အာရက္ခတိုင်းမ်စ် (၂၆ စက်တင်ဘာ ၂၀၂၅)
ရက္ခိုင်ပြည် တောင်ကုတ်မြို့ကို စစ်ကော်မရှင်က ဒီကနေ့ မွန်းလွဲ ၄ နာရီခန့်က ပေါင် ၅၀၀ ဗုံး တလုံး လာရောက် ကြဲချခဲ့တယ်လို့ သိရပါတယ်။
“တပ်ဦးဘုန်းကြီးကျောင်းကို ကျတာ။ ကျောင်းကတော့ ရစရာမရှိအောင်ကို ပျက်စီးသွားတယ်” လို့ တောင်ကုတ်မြို့ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ရေးအရ ရှုံးနိမ့်နေတဲ့ စစ်ကော်မရှင်ဟာ သံတွဲ၊ တောင်ကုတ်၊ ဂွ နဲ့ အမ်းမြို့တို့တွင် ရွေးကောက်ပွဲ ကျင်းပနိုင်ရန် ကြိုးစားနေပြီး မကြာခင် ထိန်းချုပ်နိုင်တော့မယ်လို့ ဝါဒဖြန့်ချီနေတာလည်း ဖြစ်ပါတယ်။
အာရက္ခတိုင်းမ်စ် သတင်းဌာနအနေနဲ့ ဆက်လက်ပြီး တင်ဆက်ပေးသွားပါမယ်။
Photo – APM