ရက္ခိုင်တွင် ၅ နှစ်အောက်ကလေးတွေ တတိယအကြိမ် ကာကွယ်ဆေးထပ်မံထိုးပေး

အာရက္ခတိုင်းမ်စ် (၂၄ မတ် ၂၀၂၆)

ရက္ခိုင်ပြည်က လွတ်မြောက်နယ်မြေတချို့တွင် ၅ နှစ်အောက် ကလေးငယ်တွေကို တတိယအကြိမ် အာရက္ခပြည်သူ့ကျန်းမာရေးဌာနက ထိုးပေးနေတယ်လို့ သိရပါတယ်။

ပထမအကြိမ် ကာကွယ်ဆေးထိုးပေးရာတွင် ၂ လသားအရွယ်ကနေ ၃ နှစ်အရွယ်အထိ၊ ဒုတိယအကြိမ်တွင် ၂ လသားအရွယ်ကနေ ၅ နှစ်သားအရွယ်အထိနဲ့ တတိယအကြိမ်တွင် ၂ လသားအရွယ်ကနေ ၅ နှစ်သားအရွယ်အထိ ထိုးပေးနေတာလည်း ဖြစ်ပါတယ်။

အာရက္ခပြည်သူ့ကျန်းမာရေးဌာနက ၂ လ နဲ့ ၁ နှစ်ကြား ကလေးငယ်များအတွက် ပိုလီယိုရောဂါကာကွယ်ရန် OPV သောက်ဆေး၊ ဆုံဆို့နာ၊ မေးခိုင်နဲ့ ကြက်ညှာချောင်းဆိုး ရောဂါ (၃) မျိုးကို ကာကွယ်ပေးတဲ့ (DPT) ထိုးဆေး နဲ့ ခြင်ကတဆင့် ကူးစက်တတ်တဲ့ ဂျပန်ဦးနှောက်ရောင်ရောဂါကာကွယ်ဆေး (JE) များ ထိုးနှံပေးခဲ့တာလို့လည်း သိရပါတယ်။

ဆက်လက်ပြီးတော့ ၁ နှစ် နဲ့ ၃ နှစ်ကြား ကလေးငယ်တွေကို ရေကျောက်ဗိုင်းရပ်စ်ကြောင့် ဖြစ်ပွားတဲ့ ရေကျောက်ရောဂါကာကွယ်ဆေး၊ ၃ နှစ်နဲ့ ၅ နှစ်ကြားကလေးငယ်တွေကို အသည်းရောင်အသားဝါ – A ကာကွယ်ဆေးနဲ့ ဦးနှောက်အမြှေးရောင်၊ သွေးဆိပ်သင့်ရောဂါများကို ကာကွယ်ပေးတဲ့ ဦးနှောက်အမြှေးရောင်ရောဂါ ကာကွယ်ဆေးတွေကိုလည်း ထိုးနှံပေးခဲ့တယ်လို့ သိရပါတယ်။

အလားတူ ရက္ခိုင်ပြည် ၊ မောင်တောမြို့နယ်တွင်လည်း ကာကွယ်ဆေးထိုးရန် ကျန်ရှိနေတဲ့ အသက် ၅ နှစ်အောက် ကလေးငယ်တွေကို အာရက္ခပြည်သူ့ကျန်းမာရေးဌာနက မတ်လ ၃ ရက်က တတိယအကြိမ်အ‌ဖြစ် ကာကွယ်ဆေး ထိုးနှံပေးခဲ့ပါတယ်။

ဓာတ်ပုံ- One Nation News