NewsPolitic

သံတွဲမြို့နယ် ငပလီကမ်းခြေနဲ့ ဘုန်းကြီးကျောင်းကို ဗုံးကြဲလို့ ညီအစ်မ ၂ ဦးသေဆုံးလို့ AA ထုတ်ပြန်

အာရက္ခတိုင်းမ်စ် (၁၉ နိုဝင်ဘာ ၂၀၂၆)

နိုဝင်ဘာလ ၁၈ ရက်မှာ သံတွဲမြို့နယ်၊ ငပလီမြို့၊ လင်းသာ (၁) ရပ်ကွက်ကို စစ်ကောင်စီက ဂျက်တိုက်လေယာဉ်တစ်စီးနဲ့ ညနေ ၅ နာရီ ၂၀ မိနစ်မှာ တစ်ကြိမ်၊ ၅ နာရီ ၂၅ မိနစ်မှာ တစ်ကြိမ်၊ စုစုပေါင်း ၂ ကြိမ် လာရောက် ဗုံးကြဲတိုက်ခိုက်ခဲ့ပြီး ညီအစ်မ ၂ ဦး ဗုံးစထိမှန်ပြီး သေဆုံးခဲ့တယ်လို့ AA က ထုတ်ပြန်ပါတယ်။

ပထမကြိမ်မှာ လင်းသာကမ်းခြေဘက်ကို တိုက်ခိုက်ခဲ့ပြီး ဒုတိယကြိမ်မှာ လင်းသာ (၁) ရပ်ကွက်က မင်္ဂလသုခဘုန်းကြီးကျောင်းကို တိုက်ခိုက်ခဲ့ပါတယ်။

ဒီတိုက်ခိုက်မှုကြောင့် မင်္ဂလသုခဘုန်းကြီးကျောင်းဆောင်နဲ့ ခြံစည်းရိုးအုတ်နံရံတွေ ပျက်စီးခဲ့တယ်လို့ ဆိုပါတယ်။

သေဆုံးသူ ညီအစ်မ ၂ ဦးထဲက တစ်ဦးက နေရာမှာပဲ သေဆုံးပြီး ကျန်တစ်ဦးက ပြင်းထန်တဲ့ ဒဏ်ရာနဲ့ ဆေးရုံကို ပို့ဆောင်စဉ် လမ်းမှာ သေဆုံးခဲ့တယ်လို့ AA က ဆိုပါတယ်။

အဲဒီရပ်ကွက်က နောက်ထပ်ကလေးငယ်တစ်ဦးလည်း ဗုံးစထိမှန် ဒဏ်ရာရခဲ့ပါတယ်။

နိုဝင်ဘာလ ၁၇ ရက်မှာလည်း သံတွဲမြို့နယ်၊ အမှတ် (၁) ရပ်ကွက်၊ GTI ကျောင်းနဲ့ အနီးဝန်းကျင်ကို စစ်ကောင်စီက ဂျက်တိုက်လေယာဉ် ၂ စီးနဲ့ ဗုံးကြဲတိုက်ခိုက်ခဲ့လို့ အနီးအနားက ပြည်သူ ၂ ဦးသေပြီး ၄ ဦး ဒဏ်ရာရခဲ့ပါတယ်။

Related posts

တရုတ်သာ မြောက်ပိုင်း သုံးဖွဲ့နဲ့ PDF တို့ကို မဖြိုခွဲရင် စကမ အမြန်ကျဆုံးနိုင်

Rakhita Times

ဗိုလ်ချုပ် ထွန်းမြတ်နိုင် မွေးနေ့ အထိမ်းအမှတ် မွတ်ဆလင် ၈၀ ကျော် လွတ်ငြိမ်းခွင့်ပေး

Rakhita Times

ဘင်္ဂလားဒေ့ရှ် ငါးဖမ်းသမား ၁၆ ဦးကို AA ထပ်မံ ဖမ်းဆီး

Rakhita Times

Leave a Comment