အာရက္ခတိုင်းမ်စ် (၁၃ ဇန်နဝါရီ ၂၀၂၆)
စစ်တွေသာသနာပိုင်နယ် အငြိမ်းစား နယ်စီးသာသနာပိုင် ဗာနဗထောင်ဝှေ့ ကွယ်လွန်ခြင်းအပေါ် ရက္ခိုင်အမျိုးသားအဖွဲ့ချုပ်/အာရက္ခတပ်တော်က ဝမ်းနည်းကြောင်း သဝဏ်လွှာပေးပို့ခဲ့တယ်လို့ သိရပါတယ်။
နယ်စီးသာသနာပိုင်ကြီး (ဘိရှော့) ဗာနဗထောင်ဝှေ့ ဟာ ဇန်နဝါရီ ၁၀ ရက်နေ့ ည ၉ နာရီ ၄၅ မိနစ် အချိန်မှာ ၉၆ ပါးရောဂါနဲ့ ကွယ်လွန်သွားတာလည်း ဖြစ်ပါတယ်။
သာသနာပိုင်ကြီး ဗာနဗထောင်ဝှေ့ သေဆုံးချိန်မှာ သက်တော် ၈၂ နှစ်ရှိခဲ့ပြီး ဝါတော်အားဖြင့် ၅၇ ဝါ သာသနာ့တာဝန် ထမ်းဆောင်ခဲ့တယ်လို့လည်း သိရပါတယ်။
“အင်္ဂလီကန် အသင်းတော် စစ်တွေသာသနာပိုင်နယ် အနားယူသာသနာပိုင်ကြီး Bishop ဗာနဗထောင်ဝှေ့ သက်တော် (၈၂ နှစ်)၊ ဝါတော် (၅၇) ဝါဟာ ၂၀၂၆ ခုနှစ်၊ ဇန်နဝါရီလ (၁၀) ရက်၊ ည ၉ နာရီ ၄၅ မိနစ်တွင် ခရစ်တော်၌ အိပ်ပျော်ခဲ့တဲ့အတွက် ရက္ခိုင်အမျိုးသားအဖွဲ့ချုပ်၊ ပလက်ဝခရိုင်၊ ခရိုင်ပါတီကော်မတီက ဝမ်းနည်းမိပါတယ်” လို့ ဆိုပါတယ်။
သာသနာပိုင်ကြီး ဗာနဗထောင်ဝှေ့ရဲ့ ဈာပနအခမ်းအနားကို မိသားစုဆွေမျိုးတွေသာမက ခရိုင်ပါတီကော်မတီက အကြီးအကဲတွေ၊ ခရိုင်အုပ်ချုပ်ရေးဌာနက အကြီးအကဲတွေနဲ့ ပလက်ဝခရိုင်အတွင်းက ဌာနဆိုင်ရာအသီးသီးက အရာထမ်း အမှုထမ်းတွေလည်း လိုက်ပါပို့ဆောင်ခဲ့ကြလို့ သိရပါတယ်။
အဆိုပါ ဈာပနဖြစ်မြောက်ရေး ပံ့ပိုး အလှူငွေအဖြစ် ငွေကျပ် ငါးသိန်း ကိုလည်း ပလက်ဝခရိုင်ပါတီကော်မတီက လှူဒါန်းခဲ့တယ်လို့ သိရပါတယ်။
Ref & Photo – We Love Paletwa
163 comments