အာရက္ခတိုင်းမ်စ် (၆ အောက်တိုဘာ ၂၀၂၆)
ရက္ခိုင်ပြည်၊ တောင်ကုတ်မြို့နယ်ကို ဒီကနေ့ မနက်တွင် စစ်ကောင်စီတပ်က ဂျက်ဖိုက်တာ ၅ စီးခန့်နဲ့ ဗုံးအလုံးရေ ၁၈ လုံးခန့် ကြဲချ တိုက်ခိုက်ခဲ့တယ်လို့ သိရပါတယ်။
“အလုံးရေက ၁၈ လုံး၊ ဂျက်က ၅ စီးထင်တယ်။ အများပြည်သူတွေ နေတဲ့နေရာတော့ မထိခဲ့ပါ” လို့ တောင်ကုတ်မြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။
စစ်ကောင်စီတပ်ဟာ ရက္ခိုင်ပြည် တောင်ကုတ်မြို့နယ်ကို ဂျက်ဖိုက်တာများနဲ့ တစ်နာရီကျော်ကြာ ဗုံးကြဲ တိုက်ခိုက်ခဲ့တာလည်း ဖြစ်ပါတယ်။
အသေးစိတ် အခြေအနေကို အာရက္ခတိုင်းမ်စ်က ဆက်လက် စုံစမ်းနေပြီး အတည်ပြုနိုင်တာနဲ့ ထပ်မံ ဖော်ပြပေးသွားပါမယ်။