အာရက္ခတိုင်းမ်စ် (၁၂ ဒီဇင်ဘာ ၂၀၂၅)
ရက္ခိုင်ပြည် ကျောက်ဖြူမြို့နယ်ကို ဒီဇင်ဘာလ ၁၁ ရက် ညနေ ၇ နာရီခွဲ အချိန်ခန့်က စစ်ကော်မရှင်ရဲ့ ဂျက်ဖိုက်တာကနေ ဗုံး ၂ လုံးကြဲချခဲ့လို့ အရပ်သားပြည်သူ ၈ ဦး သေဆုံးပြီး ၁၀ ဦးခန့် ထိခိုက်ဒဏ်ရာ ရရှိခဲ့တယ်လို့ အာရက္ခတပ်တော်က ဒီကနေ့မှာ ထုတ်ပြန်ခဲ့ပါတယ်။
“ အာရက္ခပြည် ကျောက်ဖြူခရိုင် ကျောက်ဖြူမြို့နယ် င/လုံးစု အထက်ရွာနဲ့ အောက်ရွာကို ၂၀၂၅ ခုနှစ် ဒီဇင်ဘာလ ၁၁ ရက် ညနေ ၇ နာရီ ၃၄ မိနစ်တွင် မြောက်ဦးဆေးရုံကို ဗုံးကြဲခဲ့သလို ဖက်စစ် အကြမ်းဖက် စစ်ကောင်စီရဲ့ ဂျက်တိုက်လေယဉ်တစီးပေါ်က ဗုံး ၂ လုံး ကြဲချ တိုက်ခိုက်ခဲ့ပြီး စစ်ရာဇဝတ်မှု ထပ်မံ ကျူးလွန်ခဲ့တယ်” လို့ အာရက္ခတပ်တော်က ဆိုပါတယ်။
အဆိုပါ စစ်ကော်မရှင်ရဲ့ ဗုံးကြဲတိုက်ခိုက်မှုကြောင့် အရပ်သားပြည်သူ ၈ ဦး သေဆုံးခဲ့ပြီး ၁၀ ဦးခန့် ထိခိုက်ဒဏ်ရာ ရရှိခဲ့တယ်လို့ သိရပါတယ်။
“ စစ်ကော်မရှင်ရဲ့ အရပ်သားပြည်သူများအပေါ် လေကြောင်းက တိုက်ခိုက်ကာ စစ်ရာဇဝတ်မှု ကျူးလွန်မှုကြောင့် င/လုံးစု အထက်ရွာနဲ့ အောက်ရွာအတွင်းက အပြစ်မဲ့ အရပ်သားပြည်သူ ကျား+မ စုစုပေါင်း ၈ ဦး သေဆုံးခဲ့ပြီး ကျား+မ စုစုပေါင်း ၁၀ ဦးခန့် ဒဏ်ရာရရှိထားတယ်လို့ ကနဦး သတင်းအရ သိရှိထားတယ်” လို့ အာရက္ခတပ်တော်က ထုတ်ပြန်ပါတယ်။
ဒီဇင်ဘာ ၁၀ ရက်နေ့ ည ၉ နာရီကျော်ကလည်း ရက္ခိုင်ပြည် မြောက်ဦးဆေးရုံကို စစ်ကော်မရှင်က ပေါင် ၅၀၀ ဗုံး ၂ လုံး ကြဲချခဲ့လို့ အရပ်သားပြည်သူ ၃၃ ဦး သေဆုံးခဲ့ပြီး ၇၆ ဦး ထိခိုက် ဒဏ်ရာ ရရှိခဲ့ပါတယ်။
1 Comment
If you’re looking for a discreet and reliable way to access Fun88, fun88ninja is the way to go. Fast access and smooth gameplay are guaranteed! Check it out: fun88ninja.