၁၇ နှစ်မြောက် AA နှစ်ပတ်လည်နေ့အတွက် ရက္ခိုင်အစည်းအရုံး (ဂျပန်) ဂုဏ်ပြုသဝဏ်လွှာပေးပို့

အာရက္ခတိုင်းမ်စ် (၁၀ ဧပြီ ၂၀၂၆)

ဒီကနေ့မှာ ကျရောက်တဲ့ ၁၇ နှစ်မြောက် အာရက္ခတပ်တော် နှစ်ပတ်လည်နေ့အတွက် ရက္ခိုင်အစည်းအရုံး (ဂျပန်) က ဂုဏ်ပြုသဝဏ်လွှာ ပေးပိုခဲ့ပါတယ်။

ကချင်ပြည်နယ်၊ လိုင်ဇာမြို့မှာ ပြီးခဲ့တဲ့ ၂ဝဝ၉ ခုနှစ်၊ ဧပြီလ (၁၀) ရက်နေ့ ရက္ခိုင်လူငယ် (၂၆) ဦးနဲ့ စတင်ဖွဲ့စည်းခဲ့တဲ့ အာရက္ခတပ်တော်ဟာ (၁၇) နှစ်တိုင် ရှိခဲ့ပြီ ဖြစ်ပါတယ်။

စတင်တည်ထောင်ချိန်မှစ ဒီကနေ့အထိ အာရက္ခတပ်တော်ဟာ စစ်အာဏာရှင်စနစ်ရဲ့ ဖိနှိပ်ချုပ်ချယ်မှုကို ဆန့်ကျင် တော်လှန်ရုံသာမက အာရက္ခပြည်အဝှမ်းနဲ့ မြန်မာနိုင်ငံတဝန်းလုံးရှိ တိုင်းရင်းသားပြည်သူများရဲ့ အခြေခံ အခွင့်အရေးများ ရရှိရေးအတွက်ပါ ရှေ့တန်းမှ ဦးဆောင်ပါဝင်ခဲ့သလို ၁ဝ၂၇ စစ်ဆင်ရေးအပါအဝင် တော်လှန်ရေးကဏ္ဍ အသီးသီးတွင် ပြသခဲ့သည့် အာရက္ခတပ်တော်၏ ရဲစွမ်းသတ္တိ၊ စည်းကမ်းရှိမှုနှင့် ပြည်သူ့အကျိုးပြု စိတ်ဓာတ်တို့မှာ အတုယူဖွယ်ရာ ဖြစ်တယ်လို့ ထုတ်ပြန်ချက်မှာ ဆိုထားပါတယ်။

အသက်ပေးဆပ်ခဲ့ကြတဲ့ အာရက္ခတပ်တော်ရဲ့ အာဇာနည် ခေါင်းဆောင်ကြီးများ၊ ရဲဘော်များနဲ့ အရပ်သားပြည်သူများ အားလုံးကို ဦးညွှတ် ဂုဏ်ပြုအပ်ပါတယ်။ တပ်မှူးချုပ် အပါအဝင် အာရက္ခတပ်တော်ရဲ့ ခေါင်းဆောင်များနဲ့ တပ်ဖွဲ့ဝင်အားလုံးရဲ့ စွန့်လွှတ်အနစ်နာခံ၊ ကြိုးစားဆောင်ရွက်မှု‌တွေကြောင့် အာရက္ခပြည်သူများ မျှော်မှန်းခဲ့တဲ့ အာရက္ခအိပ်မက်ဟာ လက်တကမ်းအလိုတွင် ရှိနေပြီ ဖြစ်တယ်လို ရက္ခိုင်အစည်းအရုံး (ဂျပန်) က သဝဏ်လွှာမှာ ထည့်သွင်းပြောဆိုထားပါတယ်။

ရက္ခိုင်အစည်းအရုံး (ဂျပန်) အနေဖြင့် အာရက္ခတပ်တော်ရဲ့ ရှေ့ဆက်လှမ်းမည့် ခရီးစဉ်တွင်မှာ အာရက္ခတပ်တော်မှ ချမှတ်ထားတဲ့ လမ်းစဉ်အတိုင်း ဂျပန်‌ရောက် အာရက္ခပြည်သူများ၊ အခြားသော တော်လှန်ရေးအင်အားစုများနဲ့ လက်တွဲပြီး အာရက္ခပြည် လွတ်မြောက်ရေးနဲ့ ပြန်လည်တည်ဆောက်ရေး၊ စစ်အာဏာရှင်စနစ် အပြီးတိုင် ချုပ်ငြိမ်းရေးတိုအတွက် ဆက်လက် ပူးပေါင်း ဆောင်ရွက်သွားမည်ဖြစ်ကြောင်း ကတိပြုပြီး အာရက္ခတပ်တော် နှစ်ပတ်လည်နေ့တွင် အာရက္ခပြည်သူများ၊ အာရက္ခတပ်တော်ရဲ့ ခေါင်းဆောင်များနဲ့ တပ်ဖွဲ့ဝင်အားလုံး ကိုယ်စိတ်နှစ်ဖြာ ကျန်းမာ ချမ်းသာကြပါစေကြောင်း၊ အာရက္ခတပ်တော်၏ ရည်မှန်းချက်များ အမြန်ဆုံး အောင်မြင် ပြည့်စုံကြပါစေကြောင်းလည်း ဂုဏ်ပြုသဝဏ်လွှာမှာ ဖော်ပြထားပါတယ်။