AA ထံ စစ်မှုထမ်းရန် ‌ရောက်လာတဲ့ အသက်မပြည့်သေးတဲ့ ကလေး ၃ ဦးကို မိဘထံ ပြန်လည်အပ်နှံ

အာရက္ခတိုင်းမ်စ် (၁၉ သြဂုတ် ၂၀၂၆)

အာရက္ခတပ်တော်ထံ စစ်မှုထမ်းရန် ရောက်ရှိလာတဲ့ အသက်မပြည့်သေးတဲ့ ကလေးငယ် ၃ ဦးကို သြဂုတ်လ ၁၈ ရက်က မိဘတွေထံ ပြန်လည် အပ်နှံခဲ့တယ်လို့ သိရပါတယ်။

အာရက္ခတပ်တာ်ထံ မိမိဆန္ဒအလျောက် စစ်မှုထမ်းရန် လာရောက်ကြတဲ့ ကလေးငယ် ၃ ဦးကတော့ ပုဏ္ဏားကျွန်းမြို့နယ် ကြံခင်းကျေးရွာက အသက် ၁၃ နှစ်အရွယ် မောင်ကျော်ဆန်းဦး၊ မောင်စိုးနိုင်ဦး နဲ့ အသက် ၁၄ နှစ်အရွယ် မောင်ဝင်းမင်းသန်းတို့ ဖြစ်တယ်လို့ သိရပါတယ်။

အဆိုပါ ကလေးငယ် ၃ ဦးဟာ သြဂုတ်လ ၁၃ မိဘတွေကို အသိမပေးဘဲ မိမိ ဆန္ဒအလျောက် အာရက္ခတပ်တော်ထံ စစ်မှုထမ်းရန် လာရောက်ခဲ့တာလို့ သိရပါတယ်။

အာရက္ခတပ်တော်က မိမိဆန္ဒအလျောက် စစ်မှုထမ်းရန် လာ‌ရောက်တဲ့ အသက်မပြည့်သေးတဲ့ ကလေးငယ် ၃ ဦးကို ကလေးမိဘတွေဖြစ်တဲ့ ဦးစောမြ၊ ဦးအောင်အောင်သန်းနဲ့ ဦးမောင်တင်ရွှေထံ ပြန်လည် အပ်နှံပေးခဲ့တာလို့ သိရပါတယ်။

Ref & Photo – ONN

Related posts

နိုဝင်ဘာ ၂၃ ကနေ ၂၄ ရက်တွင် ရက္ခိုင်မြောက်ပိုင်း မိုးဖွဲကနေ မိုးကွက်ကျားရွာနိုင်

သာပေါင်းမှာ အလုပ်ကပြန်လာတဲ့ ရက္ခိုင်စစ်ရှောင် ၃ ဦးကို စစ်ကောင်စီက AA လို့ စွပ်စွဲပြီး ဖမ်းဆီး

လိုင်ဇာ ဗိုလ်သင်တန်းကျောင်းမှာ အသက်ဆုံးရှုံးခဲ့တဲ့ ဗိုလ်လောင်း ၈ ဦးအတွက် ၁၂ နှစ်ပြည့် AA  သတိရဂုဏ်ပြု