မြေမြှုပ်မိုင်း နင်းမိလို့ တောင်ကုတ်ဒေသခံတစ်ဦး ဒဏ်ရာရ

အာရက္ခတိုင်းမ်စ် (၇ ဧပြီ ၂၀၂၅)

ရက္ခိုင်ပြည် တောင်ကုတ်မြို့နယ်တွင် ဧပြီ ၆ ရက် နေ့လည်က စစ်ကောင်စီ ထောင်ထားခဲ့တဲ့ မြေမြှုပ်မိုင်း နင်းမိလို့ ဒေသခံတစ်ဦးသေဆုံးခဲ့တယ်လို့ တောင်ကုတ်မြို့ဒေသခံတွေက အာရက္ခတိုင်းမ်စ်ကို ပြောပါတယ်။

“ ကြိုးကြာကွင်းဆည်နားမှာ ဟင်းစားသွားရှာတာမှာ တက်နင်းမိတာ၊ ညာဖက်လက်ညိုးပြတ်သွားတယ်။ ခန္ဓာကိုယ်တွေမှာလည်း ဒဏ်ရာတွေ ရသွားတယ်” လို့ တောင်ကုတ်မြို့ဒေသခံတစ်ဦးက ပြောပါတယ်။

စစ်ကောင်စီ ထောင်ထားတဲ့ မြေမြှုပ်မိုင်းတက်နင်းမိလို့ ဒဏ်ရာရရှိသွားသူမှာ တောင်ကုတ်မြို့နယ် ကြိုးကြာကွင်းရွာက အသက် ၂၅ နှစ်အရွယ် ကိုဟိန်းမင်းစိုး ဖြစ်တယ်လို့ သိရပါတယ်။

ဧပြီ ၄ ရက်နေ့ကလည်း စစ်ကောင်စီရဲ့ စစ်ကျန်ဗုံးကြောင့် တောင်ကုတ်မြို့တွင် အသက် ၁၃ နှစ် အရွယ် ကလေးတစ်ဦး သေဆုံးခဲ့ပါတယ်။

ရက္ခိုင်ပြည်တွင် စစ်ကောင်စီထောင်ထားခဲ့တဲ့ မြေမြှုပ်မိုင်း၊ စစ်ကျန်လက်နက်တွေကြောင့် ရက္ခိုင်ပြည်သူတွေမှာ အသက်အန္တရာယ်ဘေးကို နေ့စဉ်ကြုံတွေ့နေရပါတယ်။

ရက္ခိုင်ပြည်သူတွေ အသက်ဘေးအန္တရာယ် လုံခြုံစေရေးအတွက် အာရက္ခပြည်သူ့တော်လှန်ရေးအစိုးရအနေနဲ့လည်း ရက္ခိုင်ဒေသအတွင်းမှာ မိုင်း နဲ့ စစ်ကျန်လက်နက်အန္တရာယ်ပညာပေးဟောပြောပွဲများ၊ မိုင်းအန္တရာယ်ဆိုင်ရာ သတိပေးဆိုင်းဘုတမျေား၊ မိုင်းအန္တရာယ်ဆိုင်ရာ အသိပညာပေး လက်ကမ်းစာစောင်ဖြန့်ဝေခြင်း၊ မိုင်းရှင်းလင်းရေး လုပ်ငန်းများကို လုပ်ဆောင်ပေးနေတယ်လို့လည်း သိရပါတယ်။