Category : Health

အာရက္ခတိုင်းမ်စ် (၂၂ ဖေဖော်ဝါရီ ၂၀၂၆) ရက္ခိုင်ပြည် ကျောက်ဖြူမြို့နယ်ရှိ စစ်ဘေးရှောင်စခန်းနေ မွေးကင်းစကလေးငယ်တွေအတွက် နို့မှုန့်အာဟာရကို တတိယအကြိမ်အဖြစ် အရွယ်စုံ Arakanese Ladies က လှူဒါန်းခဲ့တယ်လို့ သိရပါတယ်။ “ အရွယ်စုံ Arakanese Ladies က နို့မှုန့်လှူဒါန်းမှုကို တတိယအကြိမ်မြောက်အတွက် သိန်း (၂၀၀) ကျပ်ဖိုးကို ကျောက်ဖြူမြို့နယ်မှာ လှူဒါန်းခဲ့ပါတယ်”  လို့ အရွယ်စုံ Arakanese Ladies က ဆိုပါတယ်။ အရွယ်စုံ Arakanese Ladies အနေနဲ့ နို့မှုန်အာဟာရများကို မွေးကင်းစကနေ ၆ လသားအရွယ်အထိ အဓိကထားပြီး ထောက်ပံ့ကူညီပေးနေတာလည်း ဖြစ်ပါတယ်။ “ ၂၀၂၆ မှာလည်း အသင်းဝင် အဟောင်းနဲ့အသစ်တို့ ပါဝင် လှူဒါန်းပေးဖို့ ဖိတ်ခေါ်ပါတယ်”  လို့ အရွယ်စုံ Arakanese Ladies က ဆိုပါတယ်။ အလားတူ အရွယ်စုံ Arakanese Ladies အနေနဲ့ ရက္ခိုင်ပြည်၊ မြောက်ဦးဆေးရုံ ဗုံးကြဲခံရမှုဖြစ်စဉ်အတွက် သိန်း ၁၅၀ မတည်ခဲ့ပြီး စုစုပေါင်း အလှူငွေ သိန်း တထောင်ကျော်လည်း လှူဒါန်းခဲ့ပါသေးတယ်။ ဒါ့အပြင် စစ်ဘေးရှောင်တွေအတွက် လိုအပ်နေတဲ့ စောင်၊ မျက်နှာသုတ်ပုဝါ၊ အင်္ကျီ၊ ပုဆိုး နဲ့ ထမိန်တို့ကိုလည်း အလျင်းသင့်သလို့ လှူဒါန်းပေးနေတယ်လို့လည်း သိရပါတယ်။...

အာရက္ခတိုင်းမ်စ် (၂၁ ဖေဖော်ဝါရီ ၂၀၂၆) ရက္ခိုင်ပြည် မြောက်ဦးဆေးရုံ ပြန်လည်ထူထောင်ရေးအတွက် ဂျပန်ယန်း သောင်း-၁၅၀ နဲ့ ညီမျှတဲ့အလှူငွေကို Arakan Union (Japan) အသင်းက လှူဒါန်းခဲ့တယ်လို့ သိရပါတယ်။ ဂျပန်ယန်း သောင်း-၁၅၀ နဲ့ ညီမျှတဲ့ (မြန်မာငွေ- ၃၈၄၆၀၀၀၀ ကျပ်) တိတိကို အာရက္ခပြည်သူ့ကျမ်းမာရေးဌာနကို လှူဒါန်းခဲ့တာ ဖြစ်တယ်လို့ အသင်းရဲ့ တာဝန်ရှိသူတဦးက ဆိုပါတယ်။ “ မြောက်ဦးကိစ္စနဲ့ပတ်သက်ပြီး လှူဒါန်းထားတာကျတော့ ညိီမတို့က ဒီဂျပန်မှာရှိတဲ့ ရက္ခိုင်အစည်းအရုံး ဂျပန်ပေါ့နော်။ Arakan Union (Japan) အသင်းရဲ့ လုပ်ထုံးလုပ်နည်းပါပဲ။ အရေးပေါ်လိုအပ််လို့  လှူဖို့လိုအပ်ပြီဆို ဘယ်နေရာမဆို လှူပေးရတော့မှာပေါ့နော်။ လှူပေးဖို့ အမြဲတမ်းရှိတယ်။ နောက်ပြီးတော့ ရက္ခိုင်တပြည်လုံး အတိုင်းအတာနဲ့ ယှဥ်မယ်ဆိုရင် အဓိက ပိုပြီး အရေးတကြီး လိုအပ်တဲ့နေရာကို အရင်ဆုံးသွားပြီး လှူပေးတဲ့ သဘောမှာရှိတယ်ပေါ့နော်။ ရက္ခိုင်ပြည်ရဲ့ ဘယ်ဒေသမှာမဆို စစ်ဘေးဒဏ် သဘာဝဘေးဒဏ် အဲ့လိုမျိုး ခံရတဲ့ နေရာဒေသတွေက လူတွေအကုန်လုံးကိုအဆင်ပြေ ချောင်ချိတဲ့အတွက် တတ်နိုင်သမျှကို ပံ့ပိုးပေးနေတာပါ။ နောက်ပိုင်း လိုအပ်လာရင် လိုအပ်သလို ကူညီဖို့ အဆင်သင့်ရှိပါတယ်”  လို့ သူက အာရက္ခတိုင်းမ်စ်ကို ပြောပါတယ်။ ရက္ခိုင်အစည်းအရုံး (ဂျပန်) ဟာ ရက္ခိုင်ပြည်တွင်းမှာရှိတဲ့ ရက္ခိုင်ပြည်သူလူထုအပြင် အမျိုးမျိုးသော အကြောင်းများနဲ့ ခိုလှုနေကြတဲ့ တခြားတိုင်းရင်းသားတွေ အပါအဝင် ဒုက္ခရောက်နေသူတွေကို ကူညီထောက်ပံ့ဖို့ ဖွဲစည်းထားတဲ့ အသင်းဖြစ်တာကြောင့် ရက္ခိုင်ပြည်တွင်းမှာ ကြုံသမျှ ဘေးဒုက္ခ မှန်သမျှကို တတ်နိုင်သလောက် ကူညီထောက်ပံ့ပေးမှာ ဖြစ်တယ်လို့ အဆိုပါ တာဝန်ရှိသူက ဆက်ပြောပါတယ်။ မြောက်ဦးအပြင် ပြီးခဲ့တဲ့လအတွင်းမှာလည်း  ကျောက်ဖြူမြို့ရှိ စစ်ဘေးရှောင်တွေအတွက် သိန်း ၃၀၀ နီးပါး ကူညီလှူဒါန်းခဲ့တယ်လို့လည်း သိရပါတယ်။...

အာရက္ခတိုင်းမ်စ် (၁၇ ဖေဖော်ဝါရီ ၂၀၂၆) ရက္ခိုင်ပြည် လွတ်မြောက်နယ်မြေတွေမှာ ဖွင့်လှစ်ထားတဲ့ ဆေးခန်းတွေကို အာရက္ခပြည်သူ့တော်လှန်ရေးအစိုးရ၊ အာရက္ခပြည်သူ့ကျန်းမာရေးဌာနက ကွင်းဆင်း စစ်ဆေးနေတယ်လို့ သိရပါတယ်။ ပြည်သူများအနေနဲ့ ဆေးဝါးနဲ့ပတ်သတ်ပြီး မလိုလားအပ်တဲ့ ဘေးအန္တရာယ်များ မဖြစ်လာစေရန်အတွက် ဒီလပ် (DLEPS) ဌာန၊ မြို့နယ်ပြည်သူ့ကျန်းမာရေးဌာန၊ မြို့နယ်အုပ်ချုပ်ရေးဌာန နဲ့ ရပ်ရွာအုပ်ချုပ်ရေးအဖွဲ့ဝင်များ ပူးပေါင်းပြီး ကွင်းဆင်းစစ်ဆေးနေတာလည်း ဖြစ်ပါတယ်။ ဆေးကုသခွင့် ရရှိရေးအတွက် အာရက္ခပြည်သူ့ကျန်းမာရေးဌာနတွင် တရားဝင်လိုင်စင် လျှောက်ထားရမည်ဖြစ်ပြီး ဆေးကုသခွင့် လိုင်စင်မရှိဘဲ ‌ဆေးကုသနေတဲ့ ဆေးဆရာများ၊ ဆေးခန်းများ တွေ့ရှိပါက ဖမ်းဆီး အရေးယူ ဆောင်ရွက်သွားမယ်လို့လည်း သိရပါတယ်။ အာရက္ခပြည်သူ့ကျန်းမာရေးဌာနနဲ့ ပူးပေါင်းအဖွဲ့တို့ ကွင်းဆင်းစစ်ဆေးရာတွင် ရက်လွန်ဆေးများ၊ တရားမဝင် တင်သွင်းထားတဲ့ ဆေးဝါးများကို အသုံးပြုရောင်းချနေတဲ့ ဆေးခန်းများကို တွေ့ရှိခဲ့ပြီး ဥပဒေနဲ့အညီ အရေးယူ ဆောင်ရွက်နေတယ်လို့လည်း သိရပါတယ်။ အာရက္ခပြည့်သူ့ကျန်းရေးဌာနအနေနဲ့ ဇန်နဝါရီလစပြီး မင်းပြား၊ မြောက်ဦး၊ ကျောက်တော်၊ ပုဏ္ဏားကျွန်း စတဲ့ မြို့နယ်များရှိ ဆေးခန်း၊ ဆေးဆိုင်များတွင် စပ်ဆေးရောင်းချနေမှုများ၊ တရားမဝင်ဆေးဝါး ရောင်းချနေမှုများကို ကွင်းဆင်းစစ်ဆေးနေတာလည်း ဖြစ်ပါတယ်။...

အာရက္ခတိုင်းမ်စ် (၁၅ ဖေဖော်ဝါရီ ၂၀၂၆) ရက္ခိုင်ပြည် ကျောက်ဖြူမြို့နယ်ရှိ အကျဉ်းတေထာင်ကို စစ်ကော်မရှင်က လုံခြုံရေးတင်းကျပ်ထားပြီး အကျဉ်းသားတွေကို ဆေးကုသခွင့်မပေးလို့ ရက္ခိုင်အကျဉ်းသာတဦး သေဆုံးခဲ့တယ်လို့ သိရပါတယ်။ ၂၀၂၆ ခုနှစ် ဖေဖော်ဝါရီလ ၃ ရက်က အကျဉ်းသား ၅ ယောက် ထွက်ပြေးပြီးနောက် ကျောက်ဖြူအကျဉ်းထောင်ကို လုံခြုံရေးတင်ကျပ်လိုက်ပြီး ဆေးကုခွင့်တွေပါ ပိတ်ပင်ထားတာလည်း ဖြစ်ပါတယ်။ ကျောက်ဖြူအကျဉ်းထောင်တွင် ဆေးကုသခံယူမှု မရရှိလို့ သေဆုံးသွားသူမှာ ရက္ခိုင်ပြည် ကျောက်ဖြူမြို့နယ် ဂုံးချွိန်ရွာက အသက် ၂၈ နှစ်အရွယ် ကိုငမှိုင်း ဖြစ်တယ်လို့ သိရပါတယ်။ “ သူက ရောဂါအခံရှိတယ်။ လေးဘက်နာရောဂါပေါ့။ သူတို့တွေက ငါးဖမ်းနေတာမှာ ဖမ်းခံထားရတာ၊ ဆုံးတာက ၁၂ ရက်နေ့က”  လို့ ကျောက်ဖြူမြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။ ရက္ခိုင်ပြည် ပင်လယ်ပြင်တွင် ငါးဖမ်းနေတဲ့ ရက္ခိုင်ရေလုပ်သားတွေကို စစ်ကော်မရှင်ရဲ့ ရေတပ်ကနေ မကြာခဏဆိုသလို ဖမ်းဆီးပြီး ကျောက်ဖြူကို ဖမ်းဆီးခေါ်ဆောင်တာတွေလည်း ဆက်တိုက် ပြုလုပ်နေတယ်လို့ သိရပါတယ်။ အလားတူ ရက္ခိုင်ပြည်၊ စစ်တွေအကျဉ်းထောင်တွင် နိုင်ငံရေးအကျဉ်းသား နှစ်ဦး ဆေးကုသခွင့်မရတဲ့အတွက် သေဆုံးခဲ့ပါသေးတယ်။...

အာရက္ခတိုင်းမ်စ် (၁၂ ဖေဖော်ဝါရီ ၂၀၂၆) ရက္ခိုင်ပြည် မင်းပြားခရိုင်တွင် နီပါးရ် (Nipah Virus) ဗိုင်းရပ်စ် ကြိုတင်ကာကွယ်ရေး အသိပညာပေးအနေနဲ့ လက်ကမ်းစာစောင်များကို အာရက္ခပြည်သူ့ကျန်းမာရေးဌာနက ဖြန့်ဝေပေးနေတယ်လို့ သိရပါတယ်။  အာရက္ခပြည်သူ့ကျန်းမာရေးဌာန၊ ရက္ခိုင်အမျိုးသားအဖွဲ့ချုပ်(ULA)နဲ့ ဌာနဆိုင်ရာများက တာဝန်ရှိသူများ ပူးပေါင်းပြီး နီပါးရ်ဗိုင်းရပ်စ် ကြိုတင်ကာကွယ်ရေး လက်ကမ်းစာစောင်များကို လိုက်လံ ဖြန့်ဝေပေနေတာလည်း ဖြစ်ပါတယ်။ အလားတူ နီပါးရ်ဗိုင်းရပ်စ် (Nipah Virus) ကြိုတင်ကာကွယ်ရေး သတိပေးးဆိုင်းဘုတ်များကိုလည်း လူအသွားအလာများတဲ့နေရာတွေမှာ စိုက်ထူထားတယ်လို့လည်း သိရပါတယ်။ အာရက္ခပြည်သူ့ကျန်းမာရေးဌာနအနေနဲ့ ရက္ခိုင်ပြည် မြိ့်နယ်အသီးသီး၊  ဒေသအသီးသီးရှိ ပြည်သူများ နီပါးရ်ဗိုင်းရပ်စ် (Nipah Virus) ကြိုတင်ကာကွယ်နိုင်ရန် အသိပညာပေးများ ဆက်လက်လုပ်ဆောင်ပေးနေတယ်လို့လည်း သိရပါတယ်။ နီပါးရ်(Nipah) ဗိုင်းရပ်စ် ကာကွယ်ရေး အသိပညာပေး လက်ကမ်းစာစောင်များကို အာရက္ခပြည်သူ့တော်လှန်ရေးအစိုးရ အာရက္ခပြည်သူ့ကျန်းမာရေးဌာန တာဝန်ရှိသူများ၊ DLEPS (ရဲတပ်ဖွဲ့) ဝင်များ၊HDCO ဝန်ထမ်းများ၊ ကျန်းမာရေးဌာနဝန်ထမ်းများနဲ့ ရက္ခိုင်အမျိုးသားအဖွဲ့ချုပ် တာဝန်ရှိသူများ စုပေါင်းပြီး ဖြန့်ဝေပေးနေတာလည်း ဖြစ်ပါတယ်။ လက်ရှိတွင် နီပါးရ်ဗိုင်းရပ်စ်ရောဂါအတွက် ကုသရန် ဆေးဝါးမရှိသေးတဲ့အတွက် ကြိုတင်ကာကွယ်ခြင်းဟာ အကောင်းဆုံးကာကွယ်ဖြစ်တယ်လို့လည်း အာရက္ခပြည်သူ့ကျန်းမာရေးဌာနက သတိပီးထုတ်ပြန်ထားပါတယ်။ နီပါးရ်ဗိုင်းရပ်စ်နဲ့ပတ်သက်ပြီး မိဘပြည်သူများအနေနဲ့ ပေါ့ပေါ့ဆဆ မနေထိုင်ကြရန်နဲ့ ရောဂါကူးစက် ပြန့်ပွားလာပါက အသက်အန္တာရာယ်ရှိနိုင်တဲ့အတွက် သတိထားကြရန် လိုအပ်တယ်လို့လည်း သတိပေးထားတယ်လို့ သိရပါတယ်။ အာရက္ခပြည်သူ့ကျန်းမာရေးဌာန အနေနဲ့လည်း ရက္ခိုင်ပြည်အတွင်းရှိ ပြည်သူများကို နီပါးဗိုင်းရပ်စ်နဲ့ ပတ်သက်ပြီး ကြိုတင်ကာကွယ်နိုင်ရန် အသိပညာပေးလုပ်ငန်းများကိုလည်း ဌာနဆိုင်ရာများနဲ့ ပူးပေါင်းကာ အရှိန်အဟုန်မြှင့် ဆောင်ရွက်နေတယ်လို့လည်း သိရပါတယ်။...

အာရက္ခတိုင်းမ်စ် (၁၁ ဖေဖော်ဝါရီ ၂၀၂၆) ရာသီဥတုအအေးဒဏ်ကြောင့် ရက္ခိုင်ပြည်၊ ဂွမြို့နယ်ရှိ တလသားအရွယ် စစ်ရှောင်ကလေးငယ်တဦး သေဆုံးခဲ့တယ်လို့ ဂွမြိုနယ်စစ်ဘေးရှောင်ကူညီရေးပူးပေါင်းအဖွဲ့ရဲ့ တာဝန်ရှိသူတဦးက ပြောပါတယ်။ အဆိုပါ ကလေးငယ်ဟာ ဂွမြို့နယ်၊ ကျန္တလီမြို့တွင် စစ်ရှောင်နေတဲ့ သံတွဲမြို့နယ် မောင်ရွှေလေးရွာက စစ်ရှောင်မိသားစုတစုမှဖြစ်ပြီး အောင်စီဂျင်ကျလို့ ဆေးကုသမှု ခံယူရန် ပိုဆောင်စဉ် (ဖေဖော်ဝါရီလ ၈ ရက်) နံနက် ၅ နာရီ ၄၅ မိနစ်မှာ သေဆုံးခဲ့တာလို့ သိရပါတယ်။ “ ကလေးက ချွဲကြပ်ပြီး ဆုံးသွားတာပါ က‌လေးက ရောဂါအခံကြောင့် မဟုတ်ပါဘူး။ တလသားဆိုတော့ ငယ်သေးတယ်။ ဆောင်းကလည်း ဒီရက်ပိုင်း ပြန်အေးတယ်။ က‌လေးတော်‌တော်များများအဆုတ်ပွတယ်”  လို့ အဆိုပါအဖွဲရဲ့ တာဝန်ရှိသူတဦးက အာရက္ခတိုင်းမ်စ်ကို ပြောပါတယ်။ လတ်တလောမှာတော့ ရက္ခိုင်ပြည် စစ်ရှောင်တွေအတွက် စောင်၊ အနွေးထည်များ လိုအပ်နေပြီး အအေးဒဏ်ကြောင့် စစ်ရှောင် သက်ကြီးရွယ်အိုနဲ့ ကလေးငယ်တချို့ ဖျားနာမှုများ ရှိနေကာ ဆေးဝါးလိုအပ်ချက်တွေ ရှိနေဆဲဖြစ်တယ်လို့ စစ်ရှောင်တွေကို ကူညီနေသူတွေက ဆိုပါတယ်။...

အာရက္ခတိုင်းမ်စ် (၁၀ ဖေဖော်ဝါရီ ၂၀၂၆) ရက္ခိုင်ပြည် တောင်ကုတ်ခရိုင်အတွင်ရှိ ဒေသခံပြည်သူတွေကို အာရက္ခပြည်သူ့ကျန်းမာရေးဌာန၊ လူသားချင်းစာနာထောက်ထားရေးနဲ့ ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး (HDCO) တို့ ပူးပေါင်းပြီး ဖေဖော်ဝါရီလ ၈ ရက်က စတင်ကာ နယ်လှည့်ကွင်းဆင်းပြီး အခမဲ့ဆေးကုသပေးပြီး ခြင်ထောင်များ ထောက်ပံ့ကူညီပေးခဲ့တယ်လို့ ဒေသခံတွေက ပြောပါတယ်။ အာရက္ခပြည်သူ့ကျန်းမာရေးဇာနအနေနဲ့ ဒေသခံပြည်သူတွေကို ငှက်ဖျားပိုး သွေးဖောက်စစ်ဆေးခြင်း၊ ကိုယ်ဝန်ဆောင်များကို ကျန်းမာရေး စောင့်ရှောက်မှုပေးခြင်း၊ အရေပြားရောဂါများကို ကုသမှုပေးခြင်းနဲ့ အထွေထွေရောဂါတွေကိုလည်း အခမဲ့ ဆေးကုသပေးခဲ့တယ်လို့ သိရပါတယ်။ အဆိုပါ နယ်လှည့်ကွင်းဆင်း ကုသပေးခြင်းခရီးစဉ်တွင် ကိုယ်ဝန်ဆောင်အမျိုးသမီးများနဲ့ ၅နှစ်အောက် ကလေးငယ်များရှိတဲ့ အိမ်ထောင်စုများအတွက် CYC ခြင်ထောင် အလုံး (၂၅၀) ကို ထောက်ပံ့ပေးခဲ့ပြီး HDCO အနေနဲ့လည်း ၂ နှစ်အောက် ကလေးသူငယ်များအတွက် အာဟာရနို့မှုန့်များကို ထောက်ပံ့ပေးခဲ့တယ်လို့လည်း သိရပါတယ်။ အလားတူ ၂၀၂၅ ခုနှစ် သြဂုတ်လကလည်း အာရက္ခပြည်သူ့တော်လှန်ရေးအစိုးရရဲ့ ကျန်းမာရေးဌာနနဲ့ လူသားချင်းစာနာထောက်ထားရေးနဲ့ ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံးတို့ ပူးပေါင်းပြီး တောင်ကုတ်မြို့နယ်က ကျောက်တန်းခါး၊ ဂွေးတောက်၊ ရပ်တော်မူ၊ တိုးချဲ၊ စလူ၊ ဒိုးနွယ်စမ်း၊ ပိနွဲစမ်း၊ ရေပေါ်ကြီး၊ သပြေ၊ ဇွတ်ပြဲ နဲ့ ညောင်လွန်တော စတဲ့ ကျေးရွာတွေက ပြည်သူတွေကို ဆေးကုသပေးပြီး ခြင်ထောင်များ ပေးဝေခဲ့ပါတယ်။ Ref & Photo – Golden Era Media...

အာရက္ခတိုင်းမ်စ် (၁၀ ဖေဖော်ဝါရီ ၂၀၂၆) ရက္ခိုင်ပြည် သံတွဲနဲ့ တောင်ကုတ်ခရိုင်တွင်လည်း အာရက္ခပြည်သူ့တော်လှန်ရေးအစိုးရ အာရက္ခပြည်သူ့တော်လှန်ရေးအစိုးရအနေနဲ့ နီပါးရ်ဗိုင်းရပ် အသိပညာပေးတွေ လုပ်ဆောင်ပေးနေတယ်လို့ သိရပါတယ်။ “ လူနည်းနည်းစည်တဲ့နေရာလေးတွေမှာ ဆိုင်းဘုတ်ထောင်တာတွေ ရွာတွေမှာလိုက်ပြီး လက်ကမ်းစာစောင်ပေးတာတွေနဲ့ ဘယ်လိုနေထိုင် ကြိုတင်ကာကွယ်သင့်တယ် အဲဒါတွေကို လုပ်ပေးနေတယ်”  လို့ သံတွဲမြို့ဒေသခံတဦးက အာရက္ခတိုင်းမ်စ်ကို ပြောပါတယ်။ နီပါးရ်(Nipah) ဗိုင်းရပ်စ် ကာကွယ်ရေး အသိပညာပေး လက်ကမ်းစာစောင်များကို အာရက္ခပြည်သူ့တော်လှန်ရေးအစိုးရ အာရက္ခပြည်သူ့ကျန်းမာရေးဌာန တာဝန်ရှိသူများ၊ DLEPS (ရဲတပ်ဖွဲ့) ဝင်များ၊HDCO ဝန်ထမ်းများ၊ ကျန်းမာရေးဌာနဝန်ထမ်းများနဲ့ ရက္ခိုင်အမျိုးသားအဖွဲ့ချုပ် တာဝန်ရှိသူများ စုပေါင်းပြီး ဖြန့်ဝေပေးနေတာလည်း ဖြစ်ပါတယ်။ လက်ရှိတွင် နီပါးရ်ဗိုင်းရပ်စ်ရောဂါအတွက် ကုသရန် ဆေးဝါးမရှိသေးတဲ့အတွက် ကြိုတင်ကာကွယ်ခြင်းဟာ အကောင်းဆုံးကာကွယ်ဖြစ်တယ်လို့လည်း အာရက္ခပြည်သူ့ကျန်းမာရေးဌာနက သတိပီးထုတ်ပြန်ထားပါတယ်။ နီပါးရ်ဗိုင်းရပ်စ်နဲ့ပတ်သက်ပြီး  မိဘပြည်သူများအနေနဲ့ ပေါ့ပေါ့ဆဆ မနေထိုင်ကြရန်နဲ့ ရောဂါကူးစက် ပြန့်ပွားလာပါက အသက်အန္တာရာယ်ရှိနိုင်တဲ့အတွက် သတိထားကြရန် လိုအပ်တယ်လို့လည်း သတိပေးထားတယ်လို့ သိရပါတယ်။ အာရက္ခပြည်သူ့ကျန်းမာရေးဌာန အနေနဲ့လည်း  ရက္ခိုင်ပြည်အတွင်းရှိ ပြည်သူများကို နီပါးဗိုင်းရပ်စ်နဲ့ ပတ်သက်ပြီး ကြိုတင်ကာကွယ်နိုင်ရန် အသိပညာပေးလုပ်ငန်းများကိုလည်း ဌာနဆိုင်ရာများနဲ့ ပူးပေါင်းကာ အရှိန်အဟုန်မြှင့် ဆောင်ရွက်နေတယ်လို့လည်း သိရပါတယ်။...

အာရက္ခတိုင်းမ်စ် (၉ ဖေဖော်ဝါရီ ၂၀၂၆) စစ်ကော်မရှင် ဗုံးကြဲခဲ့လို့ ရက္ခိုင်ပြည် မြောက်ဦးဆေးရုံ ပျက်စီးခဲ့ရပြီး အဆိုပါ ဆေးရုံ ပြန်လည်တည်ဆောက်နိုင်ရေးအတွက် မောင်တော်ခရိုင်နေ မူဆလင်ပြည်သူများက စုပေါင်းအလှူငွေ သိန်း ၅၀၀ ကျပ်ကို ဖေဖော်ဝါရီလ ၈ ရက်က လှူဒါန်းပေးခဲ့တယ်လို့ သိရပါတယ်။ အဆိုပါ အလှူငွေ ပေးအပ်လှူဒါန်းပွဲကို မြောက်ဦးခရိုင် အုပ်ချုပ်ရေးဌာနအကြီးအကဲများ၊ အာရက္ခပြည်သူ့ကျန်းမာရေးဌာနက တာဝန်ရှိသူများ၊ မောင်တောခရိုင် မူဆလင်ဘာသာရေးခေါင်းဆောင်များ၊ မောင်တောခရိုင်ဂျူရီလူကြီးများ၊ ဒေသခံမူဆလင်ဘာသာရေးခေါင်းဆောင်များနဲ့ အရပ်ဖက်လူမှုအဖွဲ့အစည်းများ တက်ရောက်ခဲ့တယ်လို့ သိရပါတယ်။ “ ကျနော်တို့ ဘူးသီးတောင် မောင်တောက လူနာတွေလည်း မြောက်ဦးကိုလာလို့ ကုသနေကြတယ်ဆိုတဲ့ သတင်းတွေလည်း ကြားရပါတယ်။ အဲလို ဆေးရုံကြီးတခု၊ ဘာသာပေါင်းစုံ ဆေးကုသနေကြတဲ့ ဆေးရုံပြီးတခုကို ရက်ရက်စက်စက် ဖျက်ဆီးလိုက်တယ်။ ပြည်သူတွေကလည်း ရင်နာရပါတယ်။ ကျနော်တို့လည်း ဝိုင်းလို့ပြောတဲ့အခါ ပူးပေါင်းပါဝင်လိုစိတ် ပေါ်လာတယ်။ လှူလည်း လှူကြပါတယ်”  လို့ အဆိုပါ အခမ်းအနားကို တက်ရောက်လာတဲ့ မောင်တောခရိုင် ဂျူရီလူကြီးအဖွဲ့ဝင် ဆရာဘာရ်ဆဲက ပြောပါတယ်။ မြောက်ဦးဆေးရုံ ပြန်လည်တည်ဆောက် လည်ပတ်နိုင်ရေးအတွက် မြောက်ဦး၊ ကျောက်တော်မြို့နယ်တို့မှ မူဆလင်ဘာသာရေးခေါင်းဆောင်တွေအနေနဲ့လည်း အလှူငွေများ ပေးအပ်နိုင်ရန် စီစဉ်နေကြတယ်လို့လည်း သိရပါတယ်။ ရက္ခိုင်ပြည် မြောက်ဦးဆေးရုံကို စစ်ကော်မရှင်က ၂၀၂၅ ခုနှစ် ဒီဇင်ဘာလ ၁၀ ရက်က ဗုံးကြဲတိုက်ခိုက်ခဲ့တာကြောင့် ကလေးသူငယ်အပါအဝင် ပြည်သူ ၃၃ ဦး သေဆုံးခဲ့ပြီး ရ၆ ဦး ထိခိုက်ဒဏ်ရာ ရရှိခဲ့ပါတယ်။ Ref & Photo – APM...