အာရက္ခတိုင်းမ်စ် (၂၁ စက်တင်ဘာ ၂၀၂၆)
ရှမ်းပြည်မြောက်ပိုင်း၊ ညီနောင်မဟာမိတ်တွေ ထိန်းချုပ်ထားတဲ့ မူဆယ်မြို့နယ်၊ မိုင်းယု (၁၀၅) မိုင်မှာ မိုးရာသီ အမျိုးသား အလွတ်တန်း ဘောလုံးပြိုင်ပွဲကို စက်တင်ဘာလ ၂၀ ရက်က စတင် ကျင်းပခဲ့ပါတယ်။
အဆိုပါ ဘောလုံးပြိုင်ပွဲကိုတော့ ညီနောင်မဟာမိတ်အဖွဲ့တွေ ဖြစ်ကြတဲ့ ကိုးကန့်တပ် (MNDAA) နဲ့ အာရက္ခတပ်တော် (AA) တို့က ပူးပေါင်းပြီး ဒေသတွင်း အားကစား မြှင့်တင်ရေးအတွက် ဦးဆောင် ကျင်းပပေးတာ ဖြစ်တယ်လို့ သိရပါတယ်။
မနေ့က ပြုလုပ်ခဲ့တဲ့ ဖွင့်ပွဲအခမ်းအနားကို MNDAA နဲ့ AA ဘက်က တာဝန်ရှိသူတွေအပြင် ဒေသခံ ရပ်မိရပ်ဖတွေပါ တက်ရောက်ခဲ့ကြပါတယ်။
အဆိုပါ မိုးရာသီ ဘောလုံးပြိုင်ပွဲမှာတော့ ဒေသတွင်းက ပြိုင်ပွဲဝင် ဘောလုံးအသင်း စုစုပေါင်း ၁၀ သင်းအထိ ပါဝင် ယှဉ်ပြိုင်နေကြတာ ဖြစ်ပါတယ်။
အခုလို အားကစားပြိုင်ပွဲတွေ ကျင်းပပေးတာဟာ ဒေသတွင်း စည်းလုံးညီညွတ်မှုကို ပိုမို ခိုင်မာစေတယ်လို့ ဒေသခံတွေက ပြောကြားကြောင်း မိုင်းယုသတင်းတွင် ဖော်ပြထားပါတယ်။
မိုင်းယု ၁၀၅ မိုင်မှာ ကျင်းပတဲ့ မိုးရာသီ ဘောလုံးပြိုင်ပွဲ မြင်ကွင်း (ဓာတ်ပုံ – မိုင်းယု)