ဘူးသီးတောင်တွင် မူဆလင်စစ်သည်များပါ ပါဝင်ကူညီလုပ်ဆောင်ပေး

by Rakhita Timesဇူလိုင် 16, 2026ဇူလိုင် 16, 202615 159

အာရက္ခတိုင်းမ်စ် (၁၆ ဇူလိုင် ၂၀၂၆)

ရက္ခိုင်ပြည် ဘူးသီတောင်မြို့နယ်ရှိ ရေဘေးသင့်ပြည်သူများကို အာရက္ခတပ်တော်က မူဆလင်စစ်သည် စစ်မေတွေပါ ပါဝင် ကူညီလုပ်ဆောင်ပေးခဲ့တယ်လို့ သိရပါတယ်။

“၁၅ ရက်နေ့က ရေးဘေးသင့်နေရာတွေမှာ စားန်ရိက္ခာတွေ သွားရောက် လှူဒါန်းခဲ့တယ်။ အဲဒီခရီးစဉ်မှာ မူဆလင်တပ်ဖွဲ့ဝင်တွေလည်း တက်တက်ကြွကြွနဲ့ ပါဝင် ကူညီပေးခဲ့တယ်” လို့ ဘူးသီးတောင်မြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။

ရေဘေးဒဏ်သင့်ခဲ့တဲ့ ကျေးရွာတွေဖြစ်တဲ့ ဘူးသီးတောင်မြို့နယ်က သံခြွီရွာ (ဈေးတန်း)၊ သပြုချောင်း (မူဆလင်) ရွာ၊ ဆင်အိုးပြင် (မူဆလင်) ရွာ၊ ရွှေအိုးပြင်ရွာ၊ ဒေလီ ( မူဆလင်) ရွာ စတဲ့ ကျေးရွာတွေကို ရက္ခိုင်အမျိုးသားအဖွဲ့ချုပ်/အာရက္ခတပ်တော်က ဆန်အပါအဝင် အခြား အရေးပေါ် စားနပ်ရိက္ခာတွေ သွားရောက် ထောက်ပံ့ ကူညီခဲ့တယ်လို့ သိရပါတယ်။

“အရင်တန်းကဆို ဒီလိုမျိုး ဘယ်မြင်ဖူးမှာလဲ။ အခုတော့ ဘာသာ လူမျိုး မခွဲခြားပဲ အတူတကွ လုပ်ဆောင်နေတာကို မျက်မြင်ကိုယ်တွေ့ မြင်ရတာ ဝမ်းသာရတယ်။ ရှေ့ဆက်လည်း ပိုပြီး သဟာဇာတဖြစ်လာမယ်လို့ မျှော်လင့်မိတယ်” လို့ နောက်ထပ် ဘူးသီးတောင်မြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။

အလားတူ ရက္ခိုင်အမျိုးသားအဖွဲ့ချုပ်/အာရက္ခတပ်တော်က ရေနစ်မြုပ်ခဲ့တဲ့ ကျေးရွာတွေမှာ တင်ကျန်ရစ်ခဲ့တဲ့ နှုန်းနဲ့ အမှိုက်တွေကိုလည်း သန့်ရှင်းရေး လုပ်ဆောင်‌ပေးခဲ့တယ်လို့ သိရပါတယ်။
Photo – APM