အာရက္ခတိုင်းမ်စ်( ၇ ဒီဇင်ဘာ ၂၀၂၅)
ရက္ခိုင်ပြည်၊ ဂွမြို့နယ်အခြေစိုက် ခမရ (၅၆၃) မှ စစ်ကော်မရှင် တပ်သား ၄ ဦး ဟာ လက်နက်ခဲယမ်းများနဲ့ အလင်းဝင်ခဲ့တယ်လို့ People’s Revolution Alliance (PRA-Magway) က ဒီကနေ့ (ဒီဇင်ဘာ ၇ ရက်) ညနေပိုင်းမှာ ထုတ်ပြန်ခဲ့ပါတယ်။
လက်နက်ချ အလင်းဝင်လာတဲ့ လူတွေကတော့ အမ်း – ပဒန်းလမ်းပိုင်း၊ ဇင်ပြွန်းကျေးရွာအနီးမှာ တာဝန်ကျတဲ့ ဒုတပ်ကြပ် တဦး အပါအဝင် တပ်ဖွဲ့ဝင် (၄) ဦး ဖြစ်ပြီး ၎င်းတို့နဲ့အတူ MA – 1 တလက်၊ MA- 2 တလက်၊ MA – 3 နှစ်လက်နဲ့ အခြားခဲယမ်းအချို့ကိုလည်း လက်ခံရရှိခဲ့တယ်လို့ သိရပါတယ်။ အဆိုပါ လေးဦးဟာ စကမ ရဲ့ခမရ (၅၆၃) လက်အောက်ခံ တပ်ရင်းမှဖြစ်ပြီး နည်းအမျိုးမျိုးနဲ့ အတင်းအဓမ္မ ပေါ်တာဆွဲခံရသူတွေ ဖြစ်တယ်လို့ (PRA-Magway) က ထုတ်ပြန်ချက်မှာ ဖော်ပြထားပါတယ်။
ဒါ့အပြင် နတ်ရေကန်တောင်နဲ့ အမ်း – ပဒန်း လမ်းပိုင်းတိုက်ပွဲများမှ ထွက်ပြေးလာတဲ့ စစ်ကော်မရှင် တပ်ဖွဲ့ဝင် သုံးဦးကိုလည်း ငဖဲမြို့နယ်အတွင်းမှာ ဖမ်းဆီးရမိခဲ့ပြီး ၎င်းတို့အနက် နှစ်ဦးဟာ ခလရ (၂၉၅) မှ တပ်ဖွဲ့ဝင်များဖြစ်ကာ ကျန်တဦးကတော့ တပ်မ (၆၆) လက်အောက်ခံ သာယာဝတီအခြေစိုက် ခလရ (၃၅) မှ ဖြစ်တယ်လို့ သိရပါတယ်။
အဆိုပါ သုံးဦးကိုလည်း စစ်သုံပန်းဥပဒေနဲ့အညီ ကောင်းမွန်စွာ ထိန်းသိမ်းထားတယ်လို့ (PRA-Magway) က ထုတ်ပြန်ထားပါတယ်။
2 comments
Alright, folks, just checked out lotus365interface. Seems legit, easy to navigate, and got what I needed quick. Give it a shot if you’re looking for this kinda thing. What’s not to like, eh? Check it out here: lotus365interface
Aaajili36? Heard some good things about their promotions. I haven’t personally tried it, but a buddy of mine swears by it. Maybe worth checking out the bonuses. aaajili36