ရက္ခိုင်ပြည်၊ တောင်ကုတ်မြို့နယ်မှာ စစ်ကောင်စီတပ်ထောင်ထားတဲ့ မိုင်းတလုံးကို နင်းမိ၍ အမျိုးသမီးတစ်ဦး ခြေတစ်ဖက် ပြတ်သွားတယ်လို့ Arakan Princess Media က ဖော်ပြပါတယ်။
တောင်ကုတ်မြို့နယ် ဖုံညိုရွာက အသက် ၄၅ နှစ်အရွယ် ဒေါ်ခင်ချိုက သူ့ရဲ့ အိမ်ခြံထဲမှာ ဟင်းပင်စိုက်ဖို့အတွက် မြေပေါက်နေချိန် စစ်ကောင်စီတပ်ထောင်ထားတဲ့ မိုင်းတစ်လုံးကို တက်နင်းမိခဲ့တာလို့ ဆိုပါတယ်။
ဒီကနေ့ ဧပြီ ၂၇ ရက် နေ့ခင်း ၂ နာရီ ကျော်မှာ ပေါက်ကွဲမှု ဖြစ်ပွားခဲ့တာ ဖြစ်ပြီး ညာဖက်ခြေထောက် ပြတ်ထွက်ကာ လက်ရှိမှာ အရေးပေါ် ဆေးကုသမှု ခံယူနေတယ်လို့ ဆိုပါတယ်။
အလားတူ ပြီးခဲ့တဲ့ ဧပြီ ၂၄ ရက် မနက်ပိုင်းက တောင်ကုတ်မြို့နယ်မှာ စစ်ကျန်ဗုံးပေါက်ကွဲလို့ ဒေသခံပြည်သူ ၁ ဦး သေဆုံးခဲ့ပါတယ်။
အာရက္ခပြည်သူ့ တော်လှန်ရေး အစိုးရအနေနဲ့ အာရက္ခဒေသအတွင်း မိုင်းနဲ့ စစ်ကျန်လက်နက်အန္တရာယ် ပညာပေးဟောပြောပွဲတွေ၊ မိုင်းအန္တရာယ်ဆိုင်ရာ သတိပေးဆိုင်းဘုတ်တွေ၊ မိုင်းအန္တရာယ်ဆိုင်ရာ အသိပညာပေး လက်ကမ်းစာစောင်တွေ ဖြန့်တွေနေတာတွေ၊ မိုင်းရှင်းလင်းရေး လုပ်ငန်းတွေကို ဆက်တိုက်လုပ်ဆောင်နေတယ်လို့ ဆိုပါတယ်။
