အာရက္ခတိုင်းမ်စ် (၆ ဇန်နဝါရီ ၂၀၂၅)
ရက္ခိုင်ပြည် အမ်းမြို့နယ်ရှိ အနောက်ပိုင်းတိုင်း စစ်ဌာနချုပ်ကနေပြီး ထွက်ပြေးလာတဲ့ စစ်ကောင်စီတပ်သား ၁၁ဦး နဲ့ လက်နက်ငယ် ၉ လက် ဖမ်းဆီး ရရှိခဲ့တယ်လို့ ချင်းကာကွယ်ရေးတပ် – အရှို (Chin Defence Force – Asho) က မနေ့က (၅ ဇန်နဝါရီ) ထုတ်ပြန်ခဲ့ပါတယ်။
“ ရက္ခိုင်ပြည် အမ်းမြို့နယ်ဘက်က ထွက်ပြေးလွတ်မြောက်လာတဲ့ စစ်ကောင်စီတပ်သားတွေကို ပိတ်ဆို့တားဆီးရာ ၃ရက် နဲ့ ၄ရက် ၂ရက်အတွင်း စစ်သုံ့ပန်း ၁၁ ဦး နဲ့ လက်နက်ငယ် ၉ လက် ဖမ်းဆီး သိမ်းပိုက်ခဲ့တယ်” လို့ ချင်းကာကွယ်ရေးတပ် – အရှို က ဆိုပါတယ်။
အဆိုပါ ဖမ်းဆီးရရှိခဲ့တဲ့ စစ်ကောင်စီတပ်ဖွဲ့ဝင်တွေဟာ ရက္ခိုင်ပြည် အမ်းမြို့နယ် ဆင်ခုံတိုင်ကျေးရွာ နဲ့ တောင်ဇောက်ကျေးရွာ အနီးက စခန်းတွေက ထွက်ပြေးလာသူတွေဖြစ်တယ်လို့ ဆိုပါတယ်။
ချင်းကာကွယ်ရေးတပ် – အရှို အနေနဲ့ မကွေးတိုင်း ငဖဲမြို့နယ်ရှိ အမှတ် (၁၄) ကာကွယ်ရေးပစ္စည်းစက်ရုံကနေပြီး ပဒါန်း-ငဖဲ-စေတုတ္တရာကာလမ်းအတိုင်း စေတုတ္တရာဖက်သို့ ထွက်ခွာလာတဲ့ စစ်ကောင်စီအင်အား ၅၀ ခန့်ပါတဲ့ ကား နှစ်စီးကို ငဖဲမြို့နယ် ညောင်ကိုင်းကျေးရွာအနီးတွင် မင်းဘူးခရိုင် အမှတ် (၈) တပ်ရင်း၊ ငဖဲမြို့နယ် ပြည်သူ့ကာကွယ်ရေးအဖွဲ့ (ပ.က.ဖ) ပူးပေါင်းပြီး တိုက်ခိုက်ရာ စစ်ကောင်စီတပ်သား တစ်ဦး သေဆုံးပြီး ၆ဦး ဒဏ်ရာရသွားတယ်လို့လည်း သိရပါတယ်။
ချင်းကာကွယ်ရေးတပ် – အရှိုဟာ ပြီးခဲ့တဲ့ ၂၀၂၄ခုနှစ် ဒီဇင်ဘာမှာလည်း ရက္ခိုင်ပြည် အမ်းမြို့နယ်အတွင်းက ထွက်ပြေးလွတ်မြောက်လာတဲ့ စစ်ကောင်စီတပ်ဖွဲ့ဝင်တွေကို ဖမ်းဆီးရမိခဲ့ပါသေးတယ်။
ထို့အတူ ဒီဇင်ဘာ ၂၅၊ ၂၆၊ ၂၇ရက်နေ့တွေမှာ စစ်ကောင်စီတပ်ဖွဲ့ဝင် ၁၇ဦးကို လက်နက်ခဲယမ်းတွေနဲ့အတူ ဖမ်းဆီးရမိခဲ့ပြီး စစ်ကောင်စီတပ်ဖွဲ့ဝင်တချို့ဟာလည်း ချင်းကာကွယ်ရေးတပ် – အရှိုဆီမှာ လက်နက်အပ်ကာ အလင်းဝင်ခဲ့ကြပါတယ်။
2 comments
Официальные onion адреса на кракен онион адреса и ссылки для максимально анонимного доступа через Tor
Продажа тяговых faamru.com аккумуляторных батарей для вилочных погрузчиков, ричтраков, электротележек и штабелеров. Решения для интенсивной складской работы: стабильная мощность, долгий ресурс, надёжная работа в сменном режиме, помощь с подбором АКБ по параметрам техники и оперативная поставка под задачу