ဒေသတွင်း စားနပ်ရိက္ခာဖူလုံရေးအတွက် PIM က စိုက်ပျိုးရေးသင်တန်းပေးမည်

အာရက္ခတိုင်းမ်စ် (၂၃ ဧပြီ ၂၀၂၆)

ရက္ခိုင်ပြည် ဒေသတွင်း စားနပ်ရိက္ခာဖူလုံရေးအတွက် Permaculture Institute Myanmar (PIM) က ရေရှည်တည်တံ့တဲ့ စိုက်ပျိုးရေးနဲ့ ပါမာကာချာ အဆင်မြင့်သင်တန်း ဖွင့်လှစ်သွားမယ်လို့ သိရပါတယ်။

အဆိုပါ သင်တန်းဖွင့်လှစ်ခြင်းဟာ လူငယ်တွေ အလုပ်အကိုင် အခွင့်အလမ်း တိုးတက်လာစေဖို့နဲ့ စိုက်ပျိုးစီးပွားရေးဆိုင်ရာ စွန့်ဦးတီထွင်နိုင်တဲ့ လူငယ်တွေ ရေရှည်တည်တံ့တဲ့ အသက်မွေးဝမ်းကျောင်းမှု တိုးတက်ရေးအတွက် အရည်အသွေးပြည့်ဝပြီး ကျင့်ဝတ်နဲ့အညီ ဦးဆောင်နိုင်သူ အပြောင်းအလဲဖော်ဆောင်နိုင်သူ ဖြစ်လာစေဖို့ ရည်ရွယ်တာလို့ သိရပါတယ်။

ရေရှည်တည်တံ့တဲ့ စိုက်ပျိုးရေးနဲ့ ပါမာကာချာ အဆင်မြင့်သင်တန်းကို ၂၀၂၆ ခုနှစ် ဇွန်လကနေ ၂၀၂၇ ခုနှစ် မတ်လ အထိ ၁၀ လတာ သင်းကြားပေးသွားမှာလည်း ဖြစ်ပါတယ်။

ရေရှည်တည်တံ့တဲ့ စိုက်ပျိုးရေးနဲ့ ပါမာကာချာ အဆင်မြင့်သင်တန်းကို လျောက်ထားလိုသူအနေနဲ့ အသက်အားဖြင့် ၁၈ နှစ်ကနေ ၂၅ နှစ်ကြား ဖြစ်ရပါမယ်။ စနစ်ဟောင်း ၁၀ တန်းအောင် (သို့) စနစ်သစ် ၁၂ တန်း အောင်မြင်ပြီးသူ ဖြစ်ရပါမယ်။ လူမှုရေးလုပ်ငန်းများတွင် ပါဝင်လုပ်ကိုင်ဖူးသူ ဖြစ်ရပါမယ်။ သင်တန်းပြီးဆုံးအောင် တတ်နိုင်သူဖြစ်ရပါမယ်။ ရေရှည်တည်တံ့တဲ့ စိုက်ပျိုးရေးကို စိတ်ပါဝင်စားပြီး တစိုက်မတ်မတ် လုပ်ကိုင်ဆောင်ရွက်လိုသူ နဲ့ သင်တန်းပြီးပါက မိမိဒေသတွင်း စားနပ်ရိက္ခာဖူလုံမှုနဲ့ ဖွံ့ဖြိုးရေးလုပ်ငန်းများတွင် တက်ကြွစွာ လုပ်ဆောင်ရန် စိတ်အားထက်သန်သူ ဖြစ်ရမယ်လို့ သိရပါတယ်။

သင်တန်းရွေးချယ်ခံရသူအနေနဲ့ သင်တန်းရေရှည်တည်တံ့ရေးနဲ့ အခြားအရေးပေါ် လိုအပ်တဲ့ အသုံးစာရိတ်တွေအတွက် ကျောင်းဝင်ကြေးအဖြစ် ကျောင်းသားတဦးလျင် ၃ သိန်း ကောက်ခံသွားမှာဖြစ်ပြီး ပေးသွင်းရန် ငွေကြေးအခက်အခဲရှိပါက ကျောင်းဝင်ကြေး ကင်းလွတ်ခွင့် လျောက်ထားနိုင်တယ်လို့လည်း သိရပါတယ်။

ရေရှည်တည်တံ့တဲ့ စိုက်ပျိုးရေးနဲ့ ပါမာကာချာ အဆင်မြင့်သင်တန်းကို လျောက်ထားလိုသူတွေအနေနဲ့ pim.contact26@gmail.com သို့မဟုတ် https://www.facebook.com/permainstitutemm/ မက်ဆန်ဂျာကနေ ဆက်သွယ်လျောက်ထားနိုင်တယ်လို့ သိရပါတယ်။