အာရက္ခတိုင်းမ်စ် (၂၁ ဧပြီ ၂၀၂၆)
ဘင်္ဂလားဒေ့ချ်နိုင်ငံကနေ ရက္ခိုင်ပြည်ကို တင်ပို့မယ့် ဘိလပ်မြေအိတ် ၈၅၀ ကို ဧပြီလ ၁၉ ရက် ညဖပ်က ဘင်္ဂလားဒေ့ချ်ရေတပ် (နေဗီ) တစီးကနေ ဘုတ်နဲ့ ကုန်ပစ္စည်းများကို ဖမ်းဆီးခဲ့တယ်လို့ Bangladesh Navy က ဧပြီလ ၂၀ ရက်မှာ ထုတ်ပြန်ခဲ့ပါတယ်။
ဧပြီလ ၁၉ ရက် ည ၁၁ နာရီခန့်အချိန်တွင် ဘင်္ဂလားဒေ့ချ်ရေတပ် (နေဗီ) တစီးကနေ ဘင်္ဂလားဒေ့ချ်နိုင်ငံ စိန့်မာတင်ကျွန်း မီးလင်းတိုင်ကနေ ၁၂ မိုင်ခန့်အကွာတွင် ဖမ်းဆီးရမိခဲ့တာလို့ ဆိုပါတယ်။
“ တာကာငွေ ၁၅.၁ သန်း တန်ဖိုးရှိတဲ့ ဘိလပ်မြေအိတ် ၈၅၀ နဲ့အတူ ကုန်သည် ၁၁ ဦးကိုလည်း ဖမ်းဆီးရမိခဲ့တယ်” လို့လည်း ဆိုပါတယ်။
အဆိုပါ ဖမ်းဆီးခံရသူတွေနဲ့ ပစ္စည်းများကို သက်ဆိုင်ရာ အာဏာပိုင်များထံ လွှဲပြောင်းပြီး ဥပဒေအရ ဆက်လက် အရေးယူ ဆောင်ရွက်နေတယ်လို့လည်း ဆိုပါတယ်။
အလားတူ ရက္ခိုင်ပြည်ကို ဘင်္ဂလားဒေ့ရှ်နိုင်ငံကနေ ဘိလပ်မြေတင်ဆောင်လာတဲ့ မူဆလင် ၈ ဦးကို ဘင်္ဂလားဒေ့ရှ်ကမ်းခြေစောင့်တပ် (Bangladesh Coast Guard) က မတ်လ ၂၇ ရက်မှာလည်း ဖမ်းဆီးခဲ့ပါတယ်။
ဘင်္ဂလားဒေ့ရှ်ကမ်းခြေစောင့်တပ်အနေနဲ့ မှောင်ခိုရောင်းဝယ်မှုကို ကာကွယ်ရန်အတွက် ရေကြောင်းမှောင်ခိုကူးမှုနဲ့ လူကုန်ကူးမှု တားဆီးရေး ကမ်းရိုးတန်းစောင့်တပ်ရဲ့ စစ်ဆင်ရေးတွေကို ဆက်လက် လုပ်ဆောင်နေတယ်လို့လည်း ထုတ်ပြန်ထားပါတယ်။