အာရက္ခတိုင်းမ်စ် (၁၁ နိုဝင်ဘာ ၂၀၂၅)
စစ်ကော်မရှင်တပ် အခြေစိုက်ထားတဲ့ စစ်တွေမြို့ရှိ တပ်ရင်းတခုမှ ဒီကနေ့ နေ့လယ်ပိုင်းမှာ ပေါက်တောမြို့နယ်ကို လက်နက်ကြီးကျည်များနဲ့ ပစ်ခတ်ခဲ့တယ်လို့ သတင်းရရှိပါတယ်။
“သိသလောက်က စစ်တွေအခြေစိုက် ရေတပ်စခန်းနဲ့ အမှတ် (၁၂) ရဲတပ်ရင်ကနေပြီး လက်နက်ကြီး ၆ လုံး ပစ်တာ” လို့ ပေါက်တောမြို့ ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကော်မရှင်တပ်က ပစ်ခတ်လိုက်တဲ့ လက်နက်ကြီးကျည်တွေဟာ ပေါက်တောမြို့နယ် သရဲကျေးရွာနဲ့ င/ပြီကျွန်းရွာတို့မှာ ကျရောက်ပေါက်ကွဲခဲ့တယ်လို့ သိရှိရပါတယ်။
အဆိုပါ ကျရောက်ပေါက်ကွဲမှုကြောင့် သရွဲကျေးရွာမှ အမျိုးသမီးတဦးနဲ့ အမျိုးသားလေးဦးတို့မှာ လက်နက်ကြီးကျည်စ ထိမှန် ဒဏ်ရာ ရရှိသွားကြပါတယ်။
ပြီးခဲ့တဲ့ နိုဝင်ဘာ (၈) ရက်နေ့ကလည်း ပေါက်တောမြို့ကို လေကြောင်းကနေ ဗုံးကြဲတိုက်ခိုက်မှုကြောင့် လမ်းသွား၊ လမ်းလာ အမျိုးသမီးတဦးနဲ့ အမျိုးသားနှစ်ဦးတို့မှာ ဒဏ်ရာရရှိသွားခဲ့ကြပါတယ်။
ဓာတ်ပုံ – ပုံဟောင်း