အာရက္ခတိုင်းမ်စ် (၇ နိုဝင်ဘာ ၂၀၂၅)
အာရက္ခတပ်တော် ထိန်းချုပ်ထားတဲ့ ရက္ခိုင်ပြည် ပုဏ္ဏားကျွန်းမြို့နယ်ကို ဒီနေ့ နံနက်ပိုင်းက အကြမ်းဖက် စစ်ကော်မရှင်တပ် လေကြောင်းတိုက်ခိုက်မှုနဲ့ လက်နက်ကြီးပ စ်ခတ်မှုတို့ကို ပြုလုပ်ခဲ့ပါတယ်။
အဲဒီလို ပစ်ခတ်မှုကြောင့် အရပ်သားပြည်သူ (၅) ဦး သေဆုံးသွားခဲ့ပြီး ၉ ဦး ဒဏ်ရာ ရရှိသွားခဲ့ပါတယ်။
အကြမ်းဖက် စကမတပ်ဟာ ဒီနေ့ နံနက် ၁၁ နာရီခွဲအချိန်က ပုဏ္ဏားကျွန်းမြို့နယ်၊ယိုးတရုတ်ကျေးရွာနဲ့ အောင်ဖြူပြင်ကျေးရွာကို ဂျက်ဖိုင်တာဖြင့် ဗုံး လေးလုံး ဆက်တိုက် ကြဲချခဲ့ပါတယ်။
အဆိုပါ ဗုံး လေးလုံးမှာ ယိုးတရုတ်ရွာတွင် နှစ်လုံး ကျရောက်ပြီး အောင်ဖြူပြင်ကျေးရွာတွင် နှစ်လုံး ကျရောက် ပေါက်ကွဲခဲ့ပါတယ်။
အဲ့ဒီလိုမျိုး ဗုံးကြဲခံရမှုကြောင့် ယိုးတရုတ်ကျေးရွာမှ အမျိုးသမီး လေးဦးနဲ့ Grade -12 ကျောင်းသားတယောက်တို့ သေဆုံးသွားခဲ့ပြီး နောက်ထပ် အရပ်သားပြည်သူ ၇ ဦး တို့မှာလည်း ပြင်းထန်ဒဏ်ရာ ရရှိ သွားခဲ့ပါတယ်။
ဒါ့အပြင် အောင်ဖြူပြင်ကျေးရွာ ဗုံးကြဲခံရမှု ဖြစ်စဉ်ကြောင့် အမျိုးသမီး တဦး ဒဏ်ရာ ရရှိသွားခဲ့ပါတယ်။
ဒီနေ့ နံနက် ၁၁ နာရီအချိန်ကလည်း ပုဏ္ဏားကျွန်းမြို့နယ် ကွမ်းတောင်ကျေးရွာကို စစ်တွေအခြေစိုက် ခမရ ၃၄၄ တပ်မှ (၁၂၀ မမ) လက်နက်ကြီးကျည်နဲ့ ပစ်ခတ်မှုကြောင့် အသက် (၅၅) နှစ် အရွယ် အမျိုးသား တဦးတို့ ဒဏ်ရာ ရရှိသွားခဲ့ပါတယ်။
ပြီးခဲ့တဲ့ အောက်တိုဘာ (၃၁) ရက်နေ့ကလည်း ပုဏ္ဏားကျွန်းမြို့နယ် ပန်းနီလာကျေးရွာကို ဗုံးကြဲခဲ့မှုကြောင့် ကလေးငယ် နှစ်ဦး အပါအဝင် စစ်ဘေးရှောင် ၄ ဦး သေဆုံးသွားခဲ့ပြီး ၆ ဦးလောက် ဒဏ်ရာ ရရှိသွားခဲ့ပါတယ်။
ဓာတ်ပုံ ပိုမိုကြည့်ရှုလိုပါက t.me/arakhatimes တွင် ကြည့်ရှုနိုင်ပါတယ်။