အာရက္ခတိုင်းမ်စ် (၂၁ သြဂုတ် ၂၀၂၆)
ဧရာဝတီတိုင်း လေးမျက်နှာမြို့နယ်တွင် သြဂုတ်လ ၁၈ ရက် ညနေဖက်က မြေမြှုပ်မိုင်း နင်းမိလို့ ရက္ခိုင်စစ်ဘေးရှောင် ပြည်သူ ၂ ဦး သေဆုံးခဲ့တယ်လို့ သိရပါတယ်။
“သူတို့က ဟင်းစား သွားရှာကြတာ။ ဒီကို ရောက်နေတာ ၁ နှစ် ပြည့်တော့မယ်။ မနှစ်က ၉ လပိုင်းကတည်းက ရောက်လာကြတာလေ။ ဂွကနေ လာတယ် ပြောတာပဲ” လို့ လေးမျက်နှာမြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။
ရွေးတုအစိုးရတပ် မြှုပ်နှံထားတဲ့ မြေမြှုပ်မိုင်း နင်းမိလို့ သေသုံးသွားတဲ့ ရက္ခိုင်စစ်ဘေးရှောင် ၂ ဦးကတော့ အသက် ၅၀ ဝန်းကျင်ရှိတဲ့ ဦးကျောက်နဲ့ ဒေါ်သိန်းမြင့် ဖြစ်တယ်လို့ သိရပါတယ်။
သူတို့ ၂ ဦးဟာ ဟင်းစားရှာ သွားရာမှာ ဧရာဝတီတိုင်း ဟင်္သာတခရိုင် လေးမျက်နှာမြို့နယ် ရက္ခိုင်ရိုးမအစပ် ပုသိမ်-မုံရွာကားလမ်းဘေး စက်စက်ယိုကျေးရွာအနီးမှာ မြှုပ်နှံထားတဲ့ မြေမြှုပ်မိုင်းကို နင်းမိခဲ့တာလည်း ဖြစ်ပါတယ်။
အလားတူ ဇူလိုင်လ ၂၄ ရက် ညနေကလည်း ရွေးတုအစိုးရတပ် မြှုပ်နှံထားတဲ့ မြေမြှုပ်မိုင်းကို နင်းမိလို့ ရက္ခိုင်စစ်ဘေးရှောင် ၁ ဦး သေဆုံးခဲ့ပြီး ၁ ဦး ထိခိုက် ဒဏ်ရာ ရရှိခဲ့ပါတယ်။
အထက်ပါ မြေမြှပ်မိုင်း ပေါက်ကွဲခဲ့တဲ့ နေရာဟာ ရွေးတုအစိုးရတပ်က၂၀၂၆ ခုနှစ် ဇွန်လမှာ ယာယီစခန်းချခဲ့တဲ့ နေရာဖြစ်တယ်လို့ သိရပါတယ်။
2 comments