အာရက္ခတိုင်းမ်စ် (၂၁ ဇန်နဝါရီ ၂၀၂၅)
ရက္ခိုင်ပြည် နဲ့ ဧရာဝတီတိုင်း နယ်စပ်အချို့၊ ပွိုင့် ၃၆၉ ကုန်း နဲ့ ရေကြည်မြို့ ချင်းစုကျေးရွာ အနီးတွင် တိုက်ပွဲများ ဖြစ်ပွားနေတယ်လို့ အာရက္ခတပ်တော်က ထုတ်ပြန်ခဲ့ပါတယ်။
ထို့အတူ ရက္ခိုင် နယ်စပ် ၃ ခုတွင် ၄နေရာတွင်လည်း တိုက်ပွဲဖြစ်ပွားနေပြီး တိုက်ပွဲ ဖြစ်ပွားရာ နေရာများမှာ ရက္ခိုင်-ပဲခူး၊ ရက္ခိုင်-ဧရာဝတီ၊ ရက္ခိုင်-မကွေး နဲ့ ရက္ခိုင်ရိုးမ-ဧရာဝတီတိုင်းအစပ်တို့တွင် စစ်ကောင်စီနဲ့ တိုက်ပွဲဖြစ်ပွားနေတယ်လို့ ဆိုပါတယ်။
အလားတူ အမ်းမြို့နယ်အတွင်ရှိ ကမြင်းကန် (ကံမြင်ကန်)၊ ပိန်းရေစမ်း၊ ကြက်ရေစမ်းကျေးရွာ အနီးရှိ အမ်း-ပဒါန်း ကားလမ်းမပေါ်တွင်လည်း စစ်ကောင်စီနဲ့ အပြန်အလှန် ထိုးစစ်၊ ခံစစ် တိုက်ပွဲများ ဖြစ်ပွားနေတာ တစ်ပတ်ကျော် ကြာပြီလို့လည်း အာရက္ခတပ်တော်က ထုတ်ပြန်ပါတယ်။
စစ်ကောင်စီက တပ်မ ၈၈၊ ၉၉ လက်အောက်ခံတပ်ရင်းများ မကွေး ကပစ ပါဝင်တဲ့ စစ်ကြောင်းဟာ ဇန်နဝါရီလ ၁၁ က စတင်ကာ အာရက္ခတပ်တော်ကို အကြိမ်ကြိမ် ထိုးစစ်ဆင်သော်လည်း အထိအခိုက် အဆုံးအရှုံးနဲ့ ဆုတ်ခွာထွက်ပြေးကြတယ်လို့ AA က ဆိုပါတယ်။
အဆိုပါ တစ်ပတ်ကျော်ကြာတိုက်ပွဲအတွင်းတွင် စစ်ကောင်စီတပ်သားအလောင်း အများအပြား ရရှိခဲ့ပြီး လက်နက်ခဲယမ်း စစ်အသုံးအဆောင်ပစ္စည်းအများအပြားနဲ့ စစ်သုံ့ပန်းအချို့ ဖမ်းဆီရမိခဲ့တယ်လို့လည်း ထုတ်ပြန်ချက်မှာ ပါရှိပါတယ်။
4 comments