အာရက္ခတိုင်းမ်စ် (၅ အောက်တိုဘာ ၂၀၂၅)
မန္တလေးတိုင်းဒေသကြီး ဝမ်းတွင်းမြို့ကို ဗဟိုပြုပြီး အောက်တိုဘာ ၄ ရက်နေ့ ညပိုင်းက အင်အား ရစ်(ခ်)တာစကေး ၄ ဒသမ ၄ အဆင့်ရှိတဲ့ ငလျင်တစ်ခု လှုပ်ခတ်သွားခဲ့တယ်လို့ မိုးလေဝသနဲ့ ဇလဗေဒ ညွှန်ကြားမှုဦးစီးဌာနက ထုတ်ပြန်ပါတယ်။
အောက်တိုဘာလ ၄ ရက် ည ၁၁ နာရီ ၄၅ မိနစ်မှာ မန္တလေးတိုင်းဒေသကြီး ဝမ်းတွင်းမြို့ကို ဗဟိုပြုပြီးတော့ သဲတောမြို့မှာ ငလျင်လှုပ်ခဲ့တာ ဖြစ်ပါတယ်။
“ အိပ်မလို့ လုပ်နေတဲ့အချိန် ဒုန်းဆိုပြီး အိမ်တွေပါ ခါရမ်းသွားတာ ။ ဒီတစ်ခါ အိမ်ပြိုပြီထင်နေတာ ။ အရှိန်လဲပါသလို အချိန်လဲ ကြာတယ်” လို့ ဒေသခံတစ်ဦးက အာရက္ခတိုင်းမ်စ်ကို ပြောပါတယ်။
မန္တလေးတိုင်းဒေသကြီးမှာ မတ်လ ၂၈ ရက်နေ့က ၇ ဒသမ ၇ အဆင့်ရှိတဲ့ အင်အားပြင်း ငလျင်လှုပ်ခတ်ပြီးတဲ့နောက်ပိုင်းမှာလည်း အင်အားအသင့်အတင့်နဲ့ အင်အားငယ် ငလျင်တွေဟာ အခုချိန်ထိ ဆက်တိုက် လှုပ်ခတ်နေလျက်ရှိပါတယ်။
မိုးလေဝသနဲ့ ဇလဗေဒ ညွှန်ကြားမှုဦးစီးဌာနရဲ့ ထုတ်ပြန်ချက်အရ မန္တလေးမြေငလျင်ကြီး လှုပ်ခတ်ပြီးတဲ့နောက် နောက်ဆက်တွဲမြေငလျင်ငယ်တွေ လှုပ်ခတ်မှုဟာ စက်တင်ဘာ ၁၀ ရက် ညပိုင်းအထိ (၂၃၀)ကြိမ်ရှိပြီ ဖြစ်တယ်လို့လည်း သိရပါတယ်။
1 comment