အာရက္ခတိုင်းမ်စ် (၁၅ ဇူလိုင် ၂၀၂၆)
ရက္ခိုင်ပြည် ပေါက်တောမြို့နယ်ကို ရွေးတုအစိုးရတပ်ဟာ ဒီကနေ့ည ၇ နာရီခွဲခန့်မှာ လေကြောင်းကနေ ဗုံး ၂ ကြိမ်တိုင်တိုင် ကြဲချ တိုက်ခိုက်ခဲ့တယ်လို့ သိရပါတယ်။
“သိရသလောက် ပြောရရင်တော့ ၇ နာရီ ၁၇ မိနစ်မှာ တစ်ကြိမ်နဲ့ ၇ နာရီ ၂၆ မိနစ်မှာ တစ်ကြိမ် ၂ ကြိမ် လာကြဲသွားတာ” လို့ ပေါက်တောမြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။
ရွေးတုအစိုးရတပ် ကြဲချခဲ့တဲ့ ဗုံး ၂ လုံးဟာ ရက္ခိုင်ပြည် ပေါက်တောမြို့နယ် မနော်သီရိကျေးရွာကို ကျရောက်ခဲ့တယ်လို့ ကနဦး သိရပြီး အသေးစိတ် အချက်အလက်ကိုတော့ ဆက်လက် တင်ဆက်ပေးပါမယ်။
အလားတူ ရွေးတုအစိုးရတပ်ဟာ ဒီကနေ့မှာပဲ ရက္ခိုင်ပြည် ဂွမြို့နယ်ကို နေ့လည် ၂ နာရီ ၂၃ မိနစ်နဲ့ ၂ နာရီ ၂၆ မိနစ်မှာ ၂ ကြိမ်တိုင်တိုင် ဗုံးကြဲခဲ့ပါသေးတယ်။
အဆိုပါ ဗုံးကြဲတိုက်ခိုက်မှုကြောင့် ဗုံး ၂ လုံးဟာ အရင် ရွေးတုအစိုးရတပ် အခြေစိုက်ခဲ့တဲ့ တပ်ရင်းဟောင်းနေရာကို ကျရောက် ပေါက်ကွဲခဲ့တယ်လို့လည်း သိရပါတယ်။
