အာရက္ခတိုင်းမ်စ် (၂ အောက်တိုဘာ ၂၀၂၅)
ဘင်္ဂလားဒေ့ရှ်ကနေတဆင့် ရေလမ်းကြောင်းနဲ့ ရက္ခိုင်ကို တင်ပို့နေတဲ့ ဓာတ်မြေဩဇာနဲ့ ဘိလပ်မြေအပါအဝင် ကုန်ပစ္စည်းတွေကို ဘင်္ဂလားဒေ့ရှ် ကမ်းခြေစောင့်တပ်ဖွဲ့ ဖမ်းဆီမှု ဆက်တိုက်ရှိနေတာကို တွေ့ရပါတယ်။
စက်တင်ဘာလ ၃၀ ရက်နေ့မှာလည်း ငွေကျပ် ၄ ဒသမ ၂၅ သိန်းခန့် တန်ဖိုးရှိတဲ့ ဘိလပ်မြေအိတ် ၈၅၀ နဲ့ အတူ ကုန်တင်ရေယာဥ်ကနေ ငါးဖမ်းစက်လှေနဲ့ လွှဲပြောင်းနေတဲ့ လူ ၂၄ ဦးကို ဘင်္ဂလာပင်လယ်မှာ ဖမ်းမိခဲ့တယ်ဆိုပြီး ကမ်းခြေစောင့်တပ်ဖွဲ့ မီဒီယာမှာ သတင်းထုတ်ပြန်ဖော်ပြထားပါတယ်။
ဖမ်းဆီးရမိတဲ့ ဘိလပ်မြေအိတ်နဲ့အတူ လူ ၂၄ ဦးကို အကောက်ခွန်ရှောင်မှုနဲ့ သိမ်းဆည်းအမှုဖွင့်ထားတယ်လို့ ဆိုပါတယ်။
အလားတူ ပြီးခဲ့တဲ့ စက်တင်ဘာ၂၈ရက်နေ့ကလည်း တန်ဖိုးမှာတာကာငွေ ၁၂ ဒသမ ၅၀ သိန်းခန့်တန်ဖိုးရှိတဲ့ မှောင်ခိုသယ်ဆောင်သူ ၇ ဦးကို ပဲမျိုးစုံ ၁၀၀ အိတ်၊ကြက်သွန်နီ ၁၄၇ အိတ်၊ ဘိလပ်မြေ ၃၅၀ အိတ်တို့နဲ့အတူ ဖမ်းဆီးခဲ့တာ ရှိပါတယ်။
ဘင်္ဂလားဒေ့ရှ်လုံခြုံရေးတပ်ဖွဲ့တွေက ရက္ခိုင်ကို ကုန်ပစ္စည်းတွေ တင်ပို့ခွင့်ကို ယခင်ကထက် ပိုပြီး တင်းတင်းကျပ်ကျပ် ပိတ်ပင်တာတွေ၊ ဖမ်းဆီးတာတွေကို ပိုပြီး ပြုလုပ်နေတာ ဖြစ်ပါတယ်။
အာရက္ခတပ်တော် ထိန်းချုပ်ထားတဲ့ မောင်တောမြို့ ကုန်သွယ်ရေးဇုန်ကနေတဆင့် နှစ်ဖက်နားလည်မှုနဲ့ အပြန်အလှန် ကုန်သွယ်မှုတွေ လုပ်ဆောင်ခဲ့ကြတာဖြစ်ပြီး လက်ရှိမှာ ဘင်္ဂလားဒေ့ရှ် လုံခြုံရေးတပ်ဖွဲ့တွေက သဘောထားပြောင်းလဲလာပြီး ဖမ်းဆီးမှုတွေ လုပ်လာကြတာ ဖြစ်တယ်လို့ ဒေသခံတွေက ထောက်ပြကြပါတယ်။
အာရက္ခတပ်တော်နဲ့ ဘင်္ဂလားဒေ့ရှ်အစိုးရကြား သင့်မြတ်မှု ရှိပေမယ့်လည်း ဘင်္ဂလားဒေ့ရှ်စစ်တပ်ရဲ့ သဘောထားနဲ့ မူဝါဒတွေကြောင့် အခုလို ကုန်သွယ်ရေးကိစ္စအပါအဝင် နယ်စပ်ဒေသမှာ ဖြစ်ပေါ်နေတဲ့ အကြမ်းဖက် လက်နက်ကိုင် ARSA တပ်ဖွဲ့ဝင်တွေနဲ့ပါ ပဋိပက္ခတွေ ပိုပြီး ဖြစ်လာနေတာကို တွေ့ရတယ်လို့ နိုင်ငံရေး လေ့လာသူတွေက သုံးသပ်နေကြပါတယ်။
2 comments
Discover the thrill of real-money live casino action at casino card games, where you can enjoy live dealers, top software providers, and exclusive promotions.
The platform maintains transparent policies so users are aware of rules and standards.
Sprawdz poradnik cyfrowa kamera fpv, jesli szukasz najlepszych wskazowek przy wyborze kamery FPV na start.
Warto tez rozwazyc opcje regulacji kata kamery dla lepszej perspektywy.