NewsPolitic

ဝီရဌာနီက နန်းတက်ကျွန်းရွာကို ဗုံးကြဲလို့ ကလေးငယ်အပါ ၄ ဦးသေဆုံး၊ ၉ ဦး ဒဏ်ရာရ

အာရက္ခတိုင်းမ်စ် (၂၂ နိုဝင်ဘာ ၂၀၂၆)

ရက္ခိုင်ပြည်၊ ဝီရဌာနီမြို့နယ်၊ နန်းတက်ကျွန်းကျေးရွာအတွင်း ဒီကနေ့ နိုဝင်ဘာလ ၂၂ ရက် နံနက်ပိုင်းမှာ ဗုံးကြဲတိုက်ခိုက်ခဲ့လို့ ကလေးငယ်တစ်ဦးအပါအဝင် အရပ်သား ၄ ဦး သေဆုံးပြီး ၉ ဦး ထိခိုက် ဒဏ်ရာ ရရှိခဲ့ပါတယ်။

စစ်ကောင်စီတပ်ရဲ့ လေကြောင်း တိုက်ခိုက်မှုက ကျေးရွာအတွင်းပိုင်းနဲ့ ကျေးရွာဘုန်းတော်ကြီးကျောင်းအနီးမှာ ဖြစ်ပွားခဲ့ပြီး နံနက်ပိုင်း ဈေးရောင်း ဈေးဝယ် ပြုလုပ်ဖို့ ဒေသခံတွေ စုဝေးနေချိန်နဲ့ တိုက်ဆိုင်နေတာကြောင့် အရပ်သား ထိခိုက် သေဆုံးမှု ရှိခဲ့တာလို့ ဝီရဌာနီမြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။

သေဆုံးသူ ၄ ဦးထဲမှာ ကလေးငယ်တစ်ဦး ပါဝင်ပြီး ဒဏ်ရာရသူ ၉ ဦးထဲမှာလည်း ကလေးငယ် ၅ ဦးအပါအဝင် သက်ကြီးရွယ်အိုတစ်ဦး ပါဝင်တယ်လို့ သိရပါတယ်။

ဝီရဌာနီမြို့နယ်ထဲက သဝင်ချောင်းကျေးရွာကိုလည်း မနေ့က နိုဝင်ဘာလ ၂၁ ရက် ညပိုင်းမှာ ဗုံးကြဲတိုက်ခိုက်ခဲ့လို့ အရပ်သား ၄ ဦး ဒဏ်ရာရခဲ့ပါတယ်။

AA က လေကြောင်းတိုက်ခိုက်မှုတွေ ရက်ပိုင်းအတွင်း ပိုမိုဖြစ်ပွားနိုင်လို့ ပြည်သူတွေကို အမြဲသတိထားဖို့ တိုက်တွန်းထားပါတယ်။

Related posts

စစ်ကောင်စီက ရွေးကောက်ပွဲကို မဖြစ်မနေ ကျင်းပနိုင်

Rakhita Times

ကျေက်ဖြူစစ်ရှောင်စခန်းတခုတွင် လူသတ်မှုဖြစ်ပွား

Rakhita Times

အမ်းမြို့ကို ပြန်လည်ထူထောင်ရေး ဘယ်လိုလုပ်မလဲ

Rakhita Times

Leave a Comment