နေရာကို မသိရှိသေးပါဘူး။
ဗုံးစများ ခန္ဓာကိုယ်တွင် ထိမှန်သွားပြီး ဒဏ်ရာရရှိခဲ့တဲ့ ဆလိုင်းသိန်းဇော်သန်းကို လက်ရှိတွင် အရေးပေါ်ဆေးကုသမှု ပေးနေတယ်လို့ သိရပါတယ်။
Photo – APM
2 Comment
Pretty standard site. Nothing amazing, I’ve got to say, but if you are a gambling addict you can give it a shot on abc8a8!
заклепка вытяжная шт заклепка вытяжная увеличенная