အာရက္ခတိုင်းမ်စ် (၁ ဇူလိုင် ၂၀၂၅)
ရက္ခိုင်ပြည် ကျောက်ဖြူမြို့သိမ်းတိုက်ပွဲ ဆင်နွှဲနေတဲ့ အာရက္ခတပ်တော်ကို အမှတ် ၃၄ တပ်ရင်းတွင် နယ်ခြားစောင့်တပ်နဲ့ စစ်ကောင်စီတပ်တွေ ပူးပေါင်းကာ ခုခံနေတယ်လို့ ဒေသခံတွေက ဆိုပါတယ်။
“ ကျောက်ဖြူနယ်ခြားစောင့်တပ် ၃၂ ကို ပြောင်းတာတော့ တပတ်လောက်ရှိပြီ။ သူတို့က လူအင်အား ၅၀ လောက်တော့ ရှိမယ်ထင်တယ်။ အဲတာကို နေရာပြောင်းတာ မြင်လိုက်တယ်။ နယ်ခြားစောင့်ရဲ နေရာမှာ ရဲတပ်ရင်းမှာ ၃၄ က အစားထိုးတယ်။ ကလားစစ်သားတွေ (ဘင်္ဂလီ) ကို အသုံးပြုမှာလား မသိဘူး။ ဒကစနဲ့ တပ်ကလာပြီးတော့ ၂ ရင်း တိတိလုပ်ခဲ့တယ် အဲဒီနေရာမှာ။ ပြီးခဲ့တဲ့ သောကြာနေ့က စပြီးတော့ သူတို့ ပြန်လုပ်တာ။ အခုလက်ရှိ အဲဒီနေရာမှာတော့ ၃၄ က နေရာယူထားတယ်။နယ်ခြားစောင့်နဲ့ တပ်တွေ အကုန်ပေါင်းထားတယ်” လို့ ကျောက်ဖြူမြို့ ဒေသခံ ၁ ဦးက အာရက္ခတိုင်းမ်စ်ကို ပြောပါတယ်။
ဖေဖော်ဝါရီလက စတင်ခဲ့တဲ့ ကျောက်ဖြူတိုက်ပွဲ လေးလကျော်အတွင်း စစ်ကောင်စီရဲ့ ဗိုလ်မှူးချုပ်အဆင့် ၂ ဦး နဲ့ စစ်ကောင်စီတပ်သား အများအပြား ကျဆုံးခဲ့သလို ဗိုလ်မှူးတဦး နဲ့ အခြားအဆင့်ရှိ စစ်ကောင်စီတပ်သား အများအပြားကိုလည်း အာရက္ခတပ်တော်က ဖမ်းဆီးနိုင်ခဲ့ပါတယ်။
အလားတူ စစ်ရေးရှုံးနိမ့်နေတဲ့အတွက် စစ်ကောက်စီတပ်သားတွေဟာ တပ်ကနေ ထွက်ပြေးလာပြီး အာရက္ခတပ်တော်ထံ လက်နက်ချ အညံ့ခံတာတွေလည်း ရှိနေပါတယ်။
3 comments