ဘူးသီးတောင်မြို့တွင် လူမနေအိမ် ၁ လုံး မီးလောင်

အာရက္ခတိုင်းမ်စ် (၂၇ ဧပြီ ၂၀၂၆)

ရက္ခိုင်ပြည် ဘူးသီး​တောင်မြို့ အမှတ် ၂ ရပ်ကွက်တွင် လူမနေနဲ့ အိမ် ၁ လုံး ဧပြီလ ၂၆ ရက် ညနေ ၅ နာရီခွဲခန့်တွင် မီးလောင်မှု ဖြစ်ပွားခဲ့တယ်လို့ ဒေသခံတွေထံမှ သိရပါတယ်။

“ အိမ်နောက်ဖက်ကနေ စလောင်တာ။ ဘာကြောင့် လောင်တာလည်းတော့ မသိဘူး။ မီးကတော့ မီးသတ်ဌာနနဲ့ ဒေသခံတွေ ဝိုင်းငြိမ်းလို့ အဲ ၁ အိမ်ပဲ လောင်သွားတယ်။ ဘာကြောင့် လောင်တာလည်းဆိုတာကိုတော့ ဒီလပ်ဌာနက စုံစမ်းစစ်ဆေးနေတယ်” လို့ ဘူးသီးတောင်မြို့ဒေသခံတဦးက အာရက္ခတိုင်းမ်စ်ကို ပြောပါတယ်။

အဆိုပါ လူမနေအိမ် မီးလောင်မှုကို အာရက္ခပြည်သူ့တော်လှန်ရေးအစိုးရ ဒီလပ်ဌာနက အမှုဖွင့် စစ်ဆေးဆောင်ရွက်နေတယ်လို့ သိရပါတယ်။

ဖေဖော်ဝါရီလ ၆ ရက် ည ၉ နာရီကျော်ကလည်း ရက္ခိုင်ပြည် မောင်တောမြို့ မူဆလင်တွေနေထိုင်တဲ့ ရပ်ကွက် ၂ တွင် မီးလောင်မှုဖြစ်ပွားခဲ့လို့ လူမနေတဲ့ နေအိမ် ၂ အိမ် မီးလောင်ပျက်စီးသွားခဲ့ပါတယ်။

အာရက္ခပြည်သူ့ တော်လှန်ရေးအစိုးရ ရဲ့ မီးသတ်ဌာနအနေနဲ့ ရက္ခိုင်ပြည် လွတ်မြောက်နယ်မြေတွေက မြို့ရွာတွေမှာလည်း မီးသတိပြု၊ မီးဘေးအန္တရာယ်ကာကွယ်ပါ စတဲ့ ဆိုင်းဘုတ်တွေကိုလည်း လမ်းဆုံ၊ လမ်းခွတွေမှာ စိုက်ထူပြီး အသိပညာပေးနေတယ်လို့လည်း သိရပါတယ်။