အာရက္ခတိုင်းမ်စ် (၁၆ ဇူလိုင် ၂၀၂၆)
ရက္ခိုင်ပြည်က ရေဘေးသင့်ပြည်သူတွေအတွက် 96 Soldiers PDF တပ်ဖွဲ့ က ငွေကျပ် ၁၀ သိန်းကို စာရေးဆရာ ဝေဟင်အောင်ကတဆင့် လှူဒါန်းခဲ့တယ်လို့ သိရပါတယ်။
“96 Soldiers PDF တပ်ဖွဲ့က ရက္ခိုင်ရေဘေးသင့် ပြည်သူတွေအတွက် အလှူငွေ ၁၀သိန်းကို ကျနော်တို့ထံကတဆင့် လှူဒါန်းပေးထားပါတယ်။ 96 Soldiers PDF က ရဲဘော်ရဲဘက်များကို ကျေးဇူး အထူးတင်ရှိပါတယ်။ 96 Soldiers PDF အနေနဲ့လည်း လိုရာပန်းတိုင်ကို အရင်ဆုံး ရောက်ရှိနိုင်ပါစေကြောင်း ဆုတောင်းပေးပါတယ်” လို့ စာရေးဆရာ ဝေဟင်အောင်က ဆိုပါတယ်။
ဇူလိုင်လဆန်းက စတင်ကာ ရက္ခိုင်ပြည်တွင် မိုးသည်းထန်စွာရွာသွန်းလို့ မြို့ယ် ၈ ခုထက်မနည်း ရေးကြီးရေလျှံမှုတွေ ဖြစ်ပွားခဲ့ပါတယ်။
အဆိုပါကဲ့သို့ ရေကြီးရေလျှံမှုကြောင့် ရေးဘေးဒဏ်သင့် ရက္ခိုင်ပြည်သူတွေအတွက် မရာနယ်မြေအုပ်ချုပ်ရေးကောင်စီ/မရာလဲန်းကာကွယ်ရေးတပ်ဖွဲ့-MTC/MDF ကလည်း ငွေကျပ် သိန်း ၅၀ ကို ရက္ခိုင်အမျိုးသားအဖွဲ့ချုပ် (ULA) ရဲ့ လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံး (HDCO) ကတဆင့် လှူဒါန်းခဲ့ပါတယ်။
အလားတူ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) ကလည်း ငွေကျပ် ၁၀ သိန်း၊ ကချင်တိုင်းရင်းသူ အဆိုတော် မိုင်းမိုင်ဆိုင်း က ငွေကျပ် သိန်း ၂၀ နဲ့ စောမဲကျီဖောင်ဒေးရှင်းက ငွေကျပ် သိန်း ၁၀၀၀ လှူဒါန်းခဲ့တယ်လို့ သိရပါတယ်။
